„Take Up Thy Stethoscope and Walk“ არის როჯერ უოტერსის სადებიუტო საავტორო ჩანაწერი, რომელსაც ახლავს სიდ ბარეტის გიტარა და რიჩარდ რაიტის კლავიშებიანი საკრავების ენერგიული სოლო. სიმღერის სათაური მომდინარეობს იოანეს სახარების მეხუთე თავიდან [3], სადაც იესო ქრისტე მიმართავს სნეულს - „აღდეგ, აიღე შენი სარეცელი და წადი“. ბიბლიის ციტირებას ადგილი აქვს როჯერ უოტერსის მიერ დაწერილ სხვა კომპოზიციებშიც. სიტყვები „Doctor, Doctor“ ასევე მეორდება სიმღერაში Amused to Death (1992).
