დაიბადა 1969 წლის 26 მარტს, თბილისში. დაამთავრა თბილისის სახელმწიფო უნივერსიტეტის იურიდიული ფაკულტეტი. 1986-1987 წლებში მუშაობდა „საქაგრომშენში“ შემკეთებლად. 1987-1988 წლებში იყო საქართველოს პროკურატურის ინსპექტორი და კურიერი. 1988-1990 წლებში მოიხადა სავალდებულო სამხედრო სამსახური. 1990-1991 წლებში იყო საბურთალოს რაისაკვების ტრესტის საწყობის მუშა. 1992-2002 წლებში — საქართველოს პროკურატურის თანაშემწე, სტაჟიორი, გამომძიებელი, გენინსპექციის პროკურორი და პროკურორი. 2002-2003 წლებში — საქართველოს იუსტიციის სამინისტროს გენინსპექციის უფროსი. 2004 წელს იყო საქართველოს უშიშროების სამინისტროს სამხედრო სამსახურის ერთ-ერთი დეპარტამენტის უფროსი. 2004-2008 წლებში — საქართველოს პროკურატურის სამმართველოს უფროსი, დეპარტამენტის უფროსი და თბილისის პროკურორი. 2008 წლის 7 ივნისიდან 21 ოქტომბრამდე იყო საქართველოს მე-7 მოწვევის პარლამენტის წევრი (გურჯაანის მაჟორიტარი), საარჩევნო ბლოკი: „ერთიანი ნაციონალური მოძრაობა — გამარჯვებული საქართველოსთვის“. 2008-2012 წლებში — კახეთის გუბერნატორი. 2012-2016 წლებში — საქართველოს მე-8 მოწვევის პარლამენტის წევრი (გურჯაანის მაჟორიტარი), საარჩევნო ბლოკი: „ერთიანი ნაციონალური მოძრაობა — „მეტი სარგებელი ხალხს“. 2016-2020 წლებში — საქართველოს მე-9 მოწვევის პარლამენტის წევრი პარტიული სიით, საარჩევნო ბლოკი: „ერთიანი ნაციონალური მოძრაობა “. 2017 წლის 27 მაისს არჩეულ იქნა პარტია „ევროპული საქართველო – მოძრაობა თავისუფლებისთვის“ პოლიტიკური საბჭოს წევრად.
სსრკ →
საქართველო