ხაშურის წმინდა ნიკოლოზის ეკლესია

ხაშურის წმინდა ნიკოლოზის ეკლესია — ეკლესია ხაშურის სამხრეთ-აღმოსავლეთ ნაწილში, ჭალის უბანში, თარიღდება XIX საუკუნით.

ეკლესია დარბაზულია (16,9 X 8,6 მ) და ნაგებია აგურით. შესასვლელი სამხრეთითა და დასავლეთითაა. ღრმა ნახევარწრიული აფსიდის ღერძზე მაღალი თაღოვანი სარკმელია. ორი სარკმელი სამხრეთ კედელშია, სამი — ჩრდილოეთისაში, ერთი — დასავლეთ კედელში. დარბაზის გრძივ კედლებზე სამი წყვილი მარტივი პილასტრია, რომლებზეც ეყრდნობა ნახევარწრიული კამარის საბჯენი თაღები.

ლიტერატურა

• საქართველოს ისტორიისა და კულტურის ძეგლთა აღწერილობა, ტ. 5, გვ. 421, თბ., 1990 წელი.

რესურსები ინტერნეტში

• ხაშურის წმ.ნიკოლოზის ეკლესია