ქვიშხეთის ფერისცვალების ეკლესია

ქვიშხეთის ფერისცვალების ეკლესია — ეკლესია ხაშურის მუნიციპალიტეტის სოფელ ქვიშხეთში, სასაფლაოზე. თარიღდება ადრინდელი და შუა ფეოდალური ხანით.

ეკლესია დარბაზულია (8,1 X 5 მ), ნაგებია ქვიშაქვის თლილი კვადრებით და რიყის ქვით. ეკლესია ძლიერ დაზიანებულია - შემორჩენილია აღმოსავლეთი კედელი ნახევარწრიული აფსიდით, ჩრდილოეთ და დასავლეთ კედლების ქვედა ნაწილი, ინტერიერში ცისფერი ტუფის პერანგის ნაწილი და ჩრდილოეთ კედლის თლილი ქვის წყობა. შესასვლელი ეკლესიას დასავლეთიდან ჰქონდა.

ლიტერატურა

• საქართველოს ისტორიისა და კულტურის ძეგლთა აღწერილობა, ტ. 5, თბ., 1990. — გვ. 451.

რესურსები ინტერნეტში

•  საქართველოს კულტურული მემკვიდრეობის ძეგლი რ/ნ 17623