ემზარ კვიციანი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
ემზარ კვიციანი
Emzar Kvitsiani (VOA).jpg
ემზარ კვიციანი
დაიბადა 25 აპრილი 1961
ჩხალთა, საქართველო
ეროვნება ქართველი
საქმიანობა პრეზიდენტის რწმუნებული კოდორის ხეობაში
წაყენებული ბრალდება ამბოხება და ტერორიზმი
მეუღლე(ები) თეთნულდი ანსიანი

ემზარ კვიციანი (დ. 25 აპრილი 1961, ჩხალთა, საქართველო) — ყოფილი მხედართმთავარი. კოდორის ხეობის გასამხედროებული ჯგუფის „მონადირეს“ ხელმძღვანელი. იყო ყოფილი პრეზიდენტის, ედუარდ შევარდნაძის რწმუნებული კოდორის ხეობაში. ეს თანამდებობა 2004 წლის დეკემბერში აფხაზეთის მაშინდელი ლეგიტიმური მთავრობის თავმჯდომარის ირაკლი ალასანიას გადაწყვეტილებით გაუქმდა.[1]

ედუარდ შევარდნაძის პრეზიდენტობის პერიოდში იყო მისი სპეციალური რწმუნებული კოდორის ხეობაში. ვარდების რევოლუციის პერიოდში გადადგა და იმჟამინდელ ხელისუფლებას დაუმორჩილებლობა გამოუცხადა. დაახლოებით 200 თანამოაზრესთან ერთად კვიციანი კოდორის ხეობას აფარებდა თავს.

გასამხედროებული ჯგუფი „მონადირე“, რომელშიც დაახლოებით 300-400 კაცი შედიოდა, ადგილობრივი მოსახლეობის მიერ ხეობის აფხაზური ჯარებისგან დაცვის მიზნით შეიქმნა. ჯგუფი 2002 წელს თავდაცვის სამინიტროს დაქვემდებარებაში შევიდა. თუმცა, 2005 წელს თავდაცვის მინისტრმა ირაკლი ოქრუაშვილმა დაშალა ეს შენაერთი, რამაც კოდორის ხეობის ადგილობრივი მოსახლეობის უკმაყოფილება გამოიწვია.[1]

2006 წლის ივლისში განხორციელებული ოპერაციის შედეგად საქართველოს სპეციალური დანიშნულების სამხედრო რაზმმა მისი მომხრეების უმრავლესობის განიარაღება შეძლო, თუმცა თავად კვიციანმა რამდენიმე ახლო პირთან ერთად გაქცევა მოახერხა. საქართველოს პოლიციამ კვიციანის ადგილსამყოფელზე ინფორმაციისთვის 100.000 ლარის ჯილდო დააწესა.[2]

2014 წლის 28 თებერვალს, ემზარ კვიციანი მოსკოვიდან დაბრუნდა საქართველოში და თბილისის საერთაშორისო აეროპორტივე იქნა დაკავებული. მისი თქმით, ის შეგნებულად წავიდა ამ ნაბიჯზე, რადგან ახალი ხელისუფლების პირობებში სიმართლის დადგენის იმედი ჰქონდა[3]. 17 ნოემბერს, ზუგდიდის სასამართლომ ის დამნაშავედ ცნო უკანონო გასამხედროებული ჯგუფის შექმნისა და 2006 წელს კოდორის ხეობაში ამბოხის მოწყობისათვის და 12-წლიანი თავისუფლების აღკვეთა შეუფარდა[4].

2015 წლის 28 იანვარს, პროკურატურასთან მიღწეული საპროცესო შეთანხმების შემდეგ, ქუთაისის სააპელაციო სასამართლომ კვიციანი პატიმრობიდან გაათავისუფლა[5].

რესურსები ინტერნეტში[რედაქტირება]

სქოლიო[რედაქტირება]