კახა კალაძე
 |
||
 |
||
| პირადი მონაცემები | ||
| სრული სახელი | კახაბერ კალაძე | |
| დაბ. თარიღი | 27 თებერვალი 1978 | |
| დაბ. ადგილი | სამტრედია, საქართველოს სსრ, საბჭოთა კავშირი | |
| სიმაღლე | 186 სმ. | |
| მეტსახელი | კალა | |
| პოზიცია | მცველი | |
| ეროვ. ნაკრები | საქართველო 87 (1) | |
| ინფორმაცია კლუბის შესახებ | ||
| კლუბი | კარიერა დაასრულა | |
| კარიერა | ||
| კლუბები | 1993-1997  დინამო (თბილისი) 82(1)1998-2001  დინამო (კიევი) 63(6)2001-2010  მილანი 188(12)
2010 - 2012 |
|
კახა კალაძე — ყოფილი ფეხბურთელი, საქართველოს ნაკრების ყოფილი კაპიტანი. 9 წლის მანძილზე იყო საფეხბურთო კლუბ „მილანის“ წევრი. მილანში ჩარიცხვამდე იგი თბილისის დინამოში (1993-97) და კიევის დინამოში (1998-2001) თამაშობდა. 2001 წელს კი გახდა ყველაზე ძვირადღირებული ქართველი ფეხბურთელი, მილანმა მის ტრანსფერში 16 მილიონი ევრო გადაიხადა. თამაშობდა მარცხენა და ცენტრალურ მცველად. კალაძე რამდენჯერმე დაასახელეს წლის საუკეთესო ქართველ მოთამაშედ. კარიერა დაასრულა 2012 წელს.[1]
სექციების სია |
[რედაქტირება] საკლუბო კარიერა
[რედაქტირება] სამტრედია და თბილისის დინამო
მთავარი სტატია : დინამო თბილისი (საფეხბურთო კლუბი).კალაძემ საკლუბო კარიერა მშობლიურ კლუბ სამტრედიის ლოკომოტივში დაიწყო, ფორვარდის პოზიციაზე. კლუბის პრეზიდენტი იყო მისი მამა, კარლო კალაძე. 1993 წელს კახა თბილისის დინამოში გადავიდა, სადაც 82 საჩემპიონატო მატჩში მიიღო მონაწილეობა და ერთი გოლი გაიტანა. მასი დებიუტი დინამოში 1993–94 წლის სეზონში ჰქონდა, როცა 16 წლის იყო.
1998 წელს კალაძე მონაწილეობდა საქართველოსა და იტალისიის ნაკრებების შეხვედრაში, რომელიც 0-0 დასრულდა. მისი თქმით, კრისტიან ვიერის წინაარმდეგ კარგმა თამაშმა განაპირობა კიევის დინამოს დაინტერესება ქართველი მცველით.[2]
[რედაქტირება] კიევის დინამო
მთავარი სტატია : დინამო კიევი (საფეხბურთო კლუბი).1998 წლის იანვარში კახა კიევის დინამოში 280 000 ევროდ გადავიდა და 4–წლიან კონტრაქტს მოაწერა ხელი. ორნახევარი სეზონის განმავლობაში მან 71 საჩემპიონატო შეხვედრაში 6 გოლი გაიტანა. უკრაინული კლუბის პრეზიდენტი გრიგორი სურკისი იყო, ხოლო მოგვიანებით გუნდში ვალერი ლობანოვსკის მწვრთნელად დანიშვნის შემდეგ დინამომ ზედიზედ 8–ჯერ მოიგო ჩემპიონატი. კალაძემ მონაწილეობა მიიღო ჩემპიონტა ლიგის 1998–99 წლის ნახევარფინალში მიუნხენის ბაიერნის წინააღმდეგ, რომელიც უკრაინელებმა ორი თამაშის ჯამში 4–3 წააგეს, თან გზიდან ისეთი გუნდები ჩამოიცილა, როგორებიცაა მადრიდის რეალი და ლონდონის არსენალი. რაც შეეხება კალაძეს, მან თბილისის და კიევის დინამოში ჯამში 8 ჩემპიონატი მოიგო.
[რედაქტირება] მილანი
მთავარი სტატია : მილანი (საფეხბურთო კლუბი).კახა კალაძე 2001 წელს გახდა ყველაზე ძვირადღირებული ქართველი ფეხბურთელი, მილანმა მის ტრანსფერში კიევის დინამოს 16 მილიონი ევრო გადაუხადა. კახამ მიზეზად ალექსეი გერასიმენკოს ტრავმა დაასახელა. თავდაპირველად კალაძე სხვადასხვა პოზიციებზე ისინჯებოდა და იააპ სტამის და კაფუს ადგილებზეც ჩნდებოდა. 2002–03 წლის სეზონში მილანის შემადგენლობაში 46 მატჩი ჩაატარა, მათ შორის 27 სერია A–ში. ამ წელს მილანმა მიოგო ჩემპიონთა ლიგა(პენალტების სერიაში, მიუხედავად კალაძის გაფუჭებული პენალტისა) და იტალიის თასი(ფინალში დაამარხცა რომა ანგარიშით 6–3). კალაძის ამ ორმაგი წარმატების შემდეგ ქართულმა ფოსტამ გამოუშვა კახა კალაძის საფოსტო მარკიანი ბარათები.[საჭიროებს წყაროს მითითებას] კახა პირველი და ჯერ–ჯერობით ერთადერთი ქართველი ფეხბურთელია, რომელმაც ჩემპიონთა ლიგა მოიგო.
2003–04 წლის სეზონში კალაძემ სერიაA–ში 6,საერთო ჯამში კი 11 მატჩი ჩაატარა.შემდეგ სეზონში კი იტალიის ჩემპიონატში 19,ჩემპიონთა ლიგაში კი 5 შეხვედრაში მიიღო მონაწილეობა.ორივე ტირნირში მილანმა მეორე ადგილი დაიკავა.ჩემპიონთა ლიგის ფინალში ლივერპულთან 3–3 დასრულებულ შეხვედრაში ქართველ ლეგიონერს არ უთამაშია,მიზიზად კი მისი ლონდონის ჩელსისში ერნან კრესპოს სანაცვლოდ 24 მილიონ ფუნტად გადასვლა დასახელდა.საბოლოოდ ჩელსიმ მის სანაცვლოდ ასიერ დელ ორნო შეიძინა,კახამ კი ამ ვარიანტის ჩაშლის შემდეგ განაცხადა რომ გახარებული იყო.2006 წლის 4 სექტემბერს კახა კალაძემ მილანთან 2011 წლამდე გაახანგრძლივა კონტრაქტი.2005–06 წლის სეზონში პაოლო მალდინის ტრავმის გამო კალაძემ თავის საყვარელ ადგილას,დაცვის ცენტრში გადაიწია.ის სეზონი მილანმა მესამე ადგილზე დაასრულა.მეორეზეც დაასრულებდა,რომ არა საქნეყნოდ ცნობილი იტალიური სკანდალი.
2006–07 წლის სეზონში კახამ სამპდორიას კარში გოლი გაიტანა. როგორც შემდეგ აღმოჩნდა ეს იყო მისი ერთადერთი გოლი იმ სეზონში. რვაქულიანი დანაკლისის მიუხედავად მილანმა იტალიის ჩემპიონატში მეოთხე ადგილი დაიკავა. 2007 წლის 23 მაისს ლიგის ფინალში ლივერპულის 2–1 ძლევის შემდეგ კალაძემ მეორედ მოიგო ევროპის ყველაზე პრესტიჟული საკლუბო ტურნირი. იგი შეცვლაზე 79–ე წუთზე შემოვიდა. 2007 წლის დეკემბერში კახამ მსოფლიოს საკლუბო ჩემპიონატი მოიგო, დაამარცხა რა არგენტინული ბოკა ხუნიორსი 4–2. 2008–09 წლის სეზონში კალაძე გუნდის ძირითადში დამკვიდრადა, ჩაატარა 32 საჩემპიონატო თამაში, თუმცა 2008 წელს ციურიხთან უეფა-ს თასის მატჩში მუხლის იოგების ტრავმა მიიღო და გუნდს გამოაკლდა. 2009 წლის 15 თებერვალს მილანურ დერბიში კახა კალაძის თამაში იტალიურმა არხმა Channel 4–მა შეაფასა როგორც საშინელებათა შოუ, რამაც გამოიწვია დაპირისპირება კალაძესა და ქართულ გაზეთ ლელოს შორის, რომელმაც დაწერა იტალიურ მედიაში გამოქვეყნებილი მასალა. ეს სეზონი მილანმა მესამე ადგილზე დაასრულა და 10 ქულით ჩამორჩა ჩემპიონ ინტერს. კალაძის აზრით ეს გამოწვეული იყო გუნდში ტრავმების სიმრავლით.
[რედაქტირება] ჯენოა
კალაძეს სამი არჩევანი ჰქონდა - მილანში დარჩენა, სადაც იანვრამდე ვერ ითამაშებდა, რადგან გუნდის ხელმძღვანელობამ საჩემპიონო განაცხადშიც კი არ შეიყვანა; „იუვენტუსში“ და „ჯენოაში“ გადასვლა. ქართველმა ფეხბურთელმა სატრანსფერო სეზონის დასრულებამდე 1 საათით ადრე „ჯენოაში“ გადასვლა გადაწყვიტა.
2010 წლის 31 აგვისტოს კალაძე საფეხბურთო კლუბ „ჯენოაში“ გადავიდა[3] და მასთან 2-წლიანი კონტრაქტს მოაწერა ხელი.[4]
[რედაქტირება] სანაკრებო კარიერა
მთავარი სტატია : საქართველოს ეროვნული საფეხბურთო ნაკრები.კალაძის სანაკრებო კარიერა 1996 წლის 27 მარტს კვიპროსის ეროვნულ ნაკრებთან შედგა. იგი მოედანზე 72-ე წუთზე შემოვიდა მიხეილ ყაველაშვილის ნაცვლად. ერთი წლის შემდეგ ლიბანის ნაკრების წინააღმდეგაც იქნა გამოძახებული. შემდეგში მონაწილეობა მიიღო საქართველოს ნაკრების მიერ ჩატარებულ 1998, 2002, 2006 და 2010 წლის მსოფლიოსა და 2000, 2004 და 2008 წლის ევროპის ჩემპიონატების შესარჩევ ციკლში. კალაძის ოფიციალური დებიუტი 1998 წლის მუნდიალის შესარჩევ მატჩში პოლონეთის ნაკრების წინააღმდეგ 1997 წლის 14 ივნისს შედგა. გიორგი ნემსაძის არყოფნაში კალაძე დროდადრო კაპიტნობდა ხოლმე გუნდს.
კალაძე მონაწილეობდა 2002 წლის მსოფლიო ჩემპიონატის შესარჩევი ციკლის ყველა მატჩში. 2002 წელს, იმ დროს როცა მისი ძმა ლევანი გატაცებული იყო და ჯერაც არ ჩანდა მისი კვალი, კალაძემ მისი ძმის განთავისუფლებამდე საქართველოს ნაკრებში თამაშზე უარი განაცხადა, თუმცა 2004 წლის ევროპის ჩემპიონატის შესარჩევ ციკლის წინ მაინც დაბრუნდა ნაკრებში. ეს ციკლი საქართველოს ნაკრებმა მესამე ადგილზე დაასრულა, გადაუსწრო რა უნგრეთს და ლიტვას. კახა კალაძემ აქ ყველა თამაში ჩაატარა და მარტოოდენ ამხანაგური თამაშები გამოტოვა. 2004 წლის შესარჩევში ქართველებმა ციკლი სულ ბოლო, მე–5 ადგილზე დაამთავრეს. კახამ საქართველოს ნაკრების ერთ–ერთ საუკეთესო, რუსეთის ნაკრებთან 1–0 მოგებულ შეხვედრაში მიიღო მონაწილეობა. 2006 წლის შესარჩევ რაუდში ასევე უკლებლივ ყველა მატჩი ჩაატარა მილანის ქართველმა ლეგიონერმა, სადაც ქართველებმა მარტო ყაზახებს აჯობეს და მე–6 ადგილზე გავიდნენ. ასევე კრახი განიცადა ჩვენმა გუნდმა მომდევნო, 2008 წლის შესარჩევ ციკლში.
კახა კალაძემ თავისი სადებიუტო გოლი ნაკრებში 2008 წლის 6 თებერვალს, ლატვიელებთან 3–1 წაგებულ თამაშში გაიტანა. 2009 წლის 5 სექტემბერს კი იტალიის წინააღმდეგ გამართულ ბრძოლაში საკუთარ კარში 2 გოლი გაიტანა. 2011 წლის 11 დეკემბერს კახა კალაძემ დატოვა ეროვნული ნაკრები.
[რედაქტირება] ბიზნესი და პირადი ცხოვრება
კახა კალაძე დაიბადა სამტრედიაში, დასავლეთ საქართველოს პატარა ქალაქში. მისი მამა, კარლო კალაძე, წარსულში სამტდერიის ლოკომოტივის ფეხბურთელი და ერთი პერიოდი პრეზიდენტიც იყო. 11 წლის ასაკში კახამ მშობლიური ქალაქის ახალგაზრდულ გუნდში დაიწყო თამაში. კალაძე მილანში მდებარე რესტორან ჯიანინოს მფლობელია. ეს რესტორანი დაარსებულია 1899 წელს.
საფეხბურთო კარიერის პარალელურად კახა კალაძე წარმატებული ბიზნესმენია. ბიზნესი აქვს საქართველოში, უკრაინაში და ყაზახეთში. საქართველოში კალაძის ბიზნესსფეროს მიეკუთვნება კალა კაპიტალი, ჰოლდინგური კომპანია, რომლის ერთ-ერთი შემადგენელია პროგრეს ბანკი. კალაძე ასევე ეწევა საქველმოქმედო საქმიანობას - არის ფიფას ელჩი ბავშვთა სოფელში. კალა კაპიტალი 50 000 ევროთი დაეხმარა 2008 წლის აგვისტოში სამაჩაბლოდან დევნილ მოსახლეობას. ამ კომპანიიდან შემოსული თანხით კახა გეგმავს ავტობიოგრაფიული წიგნის გამოშვებას. 2011 წელს კალაძე საზოგარდოებრივ მოძრაობა ქართულ ოცნებაში გაწევრიანდა. ჰყავს მეუღლე ანუკა არეშიძე და ვაჟი ლევანი.
[რედაქტირება] სტატისტიკა
| კლუბი | სეზონი | ადგილობრივი ლიგა |
ადგილობრივი თასი |
ევროპული შეჯიბრება1 |
სხვა ტურნირები2 |
სულ | |||||
|---|---|---|---|---|---|---|---|---|---|---|---|
| მატჩი | გოლი | მატჩი | გოლი | მატჩი | გოლი | მატჩი | გოლი | მატჩი | გოლი | ||
| დინამო თბილისი | 1993–94 | 9 | 1 | - | - | - | - | - | - | 9 | 1 |
| 1994–95 | 23 | 0 | - | - | - | - | - | - | 23 | 0 | |
| 1995–96 | 23 | 0 | - | - | 1 | 0 | - | - | 24 | 0 | |
| 1996–97 | 12 | 0 | - | - | 4 | 0 | - | - | 16 | 0 | |
| 1997–98 | 15 | 0 | - | - | 7 | 0 | - | - | 22 | 0 | |
| სულ | 82 | 1 | – | – | 12 | 0 | – | – | 94 | 1 | |
| დინამო კიევი | 1998 | 13 | 2 | - | - | - | - | - | - | 13 | 2 |
| 1998–99 | 25 | 3 | - | - | 12 | 1 | - | - | 37 | 4 | |
| 1999–2000 | 25 | 1 | - | - | 14 | 1 | - | - | 39 | 2 | |
| 2000–01 | 8 | 0 | - | - | 7 | 1 | - | - | 15 | 1 | |
| სულ | 71 | 6 | – | – | 33 | 3 | – | – | 104 | 9 | |
| მილანი | 2001 | 17 | 3 | 1 | 0 | - | - | - | - | 18 | 3 |
| 2001–02 | 30 | 4 | 5 | 0 | 11 | 0 | - | - | 46 | 4 | |
| 2002–03 | 27 | 0 | 4 | 1 | 15 | 0 | - | - | 46 | 1 | |
| 2003–04 | 6 | 0 | 3 | 0 | 1 | 0 | 1 | 0 | 11 | 0 | |
| 2004–05 | 19 | 2 | 2 | 0 | 5 | 0 | - | - | 26 | 2 | |
| 2005–06 | 28 | 2 | 4 | 0 | 11 | 0 | - | - | 43 | 2 | |
| 2006–07 | 18 | 1 | 1 | 0 | 7 | 0 | - | - | 26 | 1 | |
| 2007–08 | 32 | 0 | - | - | 8 | 0 | 2 | 0 | 42 | 0 | |
| 2008–09 | 11 | 0 | 1 | 0 | 4 | 0 | - | - | 16 | 0 | |
| 2009–10 | 6 | 0 | 2 | 0 | 2 | 0 | - | - | 10 | 0 | |
| სულ | 194 | 12 | 23 | 1 | 64 | 0 | 3 | 0 | 284 | 13 | |
| ჯენოა | 2010–11 | 7 | 0 | 0 | 0 | 0 | 0 | - | - | 7 | 0 |
| 2011–12 | 26 | 0 | 2 | 1 | 0 | 0 | - | - | 28 | 1 | |
| სულ კარიერაში | 380 | 19 | 25 | 2 | 109 | 3 | 3 | 0 | 517 | 24 | |
- განახლდა: 6 ნოემბერი 2010.[5]
1ევროპული შეჯიბრებები მოიცავს უეფა-ს ჩემპიონთა ლიგას, უეფა-ს თასს და უეფა-ს სუპერთასს
2სხვა ტურნირები შეიცავს იტალიის სუპერთასს და [[ფიფა-ს მსოფლიო საკლუბო ჩემპიონატი|ფიფა-ს მსოფლიო საკლუბო ჩემპიონატს.
| საქარ ეროვნული ნაკრები | ||
|---|---|---|
| წელი | მატჩი | გოლი |
| 1996 | 3 | 0 |
| 1997 | 3 | 0 |
| 1998 | 8 | 0 |
| 1999 | 7 | 0 |
| 2000 | 3 | 0 |
| 2001 | 7 | 0 |
| 2002 | 2 | 0 |
| 2003 | 2 | 0 |
| 2004 | 5 | 0 |
| 2005 | 10 | 0 |
| 2006 | 4 | 0 |
| 2007 | 6 | 0 |
| 2008 | 4 | 1 |
| 2009 | 4 | 0 |
| 2010 | 3 | 0 |
| 2011 | 2 | 0 |
| 2012 | 10 | 0 |
| სულ | 87 | 1 |
[რედაქტირება] ტიტულები
[რედაქტირება] დინამო თბილისი
[რედაქტირება] დინამო კიევი
- უკრაინის პრემიერლიგა: 1998–99, 1999–2000, 2000–01
- უკრაინის თასი: 1998, 1999, 2000
[რედაქტირება] მილანი (საფეხბურთო კლუბი)
- სერია A: 2003–04
- იტალიის თასი: 2002–03
- იტალიის სუპერთასი: 2004
- ჩემპიონთა ლიგა: 2003, 2007
- უეფას თასი: 2007
- მსოფლიოს საკლუბო ჩემპიონატი: 2007
[რედაქტირება] ინდივიდუალური
- საქართველოს წლის საუკეთესო ფეხბურთელი: 2001–2003, 2006
[რედაქტირება] სანაკრებო გოლი
| # | თარიღი | ქალაქი | მეტოქე | ანგარიში | შედეგი | შეჯიბრი |
|---|---|---|---|---|---|---|
| 1. | 6 თებერვალი, 2007 | თბილისი, საქართველო |  ლატვია |
1 – 3 | წაგება | ამხანაგური |
[რედაქტირება] რესურსები ინტერნეტში
შეგიძლიათ იხილოთ მედიაფაილები თემაზე „კახა კალაძე“ ვიკისაწყობში.- ოფიციალური ვებსაიტი
- კალა-ფონდი – ოფიციალური ვებსაიტი
[რედაქტირება] სქოლიო
- ↑ კახი კალაძემ გამოაცხადა, რომ ფეხბურთიდან მიდის რადიო თავისუფლება 13.05.2012
- ↑ World Soccer, Player Profile
- ↑ როგორც იქნა: კალაძე „ჯენოას“ ფეხბურთელია. მსოფლიო სპორტი. 31 აგვისტო, 2010.
- ↑ Kakha Kaladze Joins Genoa. (ინგლისური) Football365.com. 31 August 2010.
- ↑ “Kakha Kaladze Profile at AC Milan“, AC Milan. წაკითხვის თარიღი: 2009-07-08.
- ↑ http://www.national-football-teams.com/v2/player.php?id=2580
|
|||||
