ანტიგუა და ბარბუდა

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
ანტიგუა და ბარბუდა
Antigua and Barbuda
ანტიგუა და ბარბუდა
დევიზი: „Each Endeavouring, All Achieving
(თუ ყოველი ეცდება, ყველა მიაღწევს მიზანს)“
ჰიმნი: „Fair Antigua, We Salute Thee“
დედაქალაქი
(და უდიდესი ქალაქი)
სენტ-ჯონსი
17°07′ ჩ. გ. 61°51′ დ. გ. / 17.117° ჩ. გ. 61.850° დ. გ. / 17.117; -61.850
ოფიციალური ენა ინგლისური
მთავრობა საპარლამენტო დემოკრატია და კონსტიტუციური მონარქია
 -  მმართველი ელისაბედ II
 -  გენერალ-გუბერნატორი სერ როდნი უილიამსი
 -  პრემიერ-მინისტრი გესტონ ბრაუნი
ფართობი
 -  სულ 440 კმ2 (195-ე)
 -  წყალი (%) უმნიშვნელო
მოსახლეობა
 -  2010 შეფასებით 86,754 (191-ე)
 -  სიმჭიდროვე 197 კაცი/კმ2 (57-ე)
მშპ (მუპ) 2009 შეფასებით
 -  სულ $1.522 მილიარდი (170-ე)
 -  ერთ მოსახლეზე $17,892 (59-ე)
აგი (2007) 0.815 (მაღალი) (57-ე)
ვალუტა აღმოსავლეთ კარიბის დოლარი (XCD)
დროის სარტყელი (UTC -4სთ.)
ქვეყნის კოდი ATG
Internet TLD .ag
სატელეფონო კოდი 1 268

ანტიგუა და ბარბუდა (ინგლ. Antigua and Barbuda) — ქვეყანა, რომელიც მდებარეობს ორ დიდ, ანტიგუასა და ბარბუდაზე და რამდენიმე მცირე კუნძულზე, კარიბის ზღვისა და ატლანტის ოკეანეს შორის.

მოსახლეობა — უმრავლესობა ნეგროიდები. რელიგია — უმრავლესობა პროტესტანტები.

ქვეყანა არის ერთა თანამეგობრობისა და ამერიკის სახელმწიფოთა ორგანიზაციის წევრი.

ქვეყანას მართავს დედოფალი ელისაბედ II, ასევე გენერალ-გუბერნატორი ლუიზა ლეიკ-ტეკი.

ისტორია[რედაქტირება]

თავდაპირველად ანტიგუას ტერიტორიაზე დასახლებულები იყვნენ არქაული ხანის მონადირე ინდიელები, რომლებიც სიბონეის სახელით იყვნენ ცნობილნი. რადიოკარბონულმა ანალიზმა შექმნა ადრეული დასახლებები, რომლებიც ძვ. წ. 3100 წლით თარიღდება. ეს ყველაფერი კერამიკული ხანის არავაკულ ენაზე მოლაპარაკე პრე-კოლუმბიელების დამსახურებაა, რომლებიც გადასახლებულები იყვნენ ქვედა ორონიკოს მდინარიდან.

არავაკები თავიანთ კულტურასთან ერთად გამოირჩეოდნენ სოფლის მეურნეობის განვითარებით. მათ მოჰყავდათ შავი ანანასი, სიმინდი, ბატატი, წიწაკა, გუავა, თამბაქო და ბამბა.

ადგილობრივმა დასავლეთ ინდიელებმა გააკეთეს შესანიშნავი საზღვაო გემები, რომლებსაც ისინი ატლანტის ოკეანეში და კარიბის ზღვაში სამოგზაუროდ იყენებდნენ. ამგვარად, კარიბელებს და არავაკებს შეეძლოთ კოლონიად ექციათ მთელი სამხრეთ ამერიკა და კარიბის კუნძულები. მათი შთამომავლები ჯერაც ცხოვრობენ ვენესუელაში, კოლუმბიაში და განსაკუთრებით ბრაზილიაში.

ძვ. წ. 1100 წელს არავაკების უმრავლესობამ ანტიგუა დატოვა, ხოლო ვინც დარჩნენ კარიბელების თავდასხმების მსხვერპლნი გახდნენ. კათოლიკური ენციკლოპედიის მიხედვით, კარიბელების უმაღლესი დონის იარაღები და მათი საზღვაო სიმამაცე საშუალებას აძლევდა მათ დაემარცხებინათ მთელი დასავლეთ ინდიელ არავაკების ერები, დაემონათ და შესაძლოა შეეჭამათ ისინი.

1493 წელს კუნძული აღმოაჩინა ქრისტეფორე კოლუმბმა, თავისი მეორე ექსპედიციის დროს.

1632 წლიდან ანტიგუა და ბარბუდა დიდი ბრიტანეთის კოლონია იყო. ინგლისელები ამ ტერიტორიებზე პლანტაციურ სოფლის მეურნეობას მისდევდნენ (შაქრის ლერწამი, ბამბა, თამბაქო, ქოქოსი). ინგლისელები პლანტაციებში აფრიკიდან ჩამოყვანილ მონებს ამუშავებდნენ. მონობა ამ ქვეყანაში 1834 წელს გაუქმდა.

1958-1962 წწ. ანტიგუა ვესტ-ინდოეთის ფედერაციის შემადგენლობაში იყო.

1967 წლის თებერვალში ინგლისმა ანტიგუა გამოაცხადა „დიდი ბრიტანეთის ასოცირებულ ქვეყნად“.

1981 წლის 1 ნოემბრიდან არის დამოუკიდებელი სახელმწიფო. ქვეყნის მონარქია ანტიგუას და ბარბუდას დედოფალი ელიზაბეთ II. ანტიგუას და ბარბუდას პრემიერ-მინისტირი არის გესტონ ბრაუნი.

გეოგრაფია[რედაქტირება]

სახელმწიფო შედგება ორი შედარებით დიდი და რამდენიმე პატარა კუნძულისაგან, რომლებიც მის სანაპიროსთან მდებარეობენ. ანტიგუა — ქვეყნის ყველაზე დიდი დასახლებული კუნძული (280 კმ²). კუნძული ბარბუდა მდებარეობს ანტიგუის ჩრდილოეთით 48 კმ-ში, არის ქვეყნის სიდიდით მეორე კუნძული (161 კმ²). ასევე ქვეყნის შემადგენლობაშია საშუალო სიდიდის კუნძული რედონდა (1,6 კმ²), მდებარეობს ანტიგუის დასავლეთით 40 კმ-ში.

ლანდშაფტი ძირითადად დაბლობებით ხასიათდება. ანტიგუის ყველაზე მაღალი წერტილი — ობამას მთაა, რომელიც ბოგის ბორცვის სახელითაცაა ცნობილი.

ქვეყნის დედაქალაქი — სენტ-ჯონზი, მდებარეობს კუნძულ ანტიგუაზე. ბარბუდის ყველაზე მრავალმრიცხოვანი ქალაქია კოდრინგტონი.

კუნძულებზე თბილი ტროპიკული კლიმატია.

სახელმწიფო[რედაქტირება]

დემოგრაფია[რედაქტირება]

  • მოსახლეობა - 85,632 (2009).
  • სახელმწიფო ენა - ინგლისური
  • რელიგია -
  • დედაქალაქი - სენტ-ჯონსი
  • ქალაქები -
  • ადმინისტრაციული დაყოფა -

რესურსები ინტერნეტში[რედაქტირება]

Commons-logo.svg
ვიკისაწყობში? არის გვერდი თემაზე: