„Ibiza Bar“ — ინგლისური პროგრესული როკ-ჯგუფ პინკ ფლოიდის სიმღერა, შეტანილი მესამე ალბომში More.[1][2] იგი აგრეთვე შეტანილია სინგლში „The Nile Song“ და ამ სიმღერის მსგავსია.
სიმღერას, „The Nile Song“-ის მსგავსად იწყებს რიტმული გიტარა. თუმცა, განსხვავებით უკანასკნელისგან, „Ibiza Bar“-ში არ იცვლება გასაღებები, იგი მერყეობს რე და მი მაჟორულ აკორდებს შორის, ხოლო მისამღერი ლა მაჟორში სრულდება. ისევე, როგორც „The Nile Song“-ში, სიმღერის ჟღერადობა შედარებით მძიმეა. ამ მხრივ აგრეთვე შესამჩევია ჯგუფის სიმღერები „The Gold It's in the...“ და „Young Lust“, ისევე, როგორც The Division Bell-ის სესიების დუბლი „Nervana“, გამოცემული ალბომის The Endless River დამატების სახით.