უილიამ ბატლერ იეიტსი

მასალა ვიკიპედიიდან — თავისუფალი ენციკლოპედია
გადასვლა: ნავიგაცია, ძიება
უილიამ ბატლერ იეიტსი
Yeats Boughton.jpg
უილიამ ბატლერ იეიტსი
დაბ. თარიღი Script error: No such module "Infocards".
დაბ. ადგილი Sandymount
გარდ. თარიღი Script error: No such module "Infocards".
გარდ. ადგილი Menton
საქმიანობა პოეტი
ეროვნება ირლანდიელი
მოქალაქეობა ირლანდიის რესპუბლიკა
ჯილდოები ნობელის პრემიის ლაურეატები ლიტერატურის დარგში და Goethe Plaque of the City of Frankfurt
ხელმოწერა Yeats Signature.jpg
William Butler Yeats ვიკისაწყობში

უილიამ ბატლერ იეიტსი (დ. 13 ივნისი 1865 — გ. 28 იანვარი 1939) — გამოჩენილი ირლანდიელი პოეტი, დრამატურგი, XX ს. ლიტერატურის ერთ-ერთი თვალსაჩინო წარმომადგენელი. ირლანდიური და ბრიტანული ლიტერატურული ესტაბლიშმენტის ბურჯი. იეიტსმა, ლედი გრეგორისა და ედვარდ მარტინთან ერთად დააარსა ირლანდიის ნაციონალური თეატრი (Abbey Theatre). მიღებული აქვს ნობელის პრემია ლიტერატურის დარგში (1923 წ.)

ადრეული წლები[რედაქტირება | წყაროს რედაქტირება]

იეიტსი დაიბადა დუბლინში. ახალგაზრდობიდანვე გატაცებული იყო პოეზიით და ძველირლანდიური ლეგენდებით. იეიტსის ლექსთა პირველი კრებული დაიბეჭდა 1889 წ. მის ლირიულ ლექსებზე გარკვეულწილად გავლენა იქონია სპენსერის, შელის და პრე-რაფაელიტ პოეტთა შემოქმედებამ. შემდგომ წლებში იეიტსის პოეზიამ უფრო რეალისტური ელფერი შეიძინა. წლების განმავლობაში იეიტსმა სხვადასხვა იდეოლოგიური შეხედულება შეითვისა; კრიტიკოს მაიკლ მოზეს სიტყვებით ”... რადიკალურ-ნაციონალისტური, კლასიკურ-ლიბერალური, რეაქციულ-კონსერვატიული და მილენარიანულ-ნიჰილისტური”. 1913 წ. იეიტსმა გაიცნო გამოჩენილი ამერიკელი პოეტი ეზრა ფაუნდი, რომელიც გარკვეული პერიოდის განმავლობაში, ნომინალურად, მისი სეკრეტარის მოვალეობას ასრულებდა. ფაუნდმა ჟურნალ პოეზიაში საკუთარი რედაქციით გამოაქვეყნა იეიტსის ლექსები, რამაც ამ ორ გამოჩენილ პოეტს შორის გამოიწვია გარკვეული უთანხმოება.

ირლანდიის ნაციონალური თეატრი[რედაქტირება | წყაროს რედაქტირება]

1899 წ. იეიტსმა, ლედი გრეგორმა, ედვარდ მარტინმა და ჯორჯ მურმა დააარსეს ნაციონალური თეატრი, რომლის ძირითად მიზანს წარმოადგენდა კელტური და ირლანდიური პიესების დადგმა. შექმნის იდეა მომდინარეობდა ფრანგული ავანგარდული თეატრიდან; შემოქმედებითი ჯგუფის მანიფესტო კი თვით იეიტსმა დაწერა: ”ვიმედოვნებთ, რომ ირლანდიაში ჩვენ შევძლებთ ვიპოვოთ უმანკო და წარმოსახვითი ნიჭის აუდიენცია, რომელიც მზად იქნება გატაცებით უსმინოს მჭერმეტყველებას... და თავისუფალ ექსპერიმენტს, რომელიც ვერ მოიძებნება ინგლისის თეატრებში და, რომლის გარეშე, არანაირ ახალ მოძრაობას არც ხელოვნებაში და არც ლიტერატურაში წარმატება არ ექნება”. შემოქმედებითმა ჯგუფმა ფინანსური დახმარების წყალობით 1904 წ. დუბლინში შეიძინა უძრავი ქონება და 27 დეკემბერს თეატრი გაიხსნა. იეიტსი სიცოცხლის ბოლომდე მოღვაწეობდა ამ თეატრში და განახორციელა მრავალი დადგმა.

სტილი[რედაქტირება | წყაროს რედაქტირება]

იეიტსი მიჩნეულია XX ს. ინგლისურენოვანი პოეზიის უმნიშვნელოვანეს წარმომადგენლად. მის შემოქმედებას ახასიათებს სიმბოლიზმი და ალუზიური მეტყველება. იეიტსი იმგვარად აწყობდა სიტყვებს, რომ პირველად მნიშვნელობათა მიღმა ისახებოდა უფრო ღრმა მნიშვნელობის აზრები. განსხვავებით სხვა მოდერნისტ პოეტებისგან, რომლებიც თავისუფალ რიტმს იყენებდნენ — იეიტსი ტრადიციული ფორმის ოსტატი იყო. იეიტსის შემოქმედებაზე გავლენა იქონია თეოსოფიურმა და ოკულტურმა მისტიკამ, რომელიც მის გვიანდელ პერიოდში შეიმჩნევა.

ლიტერატურა[რედაქტირება | წყაროს რედაქტირება]

  • Ряполова В. А. У. Б. Йейтс и ирландская художественная культура. — М.: Наука, 1985.
  • Кружков Г. Communio poetarum: Йейтс и русский неоромантизм // Кружков Г. Ностальгия обелисков. — М.: НЛО, 2001.
  • Кружков Г. М. У. Б. Йейтс: Исследования и переводы. — М.: Изд-во РГГУ, 2008.
  • Горбунов А. Н. Последний романтик. Поэзия Уильяма Батлера Йейтса. — М.: Прогресс-Традиция, 2015. — გვ. 400. — 500 ეგზ. — ISBN 978-5-89826-431-4

რესურსები ინტერნეტში[რედაქტირება | წყაროს რედაქტირება]

Стихи.ру Александр Багнычев переводы archiveurl = http://www.stihi.ru/avtor/hantengri-ში.+წაკითხვის თარიღი: 2012-08-07.