ზემო ოსიაურის ზღუდერის წმინდა გიორგის ეკლესია

მასალა ვიკიპედიიდან — თავისუფალი ენციკლოპედია
Jump to navigation Jump to search
ზემო ოსიაურის ზღუდერის წმინდა გიორგის ეკლესია

ზემო ოსიაურის ზღუდერის წმინდა გიორგის ეკლესიაარქიტექტურული ძეგლი ხაშურის მუნიციპალიტეტის სოფელ ზემო ოსიაურში, მდებარეობს სოფლის აღმოსავლეთ ნაწილში. თარიღდება გვიანდელი ფეოდალური ხანით. ეკლესია დარბაზულია (10,3X5,8 მ), ნაგებია ნატეხი ქვით. შესასვლელი სამხრეთითაა. ნახევარწრიული აფსიდის სარკმლის ორივე მხარეს თითო ნიშია. დასავლეთით, სამხრეთითა და ჩრდილოეთით თითო სარკმელია. დარბაზი გადახურულია ცილინდრული კამარით, რომლის საბჯენი თაღი პილასტრებს ეყრდნობა. აღმოსავლეთ ფასადზე სარკმლის ზემოთ გამოსახულია ქვის რელიეფური ცხვრის თავი, ხოლო უფრო ზევით - რელიეფური ჯვარი.

ეკლესიის სამხრეთ-დასავლეთით 8 მეტრზე დგას ქვიშაქვის კვადრებით ნაგები, ცილინდრული კამარით გადახურული სამრეკლო (3,9X3,9 მ), რომელსაც აღმოსავლეთით და დასავლეთით თაღიანი შესასვლელი აქვს.

ლიტერატურა[რედაქტირება | წყაროს რედაქტირება]

საქართველოს ისტორიისა და კულტურის ძეგლთა აღწრილობა, ტ. 5, თბ., 1990 წ.

რესურსები ინტერნეტში[რედაქტირება | წყაროს რედაქტირება]

  • საქართველოს გერბი საქართველოს კულტურული მემკვიდრეობის ძეგლი რ/ნ 12202