მოზამბიკი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
მოზამბიკის რესპუბლიკა
República de Moçambique
მოზამბიკი
მოზამბიკის
დროშა გერბი
ჰიმნი: Pátria Amada
დედაქალაქი
(და უდიდესი ქალაქი)
მაპუტუ
25°57′ ს. გ. 32°35′ ა. გ. / 25.950° ს. გ. 32.583° ა. გ. / -25.950; 32.583
ოფიციალური ენა(ები) პორტუგალიური
მთავრობა საპრეზიდენტო რესპუბლიკა
 -  პრეზიდენტი არმანდუ გებუსა
 -  პრემიერ-მინისტრი ალბერტუ ვაკინა
ფართობი
 -  სულ 801 590 კმ2 (35-ე)
 -  წყალი (%) 2,2
მოსახლეობა
 -  2009 შეფასებით 22 894 000ref name=unpop>Department of Economic and Social Affairs Population Division (2009). „World Population Prospects, Table A.1“ (PDF). წაკითხვის თარიღი: 2009-03-12. </ref> (54-ე)
 -   აღწერა 2007 
 -  სიმჭიდროვე 28,7 ად კაცი/კმ2 (178-ე)
მშპ (მუპ) 2011 შეფასებით
 -  სულ $23 886 მილიარდი[1] (მე-100)
 -  ერთ მოსახლეზე $1,085[1] 
აგი (2011) 0.322 (დაბალი) (184-ე)
ვალუტა მოზამბიკის მეტიკალი (MZN)
დროის სარტყელი (UTC +2სთ.)
 -  ზაფხულის (DST) (UTC +2სთ.) (UTC)
ქვეყნის კოდი MOZ
Internet TLD .mz
სატელეფონო კოდი +258

მოზამბიკი, ოფიციალური სახელი მოზამბიკის რესპუბლიკა (პორტ. República de Moçambique) — სახელმწიფო სამხრეთ-აღმოსავლეთ აფრიკაში. პორტუგალიის ყოფილი კოლონია. დამოუკიდებელია 1975 წლიდან. აღმოსავლეთიდან ესაზღვრება ინდოეთის ოკეანე, ჩრდილოეთიდან ტანზანია, ჩრდილოეთ-აღმოსავლეთიდან ზამბია და მალავი, დასავლეთიდან — ზიმბაბვე, ხოლო სამხრეთიდან სამხრეთი აფრიკა და სვაზილენდი. დედაქალაქია მაპუტუ (დამოუკიდებლობამდე ერქვა ლორენსუ-მარკესი).

ახალი წელთაღრიცხვის I-V საუკუნეებში ჩრდილოეთიდან და დასავლეთიდან გადმოსახლდა ბანტუზე მოლაპარაკე ხალხი. მოგვიანებით მათ სუაჰილზე მოლაპარაკენი და არაბები მოჰყვნენ. ევროპელთა მოსვლამდე, აღმოსავლეთ სანაპიროს გასწვრივ განლაგებული იყო მათი კომერციული პორტები. 1498 წელს ტერიტორია ვასკო და გამამ გამოიკვლია, 1505 წლიდან კი მისი კოლონიზაცია პორტუგალიამ მოახდინა. 1975 წელს მოზამბიკმა დამოუკიდებლობა მოიპოვა და ეწოდა მოზამბიკის სახალხო რესპუბლიკა. 1977-1992 წლებში მიმდინარეობდა სასტიკი სამოქალაქო ომი.

მოზამბიკი მდიდარია ბუნებრივი რესურსებით. ქვეყნის ეკონომიკა უმთავრესად საზრდოობს სოფლის მეურნეობით, ასევე მრეწველობოთ — ძირითადად იწარმოება საკვები სა სასმელი, ქიმიური პროდუქცია, ზირდება ალუმინისა და ნავთობის პროდუქტების წარმოება. ასევე მზარდია ქვეყნის ტურისტული სექტორი. მოზამბიკის მთავარი სავაჭრო პარტნიორი და პირდაპირი უცხოური ინვესტიციების წყაროა სამხრეთ აფრიკის რესპუბლიკა. მნიშვნელოვან პარტნიორებს შორის ასევე არიან პორტუგალია, ესპანეთი და ბელგია. 2001 წლიდან, მოზამბიკის წლიური მშპ-ის ზრდა მსოფლიოს პირველ ათეულში შედის. მიუხედავად ამისა, ეშპ ერთ მოსახლეზე ერთ-ერთი ყველაზე დაბალია მსოფლიოში, ერთ-ერთი ყველაზე ცუდი მაჩენებლებია ადამიანის განვითარების ინდექსისა და სიცოცხლის ხანგრძლივობის მხრივ.[2]

მოზამბიკის ერთადერთი ოფიციალური ენაა პორტუგალიური. მოსახლეობის დაახლოებით ნახევრისთვის ის მეორე ენაა, შედარებით მცირე რაოდენობისთვის კი პირველი. იმ ენებს შორის, რომლებიც მოსახლეობის დიდი ნაწილისთვის მშობლიურად მიიჩნევა, შედის სუაჰილი, მაკუა და სენა. მოზამბიკში უმსხვილესი რელიგიაა ქრისტიანობა, ასევე არიან მნიშვნელოვანი რაოდენობის მუსლიმები და ტრადიციული აფრიკული რწმენების მიმდევარი უმცირესობები. მოზამბიკი გაწევრიანებულია აფრიკის კავშირში, ერთა თანამეგობრობაში, პორტუგალიურენოვან ქვეყანათა თანამეგობრობაში, ლათინურ კავშირში, ისლამური თანამშრომლობის ორგანიზაციაში, სამხრეთ აფრიკის განვითარების საზოგადოებაში და ფრანკოფონიაში.

იხილეთ აგრეთვე[რედაქტირება]

რესურსები ინტერნეტში[რედაქტირება]

მთავრობა
ზოგადი ინფორმაცია

სქოლიო[რედაქტირება]

  1. 1.0 1.1 Mozambique. International Monetary Fund. წაკითხვის თარიღი: 2012-04-20.
  2. "Mozambique". CIA World Factbook. Retrieved 22 May 2007.
Commons-logo.svg
ვიკისაწყობში? არის გვერდი თემაზე: