Wish You Were Here (პინკ ფლოიდის სიმღერა)

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
Disambig-dark.svg ეს სტატია პინკ ფლოიდის სიმღერას ეხება. ამავე სახელწოდების ალბომის შესახებ იხილეთ Wish You Were Here (ალბომი).
„Wish You Were Here“
სიმღერა , შემსრულებელი პინკ ფლოიდი
ალბომი Wish You Were Here
გამოსვლის თარიღი 15 სექტემბერი, 1975
ჩაიწერა იანვარი-ივლისი 1975
ჟანრი პროგრესული როკი
ენა ინგლისური
ხანგრძლივობა 5:40, 6:14 (ალბომის Experience ვერსიაში)
ხმისჩამწერი ლეიბლი Harvest, EMI (ინგლისი) Columbia, Capitol (აშშ)
ავტორი დევიდ გილმორი, როჯერ უოტერსი
პროდიუსერი პინკ ფლოიდი
Wish You Were Here სიმღერების სია
Echoes: The Best of Pink Floyd სიმღერების სია
„Wish You Were Here“
Wish You Were Here ყდა
Wish You Were Here
სინგლი, შემსრულებელი - პინკ ფლოიდი
ალბომიდან PULSE
B-მხარე Coming Back to Life (ცოცხალი), Keep Talking (ცოცხალი)
გამოსვლის თარიღი 20 ივლისი, 1995
ფორმატი კომპაქტ დისკი
ჩაიწერა 20 სექტემბერი (რომი), 13 და 20 ოქტომბერი (ერლს კორტი, ლონდონი), 1994
ჟანრი პროგრესული როკი
ლეიბლი Capitol Records (აშშ)
EMI (ინგლისი)
სიმღერის ავტორი როჯერ უოტერსი, დევიდ გილმორი
პროდიუსერი ჯეიმზ გათრი, დევიდ გილმორი
პინკ ფლოიდი - სინგლების ქრონოლოგია
High Hopes
(1994)
Wish You Were Here
(1995)

Wish You Were Here — სასათაურო სიმღერა პინკ ფლოიდის 1975 წლის ალბომიდან Wish You Were Here.[1][2] სიმღერის ტექსტით როჯერ უოტერსი, მისი ავტორი, აღწერს, თუ როგორია სხვა ადამიანებისგან გაუცხოება. ისევე, როგორც მთლიანად ალბომი, იგი მიგვანიშნებს სიდ ბარეტის ისტორიაზე. სიმღერის მელოდია დევიდ გილმორის მოგონილია, თუმცა გადამუშავებული და დახვეწილია უოტერსის მიერ.

2004 წელს სიმღერა ჟურნალ „როლინგ სტოუნის“ მიერ აღნიშნული იქნა ყველა დროის 500 საუკეთესო სიმღერის სიაში[3]

კომპოზიციური წყობა[რედაქტირება]

ალბომში შეტანილ ორიგინალურ ვერსიაში Wish You Were Here იწყება სიმღერის Have a Cigar შემდეგ, რადიოს გადართვის ხმასთან ერთად. ჟღერს პეტრე ჩაიკოვსკის სიმფონია № 4, საუბრები ეთერში და Wish You Were Here-ის პირველი ნოტები. ცნობილია, რომ რადიოსადგური ჩაწერილი იქნა გილმორის მანქანაში. სიმღერის შესავალი შესრულებულია 12 სიმიან გიტარაზე და ახლავს ისეთი ხმოვანი ეფექტი, თითქოს ისიც რადიოში ჟღერს. შემდეგ სოლო გიტარაზე გრძელდება ეფექტების გარეშე.

ძირითადი მელოდია, გაჟღერებული შესავალში, მეორდება სიმღერის მსვლელობისას. გილმორი მას ასევე ასრულებს სკეტის სტილის ვოკალური იმპროვიზაციით. სიმღერის ბოლოს ჟღერს ქარის ხმა, რომელიც უერთდება სიმღერას Shine On You Crazy Diamond.

სიმღერის ტექსტში არსებული ფოლადის რელსის იდეა აღებულია სიდ ბარეტის სიმღერიდან If It's In You, რომელიც შეტანილია ალბომში The Madcap Laughs.

სხვა ვერსიები[რედაქტირება]

Wish You Were Here მოგვიანებით გამოვიდა კრებულებზე A Collection of Great Dance Songs (რადიოს შესავალი მოჰყვება Shine On You Crazy Diamond-ს) და Echoes (მის წინ ჟღერს Arnold Layne, ხოლო შემდგომ - Jugband Blues).

სიმღერას კონცერტებზე ასრულებდნენ 1977 წლიდან. დევიდ გილმორი ამ კონცერტებზე მას ასრულებდა Fender Stratocaster-ზე, ხოლო სნოუი უაიტი, დამატებითი გიტარისტი - 12 სიმიან გიტარაზე. ხოლმე ნიკ მეისონი სცენაზე სტუდიური ვერსიის მსგავსად, რადიომიმღებს რთავდა. უკანასკნელი აკორდების თანხლებით რიჩარდ რაიტი ასრულებდა იმპროვიზაციას კლავიშიან ინსტრუმენტებზე.

სიმღერის ცოცხალი ჩანაწერი შეტანილია ალბომებში Delicate Sound of Thunder და P*U*L*S*E (უკანასკნელიდან იგი სინგლის სახითაც იქნა გამოცემული).

დევიდ გილმორი სიმღერას ასრულებდა საკუთარ კონცერტებზე, 2001 წლიდან. როჯერ უოტერსმა იგი შეიტანა თავის საკონცერტო პროგრამაში ჯერ კიდევ 1984 წელს. 2004 წელს საქველმოქმედო ტელემარათონზე Tsunami Aid იგი შესრულდა უოტერსისა და ერიკ კლეპტონის მიერ.

1996 წელს, ჯგუფის როკ-ენ-როლის დიდების დარბაზში შეყვანისას სიმღერა ერთად შეასრულეს რიჩარდ რაიტმა, დევიდ გილმორმა და ბილი კორგენმა (სმეშინგ პამპკინსი).

Wish You Were Here ასევე შესრულდა პინკ ფლოიდის სრული შემადგენლობის მიერ, 2005 წელს, კონცერტზე Live 8 გამოსვლისას. მის შესავალში როჯერ უოტერსმა წარმოთქვა: ეს მართლაც ემოციურია, იდგე აქ ამ სამ პიროვნებასთან ამდენი წლის შემდეგ, თქვენთან ერთად. ეს სიმღერა ყველას ეძღვნება, ვინც ჩვენთან არ არის და განსაკუთრებით - სიდს.

როჯერ უოტერსი და დევიდ გილმორი კვლავ ასრულებდნენ სიმღერას საკუთარ კონცერტებზე. დღეისათვის უკანასკნელ ასეთ შესრულებას ადგილი ჰქონდა 2010 წლის 10 ივლისს ფონდის Hoping მიერ კიდლინგტონში (ინგლისი) გამართულ დახურულ საქველმოქმედო საღამოზე.

სიმღერების სია[რედაქტირება]

ბრიტანული გამოცემა, EMI - 7243 8 82207 2 9
# სახელწოდება ხანგრძლივობა
1. Wish You Were Here   5:40
2. Coming Back to Life   6:40
3. Keep Talking   6:54

პერსონალი[რედაქტირება]

რესურსები ინტერნეტში[რედაქტირება]

სქოლიო[რედაქტირება]

  1. Strong, Martin C. (2004). The Great Rock Discography, 7th, Edinburgh: Canongate Books, გვ. 1177. ISBN 1-84195-551-5. 
  2. Mabbett, Andy (1995). The Complete Guide to the Music of Pink Floyd. London: Omnibus Press. ISBN 0-7119-4301-X. 
  3. 500 Greatest Songs of All Time: Pink Floyd, 'Wish You Were Here' Rolling Stone. Retrieved 9 September 2011