ზენონი (იარაჯული)

მასალა ვიკიპედიიდან — თავისუფალი ენციკლოპედია
Jump to navigation Jump to search
ზენონი
დმანისისა და აგარაკ-ტაშირის ეპარქიის მთავარეპისკოპოსი, დიდი ბრიტანეთისა და ირლანდიის მთავარეპისკოპოსი.
მეუფე ზენონი.jpg
მეუფე ზენონი
პროვინცია ქვემო ქართლი
ეპარქია დმანისისა და აგარაკ-ტაშირის ეპარქია
ეკლესია საქართველოს მართლმადიდებელი ეკლესიის დროშა ქართული მართლმადიდებლური ეკლესია
ინთრონიზაცია 2003
პირადი მონაცემები
საერო სახელი იმედა იარაჯული
დაბადების თარიღი 17 მარტი, 1972
ეროვნება ქართველი
რელიგია ქრისტიანობა

მეუფე ზენონი (ერისკაცობაში — იმედა იარაჯული; დ. 17 მარტი, 1972, თბილისი) — დმანისისა და აგარაკ-ტაშირის, დიდი ბრიტანეთისა და ირლანდიის მთავარეპისკოპოსი.

ბიოგრაფია[რედაქტირება | წყაროს რედაქტირება]

იმედა იარაჯულმა 1992 წელს დაამთავრა თბილისის სასულიერო სემინარია და 1993 წლის 14 აგვისტოს ბერად აღიკვეცა. 1993 წლის 19 აგვისტოს დიაკვნად აკურთხეს, ხოლო 1993 წლის 25 ოქტომბერს მღვდლად. 1994 წლის 10 ნოემბერს გახდა იღუმენი და ამავდროულად სიღნაღის სასულიერო სასწავლებლის რექტორი. 1995-1996 წლებში თბილისის სასულიერო სემინარიისა და აკადემიის პრორექტორი იყო. 1996-1997 წლებში კი გაიარა რომის ორიენტალისტური ინსტიტუტი. 1998 წელს გახდა სრულიად საქართველოს კათოლიკოს-პატრიარქის მდივანი. 1998 წლიდან 2002 წლამდე იყო საქართველოს საპატრიარქოს საფინანსო-ეკონომიკური განყოფილების თავმჯდომარე. თბილისის მამა-დავითის ტაძარს წინამძღვრობდა 2000 წლიდან 2002 წლამდე. 2001 წლის 16 ივნისს გახდა არქიმანდრიტი. 2002-2003 წლებში სვეტიცხოვლის წინამძღვარი იყო. 2003 წლის 18 აგვისტოს ეპისკოპოსად გამოარჩიეს და 30 აგვისტოს მოხდა კურთხევა სვეტიცხოვლის საპატრიარქო ტაძარში. მას ჩაბარდა დმანისის ეპარქია. ამავე წელს მეუფე ზენონი გახდა ფაზისის მეცნიერებათა აკადემიის პრეზიდიუმის წევრი. 2004 წელს საბერძნეთის მართლმადიდებელი ეკლესიის უმაღლესი ორდენით და ედიტერანიის ბერძნული სამიტროპოლიტოს ორდენით დააჯილდოვეს ათენში. 2005 წლიდან დმანისის ეპარქიას დაემატა აგარაკ-ტაშირის მხარე დღევნდელ სომხეთში, ხოლო 2009 წლიდან მეუფე ზენონს დიდი ბრიტანეთისა და ირლანდიის ეპარქიაც ჩააბარეს. ამავე წელს გახდა გაერთიანებული სამეფოსა და ირლანდიის პან-ორთოდოქსული საეპისკოპოსო ანსამბლეის წევრი. 2010 წელს დაჯილდოვდა საქართველოს მართლმადიდებელი ეკლესიის უმაღლეს ორდენით. 2011 წელს კი აღყვანილ იქნა მთავარეპისკოპოსის ხარისხში.

კათედრა და რეზიდენცია: დმანისი, ლონდონი.

რესურსები ინტერნეტში[რედაქტირება | წყაროს რედაქტირება]