Atom Heart Mother

მასალა ვიკიპედიიდან — თავისუფალი ენციკლოპედია
გადასვლა: ნავიგაცია, ძიება
Atom Heart Mother

სტუდიური ალბომი - პინკ ფლოიდი
გამოცემის თარიღი 2 ოქტომბერი, 1970
ჩაიწერა თებერვალი - აგვისტო, 1970
სტუდია ები-როუდის სტუდიები,
ლონდონი
ჟანრი პროგრესული როკი, სიმფონიური როკი, ექსპერიმენტული როკი
ხანგრძლივობა 52:06
ლეიბლი Harvest
პროდიუსერი პინკ ფლოიდი
ნორმან სმითი
პინკ ფლოიდი - ქრონოლოგია
Ummagumma
(1969)
Atom Heart Mother
(1970)
Meddle
(1971)
სინგლები ალბომიდან Atom Heart Mother
  1. Summer '68
    გამოვიდა: 10 ოქტომბერი 1970
 პროფესიონალური შეფასებები
ქულები
წყარო რეიტინგი
AllMusic 3/5 stars[1]
რობერტ კრისტგოუ D+[2]
The Daily Telegraph 2/5 stars[3]
The Great Rock Discography 7/10[4]
MusicHound 2/5 stars[5]
Rolling Stone (არაკეთილგანწყობილი)[6]
The Rolling Stone Album Guide 1/5 stars[7]
Virgin Encyclopedia of Popular Music 3/5 stars[4]

Atom Heart Mother (ქართ. დედა ატომის გულით) — ინგლისური პროგრესული როკ-ჯგუფ პინკ ფლოიდის რიგით მეხუთე სტუდიური ალბომი. გამოვიდა 1970 წელს, ლეიბლებზე Harvest და EMI Records (ბრიტანეთი) და Harvest და Capitol (აშშ). ალბომი ჩაწერილია ები-როუდის სტუდიებში (ლონდონი, ინგლისი). ბრიტანეთის ჩარტში მან #1,[8] ხოლო ამერიკის - #55 პოზიციამდე მიაღწია[9]. შტატებში 1994 წლის მარტში მას ოქროს სტატუსი მიენიჭა. 1994 წელს და 1995 წელს ბრიტანეთსა და აშშ-ში გამოვიდა ალბომის რემასტერი.

Atom Heart Mother იყო პინკ ფლოიდის პირველი ალბომი, რომლის ხმის მიქსი შესრულდა სპეციალურად კვადროსისტემისთვის, ისევე როგორც 2-არხიანი სისტემისათვის. SQ კვადრომიქსი გამოვიდა გრამფირფიტებზე სპეციალური ფორმატით, რომელიც სტანდარტული 2-არხიანი ვერსიის მოსმენის საშუალებასაც იძლეოდა. არსებობს კვადროვერსია, რომელიც გამოიცემოდა ბრიტანეთში - ე.წ. კვად-8 ფორმატში, რომელიც 8 ფირიანი აუდიოკარტრიჯის მსგავსი იყო.

ალბომის გარეკანი, როგორც მანამდე, შექმნა Hipgnosis-მა. იგი გამოირჩევა, ვინაიდან ეს არის პინკ ფლოიდის პირველი გარეკანი, რომელზეც არ არის გამოტანილი ჯგუფის სახელწოდება. მის გარე თუ შიდა მხარეებზე არ ფიგურირებს ჯგუფის გამოსახულებებიც. 1970-იან წლებში ჯგუფში ეს ტენდენცია გაგრძელდა.

მიუხედავად იმისა, რომ ალბომს კრიტიკული და კომერციული წარმატება ხვდა წილად, ჯგუფმა, განსაკუთრებით როჯერ უოტერსმა და დევიდ გილმორმა მოგვიანებით გამოთქვეს თავიანთი უარყოფითი აზრები მის შესახებ. თუმცა, 2008 წელს დევიდ გილმორმა იგი შეასრულა რონ გისინთან ერთად.

ჩაწერა[რედაქტირება | წყაროს რედაქტირება]

გაზეთი, რომელშიც გამოქვეყნდა სტატია კარდიოსტიმულატორის მქონე ქალზე. როჯერ უოტერსმა ალბომის სახელწოდება სწორედ აქედან აიღო

სასათაურო კომპოზიციის თავდაპირველი სათაური იყო „The Amazing Pudding“ (საოცარი პუდინგი), თუმცა რონ გისინი მას უბრალოდ „ეპიკურს“ უწოდებდა. სათაური შეიცვალა მაშინ, როდესაც გისინმა ჯგუფს უჩვენა 1970 წლის 16 ივლისის გაზეთი, რომელშიც როჯერ უოტერსმა ამოიკითხა სტატიის სათაური - „ცნობილი გახდა დედა ატომის გულით“. სტატიაში მოთხრობილი იყო ქალის შესახებ, რომელსაც ჩაუდგეს კარდიოსტიმულატორი ატომურ ძრავაზე.[10]

ეს პიესა არის მკვეთრი განსხვავება ჯგუფის უფრო ადრეული ინსტრუმენტული კომპოზიციებისგან, როგორიც არის A Saucerful of Secrets. სასათაურო კომპოზიციას უკავია ალბომის პირველი გვერდის ერთი ნახევარი. იგი დაყოფილია ექვს ნაწილად, შეიცავს ჩასაბერი ინსტრუმენტების სრული სექციისა და გუნდის ჩანაწერებს, რომლებიც შეადგენენ მელოდიური ნაწილის დიდ ნაწილს. ამის პარალელურად პინკ ფლოიდი ასრულებს საკუთარ ნაწილს. ერთ-ერთ სექციაში ჟღერს დევიდ გილმორის ბლუზური სტილის შესრულება.

სუიტის კრიტიკული შეფასება არაერთგვაროვანი იყო. სხვადასხვა დროს თავად ჯგუფის წევრებიც მას ნეგატიურად აფასებდნენ, თუმცა 1970-იანი წლების დასაწყისში მისდამი ენთუზიაზმით განეწყვნენ, როდესაც ტურნეს მსვლელობისას რამდენიმეჯერ გამოიყენეს ორკესტრი და გუნდი. მოგვიანებით კომპოზიციის არანჟირება უკვე შეადგენდა 15 წუთიან ნომერს, რომელშიც არ ჟღერდა სხვადასხვა კოლაჟური სექცია და მთავარი თემის ფინალური რეპრიზა. ასეთი სახით ნომერი მათ პროგრამაში 1972 წლამდე დარჩა, როდესაც პინკ ფლოიდი უკვე ასრულებდა ალბომს The Dark Side of the Moon.

2008 წელს რონ გისინმა სუიტა „Atom Heart Mother“ შეასრულა იტალიურ ჯგუფ Mun Floyd-თან ერთად. ჩელსის ფესტივალის ფარგლებში გაიმართა ორი კონცერტი, სადაც მონაწილეობდნენ გუნდი, ორკესტრი, ჩელისტი კეროლაინ დეილი (რომელიც დევიდ გილმორთან თანამშრომლობდა). მეორე საღამოს კონცერტს თავად გილმორიც დაესწრო, რომელმაც მთელი სუიტა სხვებთან ერთად დაუკრა. ამ ვერსიისათვის კომპოზიცია განავრცეს 35 წუთამდე.

ალბომის მეორე გვერდი იწყება სამი ხუთწუთიანი სიმღერით. თითოეული მათგანი სრულდება ჯგუფის სამი ძირითადი თანაავტორის მიერ. უკანასკნელი კომპოზიციაა სუიტა Alan's Psychedelic Breakfast, ხმოვანი ეფექტების თანხლებით. თუმცა, ალბომის გარეკანზე მის ავტორებად ჯგუფის ოთხივე წევრია დასახელებული. ამით ალბომი Ummagumma-ს ჰგავს, ვინაიდან მასზე ასევე არის მოთავსებული სოლო-კომპოზიციები.

როჯერ უოტერსს ეკუთვნის სიმღერა If, რომელსაც ის ხშირად ასრულებდა ტურნეს Radio K.A.O.S. ფარგლებში. მეორე სიმღერა ალბომის B-გვერდზე არის რიჩარდ რაიტის Summer '68 - როკ-ენ-როლის სტილის ცხოვრების ერთგვარი კრიტიკა, რომელიც პინკ ფლოიდის მუსიკაში შემდგომშიც ჩნდებოდა. შემდეგია დევიდ გილმორის Fat Old Sun, რომელიც სრულდებოდა ჯგუფის კონცერტებზეც, ხოლმე - 15 წუთიანი იმპროვიზაციის სახით. იგი ასევე შეტანილი იქნა დევიდ გილმორის სოლო-კონცერტების პროგრამაშიც.

საბოლოო კომპოზიციაა Alan's Psychedelic Breakfast, დაყოფილი სამ სეგმენტად. ყოფილ მათგანი გამორჩეულ სათაურს ატარებს. მათ ახლავს დიალოგები და ხმოვანი ეფექტები ჯგუფის როუდ-მენეჯერ ალან სტაილზის სახლიდან - ძირითად, დაფუძნებული საუზმის მომზადებაზე. ცოცხლად ეს კომპოზიცია შესრულდა მხოლოდ ოთხჯერ, 1970 წელს. შესრულების დროს ჯგუფის წევრები ვახშამს პირდაპირ სცენაზე მიირთმევდნენ, მუსიკალურ ნაწილებს შორის არსებულ შუალედებში.

ორიგინალურ ალბომს ასრულებს წყლის წვეთების უწყვეტი ხმა.

ალბომის გარეკანი[რედაქტირება | წყაროს რედაქტირება]

ალბომის ორიგინალურ გარეკანზე გამოსახულია ძროხა მოლზე. ფირფიტის გარეკანზე არაფერი წერია. სხვადასხვა უფრო გვიანდელ გამოცემაზე სათაური და შემსრულებლის სახელი დამატებულია. ეს იყო ჯგუფის რეაქცია იმიჯზე, რომელიც მას შეექმნა გარკვეულ წრეებში - ფსიქოდელიური, სპეის როკ ჯგუფის. ამიტომ, მათი თხოვნა იყო, გარეკანზე გამოეყენებინათ უბრალო გამოსახულება. სტორმ თორგერსონმა გადაიღო გზაში შემხვედრი პირველივე ძროხა.[11] ძროხის პატრონი მას უწოდებდა „ლულუბელ III“-ს. ფირფიტის უკანა გარეკანზე გამოსახულია კიდევ უფრო მეტი ძროხა, ასევე ყოველგვარი ტექსტის გარეშე. შიდა გარეკანზე წარმოდგენილია ძროხებიანი მინდვრის შავ-თეთრი ფოტოსურათი. ლეიბლის Capitol მიერ ჩატარებული სარეკლამო კამპანიის ფარგლებში ალბომის გამოცემას ახლდა ვარდისფერი გასაბერი ძროხის ცაში გაშვება.[12]

ალბომის ყდა ჩნდება სტენლი კუბრიკის ფილმში „მექანიკური ფორთოხალი“ - მუსიკალური მაღაზიის თაროზე.

სიმღერების სია[რედაქტირება | წყაროს რედაქტირება]

# სახელწოდება ავტორ(ებ)ი წამყვანი ვოკალი ხანგრძლივობა
1. „Atom Heart Mother
  • I. Father's Shout
  • II. Breast Milky
  • III. Mother Fore
  • IV. Funky Dung
  • V. Mind Your Throats, Please
  • VI. Remergence“
გილმორი, მეისონი, უოტერსი, რაიტი, რონ გისინი ინსტრუმენტული 23:44
2. „If“ უოტერსი უოტერსი 4:31
3. „Summer '68“ რაიტი რაიტი 5:29
4. „Fat Old Sun“ გილმორი გილმორი 5:22
5. „Alan's Psychedelic Breakfast
  • I. Rise and Shine
  • II. Sunny Side Up
  • III. Morning Glory“
გილმორი, მეისონი, უოტერსი, რაიტი ინსტრუმენტული 13:00

პერსონალი[რედაქტირება | წყაროს რედაქტირება]

ჩარტები[რედაქტირება | წყაროს რედაქტირება]

ჩარტი (1970) უმაღლესი
პოზიცია
ავსტრალია (Kent Music Report)[13] 30
კანადა - საუკეთესო ალბომები/CD-ები (RPM)[14] 39
ჰოლანდიის ალბომები (Tracklisten)[15] 8
ჰოლანდიის ალბომები (MegaCharts)[16] 5
საფრანგეთის ალბომები (SNEP)[17] 4
გერმანიის ალბომები (Offizielle Top 100)[18] 8
ნორვეგიის ალბომები (VG-lista)[19] 13
ბრიტანეთის ალბომები (OCC)[20] 1
აშშ-ის „ბილბორდ“ 200[21] 55
ჩარტი (2011–12) უმაღლესი
პოზიცია
საფრანგეთის ალბომები (SNEP)[22] 66
ესპანეთის ალბომები (PROMUSICAE)[23] 79
შვეიცარიის ალბომები (Schweizer Hitparade)[24] 81

სერტიფიცირებები[რედაქტირება | წყაროს რედაქტირება]

რეგიონი სერტიფიცირება გაყიდვები
ავსტრია (IFPI Austria)[25] ოქრო 25,000x
საფრანგეთი (SNEP)[26] ოქრო 100,000*
გერმანია (BVMI)[27] ოქრო 250,000^
იტალია (FIMI)[28] ოქრო 50,000*
აშშ (RIAA)[29] ოქრო 500,000^

*გაყიდვების მონაცემები სერტიფიცირებაზე დაყრდნობით
^გაყიდვების მონაცემები მხოლოდ სერტიფიცირებაზე დაყრდნობით (გაყიდული პარტიები)

სქოლიო[რედაქტირება | წყაროს რედაქტირება]

  1. Album review Allmusic-ზე
  2. CG: Pink Floyd. Robert Christgau. წაკითხვის თარიღი: 4 სექტემბერი 2012.
  3. მაკ-კორმიკი, ნილ. “Pink Floyd's 14 studio albums rated“, 20 მაისი 2014. წაკითხვის თარიღი: 27 დეკემბერი 2014. 
  4. 4.0 4.1 Pink Floyd Atom Heart Mother, Acclaimed Music, http://www.acclaimedmusic.net/Current/A2329.htm, წაკითხვის თარიღი: 27 დეკემბერი 2014
  5. Graff, Gary; Durchholz, Daniel (რედ.) (1999) MusicHound Rock: The Essential Album Guide. Farmington Hills, MI: Visible Ink Press, გვ. 872. ISBN 1-57859-061-2. 
  6. Dubro, Alec. (1970)Album review. Rolling Stone. წაკითხვის თარიღი: 3 ივლისი 2011.
  7. შეფილდი, რობ. (2 ნოემბერი 2004) Pink Floyd: Album Guide. Rolling Stone. Wenner Media, Fireside Books. დაარქივებულია ორიგინალიდან - 17 თებერვალი 2011. წაკითხვის თარიღი: 27 დეკემბერი 2014.
  8. Chart Stats - Pink Floyd - Atom Heart Mother. www.chartstats.com. დაარქივებულია ორიგინალიდან - 2012-05-27. წაკითხვის თარიღი: 2009-07-02.
  9. allmusic (( Pink Floyd > Charts & Awards > Billboard Albums ))
  10. Blake, მარკ. Comfortably Numb: The Inside Story of Pink Floyd. De Capo Press, გვ. 152. ISBN 9780306817526. 
  11. Atom Heart Mother - Trivia and Quotes, Pink Floyd Co.
  12. R. Serge Denisoff, Solid gold: the popular record industry, pg. 174, Transaction Publishers (1975), ISBN 0-87855-586-2
  13. კენტი, დევიდ (1993). Australian Chart Book 1970–1992, Illustrated, St. Ives, N.S.W.: Australian Chart Book, გვ. 233. ISBN 0-646-11917-6. 
  14. "RPM-ის საუკეთესო ალბომები: გამოცემა 3735." RPM. კანადის ბიბლიოთეკა და არქივები. წაკითხვის თარიღი 9 ივნისი 2016.
  15. LP Top 10, დეკემბერი 7, 1970. წაკითხვის თარიღი: 30 მარტი 2016.
  16. "Pink Floyd – Atom Heart Mother" (ჰოლანდიურად). Dutchcharts.nl. Hung Medien. წაკითხვის თარიღი 9 ივნისი 2016.
  17. Le Détail des Albums de chaque Artiste – P French. Infodisch.fr. დაარქივებულია ორიგინალიდან - 7 მაისი 2013. წაკითხვის თარიღი: 24 აპრილი 2013.
  18. "Offiziellecharts.de – Pink Floyd – Atom Heart Mother" (გერმანულად). GfK Entertainment Charts. წაკითხვის თარიღი 9 ივნისი 2016.
  19. Norwegian charts portal (48/1970)“, norwegiancharts.com. წაკითხვის თარიღი: 9 ივნისი 2016. 
  20. "Pink Floyd | შემსრულებელი | ოფიციალური ჩარტების კომპანია". ბრიტანეთის ალბომების ჩარტი. ოფიციალური ჩარტების კომპანია. წაკითხვის თარიღი 9 ივნისი 2016.
  21. "Pink Floyd ალბომების და სიმღერების ისტორია ჩარტებში" ბილბორდის 200 - Pink Floyd. Prometheus Global Media. წაკითხვის თარიღი 9 ივნისი 2016.
  22. Les charts francais (01/11/2011)“, lescharts.com. წაკითხვის თარიღი: 9 ივნისი 2016. 
  23. "Pink Floyd – Atom Heart Mother". Spanishcharts.com. Hung Medien. წაკითხვის თარიღი 9 ივნისი 2016.
  24. "Pink Floyd – Atom Heart Mother". Swisscharts.com. Hung Medien. წაკითხვის თარიღი 9 ივნისი 2016.
  25. Austrian album certifications – Pink Floyd – Atom Heart Mother გერმანულად. IFPI ავსტრია. წაკითხვის თარიღი: 24 აპრილი 2013. შეიყვანეთ Pink Floyd ველში Interpret. შეიყვანეთ Atom Heart Mother ველში Titel. აირჩიეთ album ველში Format. დააწკაპუნეთ ღილაკზე Suchen
  26. SNEP Certifications. InfoDisc. დაარქივებულია ორიგინალიდან - 21 ივნისი 2010. წაკითხვის თარიღი: 24 აპრილი 2013.
  27. ოქროს/პლატინის მონაცემთა ბაზა (Pink Floyd; 'Atom Heart Mother') გერმანულად. ფედერალური მუსიკალური ინდუსტრიის ასოციაცია. წაკითხვის თარიღი: 24 აპრილი 2013.
  28. Italian album certifications – Pink Floyd – Atom Heart Mother იტალიურად (PDF). იტალიის მუსიკალური ინდუსტრიის ფედერაცია. წაკითხვის თარიღი: 24 აპრილი 2013.
  29. American album certifications – Pink Floyd – Atom Heart Mother. ამერიკის ხმისჩამწერი კომპანიების ასოციაცია. წაკითხვის თარიღი: 24 აპრილი 2013. საჭიროების შემთხვევაში, უნდა აირჩიოთ Advanced, შემდეგ Format, შემდეგ Album, და ბოლოს - SEARCH
წინამორბედი:
Bridge Over Troubled Water - Simon & Garfunkel
#1 ალბომები (ბრიტანეთი)
24-31 ოქტომბერი 1970
შემდეგი:
Motown Chartbusters Volume 4
- სხვადასხვა