More

მასალა ვიკიპედიიდან — თავისუფალი ენციკლოპედია
გადასვლა: ნავიგაცია, ძიება
More

საუნდტრეკი / სტუდიური ალბომი - პინკ ფლოიდი
გამოცემის თარიღი 13 ივნისი 1969
ჩაიწერა 1 თებერვალი - 31 მაისი 1969
სტუდია Pye Studios, ლონდონი
ჟანრი ფსიქოდელიური როკი
ხანგრძლივობა 44:56
ლეიბლი EMI Columbia
პროდიუსერი პინკ ფლოიდი
პინკ ფლოიდი - ქრონოლოგია
A Saucerful of Secrets
(1968)
More
(1969)
Ummagumma
(1969)
პინკ ფლოიდის საუნდტრეკების ქრონოლოგია ქრონოლოგია
Tonite Let's All Make Love in London
(1968)
More
(1969)
Zabriskie Point
(1970)
სინგლები ალბომიდან More
  1. „The Nile Song“ / „Ibiza Bar“
    გამოვიდა: 1969
  2. „Main Theme“
    გამოვიდა: 27 ივლისი 1969
 პროფესიონალური შეფასებები
ქულები
წყარო რეიტინგი
AllMusic 2/5 stars[1]
The Daily Telegraph 3/5 stars[2]
MusicHound 1/5 stars[3]
The Rolling Stone Album Guide 2/5 stars[4]

More (აშშ გამოცემაში: Original Motion Picture Soundtrack from the film More)[5]) — ინგლისური პროგრესული როკ-ჯგუფ პინკ ფლოიდის მესამე სტუდიური ალბომი და ამავე ჯგუფის დისკოგრაფიაში - პირველი ოფიციალური საუნდტრეკი. იგი გამოვიდა 1969 წლის 13 ივნისს, ბრიტანეთში, ხოლო 9 აგვისტოს - აშშ-ში.[6]

ისტორია[რედაქტირება | წყაროს რედაქტირება]

დევიდ გილმორი:

კინომუსიკას სამომავლოდ განვიხილავდით, როგორც მიმართულებას, რომელსაც გავყვებოდით. ანუ როკ-ჯგუფად არსებობას არ შევწყვიტავდით, ეს უფრო მეტად სავარჯიშო იყო.

ფილმი „მეტი“, რომლის რეჟისორი არის ბარბეტ შროდერი, აგებულია გერმანელი სტუდენტის ისტორიაზე, რომელსაც შეუყვარდა ნარკომანი ქალი და თავად იქცა ნარკოტიკების მსხვერპლად. ფილმში ჟღერს პინკ ფლოიდის მუსიკა.

ბარბეტ შროდერი:

ფლოიდის ორი ალბომის დიდი მოყვარული ვიყავი. მიმაჩნდა, რომ ეს იყო ყველაზე გასაოგნებელი რამ, რაც მომისმენია და უბრალოდ მსურდა მათთან მუშაობა. ლონდონში ჩავედი და თან წავიღე ფილმის ასლი, რომელიც ვუჩვენე. ტიპიური კინომუსიკა, რომელიც მორგებული იქნებოდა გამოსახულებაზე, არ მსურდა. კინომუსიკის არ მწამდა. მე მსურდა, რომ პერსონაჟებს მოესმინათ ეს მუსია. წვეულებაზე მუსიკა ჟღერდა ოთახში დამონტაჟებული რეპროდუქტორიდან, ამიტომ ისე ჩავწერეთ, თითქოს ოთახში ჟღერდა.

სიმღერების დიდი ნაწილი ხალხური მუსიკის ელემენტების მქონე ბალადების სახით არის წარმოდგენილი. აგრეთვე არის ორი მძიმე როკის სტილის სიმღერა - „The Nile Song“ და „Ibiza Bar“ და რამდენიმე ინსტრუმენტული ნომერი - მაგალითად, იმპროვიზაციული „Main Theme“, რომელიც ფილმის შესავალში ჟღერს.

როჯერ უოტერსი:

მას არ სურდა, რომ საუნდტრეკი უბრალოდ ფილმის ფონი ყოფილიყო. ჩვენ კი ასე გვსურდა. მისი ხედვით, თუ მანქანაში რადიო ჩაირთვებოდა, ეს მუსიკა მანქანაში გაიჟღერებდა. მას სურდა, რომ მუსიკას ჰქონოდა კავშირი მოქმედებასთან. სტუდიის ერთ ნაწილში ვიჯექი და ვწერდი ტექსტებს, პარალელურად კი მუსიკას ვიწერდით. უნდა დაგვეწერა 8-9 სიმღერა, ინსტრუმენტულებთან ერთად.

შროდერი:

როჯერი შემოქმედებითი ძალა იყო. მახსოვს ეს საოცრად დაძაბული ორი კვირა. ხმის ინჟინერისთვის დაუჯერებელი იყო სიჩქარე და შემოქმედებითობა.

ფილმში, ალბომისგან განსხვავებით, აგრეთვე ჟღერს „Seabirds“ და „Hollywood“ - ორი სიმღერა, რომელიც არ შეიტანეს ორიგინალურ ალბომში. აგრეთვე, აღსანიშნავია, რომ სიმღერას „Cymbaline“ ოდნავ შეცვლილი ტექსტი აქვს.

ეს არის ჯგუფის პირველი ალბომი, რომელზეც არ უკრავს სიდ ბარეტი - 1968 წლის შემდეგ მან ოფიციალურად დატოვა პინკ ფლოიდი. აგრეთვე ეს არის პინკ ფლოიდის პირველი ალბომი, ჩაწერილი ნორმან სმითის დახმარების გარეშე. იგი ჩაწერილია სტუდიაში Pye (ლონდონი). ხმის ინჟინერია ბრაიან ჰამფრიზი.[7]

გამოსვლისთანავე ალბომი ბრიტანეთში #9, ხოლო მეორე გამოცემის შემდეგ, 1973 წელს - #153 პოზიციაზე მოხვდა. 1987 წელს იგი პირველად გამოვიდა კომპაქტ-დისკის ფორმატში, ხოლო 1995 და 1996 წლებში (ბრიტანეთსა და აშშ-ში) გამოიცა მისი რემასტერი.

გარეკანი[რედაქტირება | წყაროს რედაქტირება]

ალბომი გამოიცა ჩვეულებრივი კონვერტის სახით. გარეკანის წინა მხარეს ვხედავთ კადრს თავად ფილმიდან More, ხოლო უკან - შტეფანს/ესტელას (ფილმის გმირებს), შავ-თეთრი ფერის კადრის სახით.

1994 წლის გამოცემას თან ახლავს უფრო მეტი კადრი ფილმიდან და სიმღერების ტექსტები, ასევე ჯგუფის ფოტო.

2011 წლის Discovery გამოცემა ამ ვერსიის თითქმის იდენტურია.

CD-ის შემთხვევაში, პირველ აშშ გამოცემაზე ალბომის სათაური და ჯგუფის სახელწოდება განლაგებული იყო ნარინჯისფერი ცის ფონზე.

საგულისხმოა, რომ ორიგინალურ ამერიკულ გამოცემაში ალბომის სათაური შემოკლებული იქნა და ჟღერდა უბრალოდ More. ეს იყო ჯგუფის უკანასკნელი სამი ალბომიდან, რომელიც შტატებში გამოსცა ლეიბლმა Tower Records. 1973 წლის აშშ გამოცემა გამოვიდა ლეიბლზე Harvest Records. მიუხედავად იმისა, რომ კომპაქტ-დისზე ალბომის სათაური მითითებულია როგორც Soundtrack from the Film More, დისკის ყუთის ყუაზე გამოტანილი სათაური ჟღერს, როგორც Music from the Film More, ხოლო თავად დისკზე გამოტანილია More.

სიმღერების სია[რედაქტირება | წყაროს რედაქტირება]

მხარე 1
# სახელწოდება ავტორ(ებ)ი ხანგრძლივობა
1. „Cirrus Minor“ როჯერ უოტერსი 5:18
2. „The Nile Song“ უოტერსი 3:26
3. „Crying Song“ უოტერსი 3:33
4. „Up the Khyber“ (ინსტრუმენტული) ნიკ მეისონი, რიჩარდ რაიტი 2:12
5. „Green Is the Colour“ უოტერსი 2:58
6. „Cymbaline“ უოტერსი 4:50
7. „Party Sequence“ (ინსტრუმენტული) უოტერსი, რაიტი, დევიდ გილმორი, მეისონი 1:07
მხარე 2
# სახელწოდება ავტორ(ებ)ი ხანგრძლივობა
1. „Main Theme“ (ინსტრუმენტული) უოტერსი, რაიტი, გილმორი, მეისონი 5:27
2. „Ibiza Bar“ უოტერსი, რაიტი, გილმორი, მეისონი 3:19
3. „More Blues“ (ინსტრუმენტული) უოტერსი, რაიტი, გილმორი, მეისონი 2:12
4. „Quicksilver“ (ინსტრუმენტული) უოტერსი, რაიტი, გილმორი, მეისონი 7:13
5. „A Spanish Piece“ გილმორი 1:05
6. „Dramatic Theme“ (ინსტრუმენტული) უოტერსი, რაიტი, გილმორი, მეისონი 2:15

სინგლები[რედაქტირება | წყაროს რედაქტირება]

მუსიკოსები და პერსონალი[რედაქტირება | წყაროს რედაქტირება]

  • დევიდ გილმორი – აკუსტიკური გიტარა, ელექტრონული გიტარა, სლაიდ გიტარა, ფლამენკო გიტარები, ფირის ეფექტები, ბონგო, ვოკალი
  • ნიკ მეისონი – დასარტყმელი საკრავები, ბონგო, პერკუსია
  • როჯერ უოტერსი – ბას გიტარა, გიტარა, ფირის ეფექტები, ფრინველების ჭიკჭიკის შერჩევა, ბონგო, გონგი
  • რიჩარდ რაიტი – ჰემონდის ორგანი, Farfisa-ს ორგანი, ფორტეპიანო, ვიბრაფონი, ბონგო
სხვები
  • ჯეიმზ გათრი – ახალი მასტერინგი
  • Hipgnosis – გარეკანის დიზაინი
  • დაგ საქსი – ახალი მასტერინგი

ჩარტები[რედაქტირება | წყაროს რედაქტირება]

აქ მითითებულია ადგილები ჩარტში გაყიდვების მიხედვით.

ჩარტი (1969) უმაღლესი
პოზიცია
ჰოლანდიის ალბომები (MegaCharts)[8] 14
საფრანგეთის ალბომები (SNEP) 2
ბრიტანეთის ალბომები (OCC)[9] 9
ჩარტი (1973) უმაღლესი
პოზიცია
აშშ-ის „ბილბორდ“ 200[10] 153
ჩარტი (2011) უმაღლესი
პოზიცია
საფრანგეთის ალბომები (SNEP)[11] 128

სქოლიო[რედაქტირება | წყაროს რედაქტირება]

  1. Album review Allmusic-ზე
  2. McCormick, Neil. “Pink Floyd's 14 studio albums rated“, 20 May 2014. წაკითხვის თარიღი: 27 December 2014. 
  3. Graff, Gary; Durchholz, Daniel (eds) (1999) MusicHound Rock: The Essential Album Guide. Farmington Hills, MI: Visible Ink Press, გვ. 872. ISBN 1-57859-061-2. 
  4. Sheffield, Rob. (2 November 2004) Pink Floyd: Album Guide. Rolling Stone. Wenner Media, Fireside Books. დაარქივებულია ორიგინალიდან - 17 February 2011. წაკითხვის თარიღი: 27 December 2014.
  5. http://www.discogs.com/Pink-Floyd-Soundtrack-From-The-Film-More/master/20679
  6. Povey, Glenn (2006). Echoes : The Complete History of Pink Floyd, New, Mind Head Publishing, გვ. 110. ISBN 978-0-9554624-0-5. 
  7. Nick Mason, Inside Out, first edition p129
  8. "Pink Floyd – More" (ჰოლანდიურად). Dutchcharts.nl. Hung Medien. წაკითხვის თარიღი 9 June 2016.
  9. "Pink Floyd | შემსრულებელი | ოფიციალური ჩარტების კომპანია". ბრიტანეთის ალბომების ჩარტი. ოფიციალური ჩარტების კომპანია. წაკითხვის თარიღი 9 June 2016.
  10. "Pink Floyd ალბომების და სიმღერების ისტორია ჩარტებში" ბილბორდის 200 - Pink Floyd. Prometheus Global Media. წაკითხვის თარიღი 9 June 2016.
  11. "Pink Floyd – More". Lescharts.com. Hung Medien. წაკითხვის თარიღი 9 June 2016.
მოძიებულია „https://ka.wikipedia.org/w/index.php?title=More&oldid=3352915“-დან