Meddle

მასალა ვიკიპედიიდან — თავისუფალი ენციკლოპედია
გადასვლა: ნავიგაცია, ძიება
Meddle
სტუდიური ალბომი - პინკ ფლოიდი
გამოცემის თარიღი 30 ოქტომბერი, 1971
ჩაიწერა იანვარი - აგვისტო 1971
სტუდია AIR Studios, ები-როუდის სტუდიები და Morgan Studios, ლონდონი
ჟანრი პროგრესული როკი
ხანგრძლივობა 46:45
ლეიბლი Harvest
პროდიუსერი პინკ ფლოიდი
პინკ ფლოიდი - ქრონოლოგია
Atom Heart Mother
(1970)
Meddle
(1971)
Obscured by Clouds
(1972)
სინგლები ალბომიდან Meddle
  1. One of These Days / Fearless
    გამოვიდა: 29 ნოემბერი 1971
 პროფესიონალური შეფასებები
ქულები
წყარო რეიტინგი
AllMusic 4.5/5 stars[1]
Blender 4/5 stars
რობერტ კრისტგოუ B–[2]
The Daily Telegraph 4/5 stars[3]
The Great Rock Discography 8/10[4]
MusicHound 3/5 stars[5]
Q 3/5 stars[6]
The Rolling Stone Album Guide 3.5/5 stars[7]
Virgin Encyclopedia of Popular Music 4/5 stars[4]

Meddle — ჯგუფ პინკ ფლოიდის მეექვსე სტუდიური ალბომი. იგი გამოვიდა 1971 წლის 30 ოქტომბერს. ალბომი ჩაიწერა სხვადასხვა სტუდიაში, საკონცერტო ტურნეს მსვლელობასთან ერთად, 1971 წლის იანვარ–აგვისტოში.

ჯგუფს ახალი ალბომისთვის არ ჰქონდა რამე სახის მასალა, ამიტომ დაიწყო მუსიკალური ექსპიმენტები, რომლებიც გადაიზარდა ალბომის მთავარ კომპოზიციაში "Echoes". მიუხედავად იმისა, რომ ჯგუფის უფრო გვიანდელი ალბომები გამოირჩეოდნენ ცენტრალური თემით, რასაც ერთვოდა როჯერ უოტერსის მიერ შექმნილი ტექსტები, Meddle იყო ჯგუფური მცდელობა, თითო წევრის მიერ დაწერილი ტექსტით. იგი ითვლება სიდ ბარეტის გავლენის ქვეშ მყოფი პინკ ფლოიდის გარდაქმნის წერტილად.[8] გარეკანი, რომელზეც გამოსახულია წყლის ქვეშ მოთავსებული ყური, შექმნილია Hipgnosis-ის მიერ, თუმცა სტორმ თორგერსონი საბოლოო შედეგით უკმაყოფილო იყო.

ალბომი მუსიკალურმა კრიტიკოსებმა გამოსვლის შემდეგ დადებითად შეაფასეს. თუმცა, მიუხედავად ბრიტანეთში მისი კომერციული წარმატებისა, აშშ-ში, უფრო მეტად პრომო კამპანიის სუსტი მხარეების გამო, ალბომი შედარებით მცირე ტირაჟით იყიდებოდა.

სახელწოდება[რედაქტირება | წყაროს რედაქტირება]

ითვლება, რომ ალბომის სახელწოდება (რომელიც არ ითარგმნება) არის ორი სიტყვის – to meddle (ჩარევა) და medal (მედალი) სინთეზი. ამრიგად, ალბომის სახელწოდება დაახლოებით აღნიშნავს მედალი ჩარევისათვის.

ალბომი[რედაქტირება | წყაროს რედაქტირება]

მიუხედავად იმისა, რომ ყველა სიმღერა ერთმანეთისგან განსხვავდება ჟანრობრივად და განწყობით, როგორც წესი, ბევრი მსმენელი მას უფრო ჩამოყალიბებულ ნამუშევრად მიიჩნევს, ვიდრე 1970 წლის დისკს Atom Heart Mother. ასევე, როგორც ბევრი მსმენელი თვლის, ეს სიდ ბარეტის წასვლის შემდეგ ჩაწერილი პირველი ნამდვილი ფლოიდური სულის დისკია.

პირველი კომპოზიცია არის One of These Days, რომელიც ქარის ხმაურითა და ბას გიტარაზე აგებული კომპოზიციური წყობით გადადის ბალადური ჟანრის A Pillow of Winds-ში. მშვიდ სიმღერას მიჰყვება Fearless, რომლის ფინალშიც ჟღერს ლივერპულელი ფეხბურთის ფანების ჰიმნი You'll Never Walk Alone. ამასთან მკვეთრ კონტრასტშია San Tropez, ჯაზური გავლენის მქონე პოპ სიმღერა. Seamus არის ორიგინალური ფირფიტის პირველი გვერდი უკანასკნელი სიმღერა, რომელშიც ძაღლი შიმუსი ყმუის, სანამ პინკ ფლოიდი თავის ბლუზს ასრულებს. ალბომის მთლიანი მეორე ნახევარი ეთმობა 23 წუთიან ეპიკურ კომპოზიციას Echoes.

ჩაწერა და გამოცემა[რედაქტირება | წყაროს რედაქტირება]

ალბომზე მუშაობა დაიწყო ები-როუდის სტუდიებში. პროექტისათვის ცენტრალური თემის ძიებისას, ოთხეულმა სხვადასხვა სიმღერა დაწერა, რომელიც საბოლოოდ შემავსებელი მასალის როლს უფრო თამაშობდა, ვიდრე მნიშვნელოვანი სიმღერების კრებულის. რიჩარდის მიერ ფორტეპიანოზე დაკრულმა ერთადერთმა ნოტმა Echoes-ზე მუშაობისას ჯგუფს პირველი ბიძგი მისცა და სწორედ იგი იქცა სიმღერის შესავლის ფუძედ.

გარდა სტერეოვერსიისა, მზადდებოდა ალბომის კვადროფონიული ვერსია, რომელიც არასოდეს გამოცემულა, თუმცა, როგორც ცნობილია, სწორედ მან გაიჟღერა ალბომის პრეზენტაციისას.[1]

ალბომში არ შესულა რამდენიმე სიმღერა. კერძოდ, ასეთები იყო: The Dark Side of the Moon (მოგვიანებით ეწოდა Brain Damage) და One of These Days-ის ორი დემო ვერსია. ეს დემო ვერსიები შეტანილია ბუტლეგებში და შეიცავს რადიოწამყვანის, ჯიმი იანგის, საუბრის მონტაჟს, კომპოზიციის ფონზე.

სიმღერების სია[რედაქტირება | წყაროს რედაქტირება]

მხარე 1
# სახელწოდება მუსიკის ავტორ(ებ)ი ძირითადი ვოკალი ხანგრძლივობა
1. One of These Days   გილმორი, უოტერსი, რაიტი, მეისონი მეისონი (ფრაზა) 5:57
2. A Pillow of Winds   გილმორი, უოტერსი გილმორი 5:10
3. Fearless (თან სდევს You'll Never Walk Alone) გილმორი, უოტერსი გილმორი 6:08
4. San Tropez   უოტერსი უოტერსი 3:43
5. Seamus   გილმორი, უოტერსი, რაიტი, მეისონი გილმორი 2:16
მხარე 2
# სახელწოდება მუსიკის ავტორ(ებ)ი ძირითადი ვოკალი ხანგრძლივობა
1. Echoes   რაიტი, გილმორი, უოტერსი, მეისონი გილმორი, რაიტი 23:29

სინგლები[რედაქტირება | წყაროს რედაქტირება]

მუსიკალური ნაწყვეტები:

წარმატება[რედაქტირება | წყაროს რედაქტირება]

წელი რეიტინგი პოზიცია
1971 ბილბორდის პოპულარული ალბომები 70

პერსონალი[რედაქტირება | წყაროს რედაქტირება]

პინკ ფლოიდი
  • როჯერ უოტერსი – ბას გიტარა, რითმ გიტარა (Fearless), გიტარა და ძირითადი ვოკალი (San Tropez), ფირის ეფექტები და დამატებითი გიტარები
  • დევიდ გილმორი – სოლო გიტარა, ბას გიტარა (One of These Days), ძირითადი ვოკალი (A Pillow of Winds, Fearless, Seamus და Echoes), ტუჩის ჰარმონიკა (Seamus)
  • რიჩარდ რაიტი – კლავიშები, ვოკალი (Echoes), ფირის ეფექტები
  • ნიკ მეისონი – დასარტყმელი საკრავები, პერკუსია, ფირის ეფექტები და ვოკალური ფრაზა კომპოზიციაში (One of These Days)
ტექნიკური პერსონალი
  • პიტერ ბაუნი – ხმის ინჟინერი (Air და EMI Studios)
  • ჯონ ლიკი – ხმის ინჟინერი (Air და EMI Studios)
  • რობ ბლეკი – ხმის ინჟინერი (Morgan Studios)
  • როჯერ ქუესტიდი – ხმის ინჟინერი (Morgan Studios)
  • ჯეიმზ გათრი – რემასტერი
  • დაგ საქსი – რემასტერი
  • პინკ ფლოიდი – ალბომის გარეკანის დიზაინი
  • ბობ დაულინგი – ფოტოები წინა და უკანა გარეკანისთვის
  • ტონი მეი – ფოტოები შიდა გარეკანისთვის
  • Hipgnosis – ჯგუფის ფოტო
  • სტორმ თორგერსონი – რემასტერის დიზაინი
  • პიტერ კარზონი – რემასტერის დიზაინი

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. Erlewine, Stephen Thomas, Meddle: Overview, AllMusic, http://www.allmusic.com/album/r15239, წაკითხვის თარიღი: 6 September 2009
  2. Christgau 1981, p. 303.
  3. McCormick, Neil. “Pink Floyd's 14 studio albums rated“, 20 May 2014. წაკითხვის თარიღი: 27 December 2014. 
  4. 4.0 4.1 Pink Floyd Meddle, Acclaimed Music, http://www.acclaimedmusic.net/Current/A1347.htm, წაკითხვის თარიღი: 27 December 2014
  5. Graff & Durchholz 1999, p. 874
  6. Pink Floyd Meddle, October 1995, p. 137, "The four were at their most collectively prolific at this time …"
  7. Sheffield, Rob. (2 November 2004) Pink Floyd: Album Guide. Rolling Stone. Wenner Media, Fireside Books. დაარქივებულია ორიგინალიდან 17 February 2011-ში. წაკითხვის თარიღი: 27 December 2014.
  8. Review of Pink Floyd – Meddle. BBC Music. წაკითხვის თარიღი: 5 August 2012.
მოძიებულია „https://ka.wikipedia.org/w/index.php?title=Meddle&oldid=3001542“-დან