უეფა-ს სუპერთასი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
უეფა-ს სუპერთასი
140პქpx
დაარსდა 1973
რეგიონი ევროპა (უეფა)
გუნდ. რაოდენობა 2
ყველაზე ტიტ. გუნდი იტალიის დროშა მილანი
(5 ტიტული)
მოქ. მფლობელი ესპანეთის დროშა რეალ მადრიდი

უეფა-ს სუპერთასი — ყოველწლიური საფეხბურთო მატჩი, რომელსაც ატარებს უეფა. თამაშში უეფა-ს ჩემპიონთა ლიგისა და უეფა-ს ევროპის ლიგის გამარჯვებულები მონაწილეობენ. როგორც წესი, მატჩი ტარდება აგვისტოში, ახალი საფეხბურთო სეზონის დაწყების წინ.

1972-99 წლებში, სუპერთასს ჩემპიონთა თასისა/ლიგისა და თასების მფლობელთა თასის გამარჯვებულები ეცილებოდნენ ერთმანეთს. თასების მფლობელთა თასის გაუქმების შემდეგ ის უეფა-ს თასმა შეცვალა, რომელსაც 2009 წელს უეფა-ს ევროპის ლიგა ეწოდა. ამასთანავე, 1998 წლამდე სუპერთასი 2 მატჩად იმართებოდა, ორივე მონაწილე გუნდის მოედანზე; 1998 წლიდან შეხვედრა წინასწარ გამოცხადებულ არენაზე ტარდება.

უეფა-ს სუპერთასს ამჟამად ფლობს მადრიდის რეალი, რომელმაც 2014 წლის მატჩში სევილია დაამარცხა. ყველაზე წარმატებული კლუბია იტალიური მილანი, რომელმაც 5-ჯერ მოიგო ტიტული.

ისტორია[რედაქტირება]

სუპერთასის ჩატარების იდეა ჰოლანდიელ სპორტულ ჟურნალისტ ანტონ ვიტკამპს დაებადა. ამ დროს ევროპაში „ტოტალური ფეხბურთი“ დომინირებდა, ევროტურნირების მთავარ ფავორიტებად კი ჰოლანდიური კლუბები მიიჩნეოდნენ. მისი მიზანი იყო გაერკვია, თუ რომელი იყო რეალურად ევროპის საუკეთესო კლუბი და კიდევ უფრო გამოეცადა ამსტერდამის აიაქსის შესაძლებლობები, რომელსაც იმ დროის ერთ-ერთი უძლიერესი ფეხბურთელი იოჰან კრუიფი ლიდერობდა.

1972 წელს ვიტკამპმა თავისი იდეა აიაქსის ხელმძღვანელობას გააცნო. ხელმძღვანელობამ ეს იდეა მოიწონა და ერთად ციურიხს ეწვივნენ, სადაც უეფა-სგან ტურნირისათვის ოფიციალური სახის მიცემა მოითხოვეს. ამ ეტაპზე ორგანიზაციამ უარი თქვა და სწორედ ამიტომ, 1972 წლის შეხვედრა აიაქსსა და რეინჯერსს შორის, არაოფიციალურად მიიჩნევა.

გამარჯვებულები[რედაქტირება]

კლუბი გამარჯვებული მეორე ადგილოსანი გამარჯვების წელი მეორე ადგილის წელი
იტალიის დროშა მილანი 5 2 1989, 1990, 1994, 2003, 2007 1973, 1993
ესპანეთის დროშა ბარსელონა 4 4 1992, 1997, 2009, 2011 1979, 1982, 1989, 2006
ინგლისის დროშა ლივერპული 3 2 1977, 2001, 2005 1978, 1984
ნიდერლანდის დროშა აიაქსი 3 1 1972, 1973, 1995 1987
ესპანეთის დროშა რეალ მადრიდი 2 2 2002, 2014 1998, 2000
ბელგიის დროშა ანდერლეხტი 2 0 1976, 1978
იტალიის დროშა იუვენტუსი 2 0 1984, 1996
ესპანეთის დროშა ვალენსია 2 0 1980, 2004
ესპანეთის დროშა ატლეტიკო 2 0 2010, 2012
გერმანიის დროშა მიუნხენის ბაიერნი 1 3 2013 1975, 1976, 2001
პორტუგალიის დროშა პორტუ 1 3 1987 2003, 2004, 2011
ინგლისის დროშა ჩელსი 1 2 1998 2012, 2013
ინგლისის დროშამანჩესტერ იუნაიტედი 1 2 1991 1999, 2008
უკრაინის დროშა დინამო კიევი 1 1 1975 1986
ინგლისის დროშა ნოტინგემ ფორესტი 1 1 1979 1980
ესპანეთის დროშა სევილია 1 1 2006 2007
ინგლისის დროშა ასტონ ვილა 1 0 1982
შოტლანდიის დროშა აბერდინი 1 0 1983
რუმინეთის დროშა სტიაუა ბუქარესტი 1 0 1986
ბელგიის დროშა მეხელენი 1 0 1988
იტალიის დროშა პარმა 1 0 1993
იტალიის დროშა ლაციო 1 0 1999
თურქეთის დროშა გალათასარაი 1 0 2000
რუსეთის დროშა ზენიტი 1 0 2008

რესურსები ინტერნეტში[რედაქტირება]