პატარა ხალების ღვთისმშობლის ეკლესია

მასალა ვიკიპედიიდან — თავისუფალი ენციკლოპედია
Jump to navigation Jump to search

პატარა ხალების ღვთისმშობლის ეკლესია — არქიტექტურული ძეგლი სოფელ პატარა ხალების დასავლეთით 3-4 კილომეტრზე, ნასოფლარ ღუდას სამხრეთით 200-300 მეტრზე, სასაფლაოზე. სტილისტური ნიშნებით თარიღდება გვიანდელი ფეოდალური ხანით. ძეგლი ძლიერ დაზიანებულია: შემორჩენილია მხოლოდ საკურთხევლისა და დასავლეთ კედლის ნაწილი.

ეკლესია დარბაზულია (10 X 6,2 მ), ნაგებია ნატეხი ქვიშაქვით და აგურით. დასავლეთით შიგნიდან თაღოვანი და გარედან სწორკუთხა შესასვლელი ჰქონია. ნახევარწრიულ აფსიდში ერთი სარკმელია, რომლის ორივე მხარეს კედელში არსებული პატარა სათავსები საკურთხეველს სწორკუთხა შესასვლელებით უკავშირდებიან.

ლიტერატურა[რედაქტირება | წყაროს რედაქტირება]