გიორგი (ჯამდელიანი)
| ყოვლადუსამღვდელოესობა, ეპისკოპოსი გიორგი (ჯამდელიანი) .jpg)
| |||
| |||
|---|---|---|---|
| ეკლესია: | საქართველოს სამოციქულო ავტოკეფალური მართლმადიდებელი ეკლესია
| ||
| დაბადების სახელი: | ლერი ვალერის ძე ჯამდელიანი | ||
| დაბადება: | 1 ოქტომბერი, 1981 მესტია | ||
| ბერად აღკვეცა: | 2006 წლის 27 აგვისტო | ||
| დიაკვნად კურთხევა: | 2006 წლის 4 დეკემბერი | ||
| მღვდლად კურთხევა: | 2007 წლის 19 იანვარი | ||
| ეპისკოპოსად კურთხევა: | 2013 წლის 23 ნოემბერი | ||
ეპისკოპოსი გიორგი (ერისკაცობაში — ლერი ვალერის ძე ჯამდელიანი; დ. 1 ოქტომბერი, 1981, მესტია) — საქართველოს მართლმადიდებელი ეკლესიის მღვდელმთავარი, მარნეულისა და ჰუჯაბის ეპარქიის ეპისკოპოსი. ანგელოზის დღე — 27 ივნისი (10 ივლისი) [ღირსი გიორგი მთაწმიდელის ხსენება]; კათედრა და რეზიდენცია მარნეულში.
ბიოგრაფია
[რედაქტირება | წყაროს რედაქტირება]ყოვლადუსამღვდელოესი გიორგი, ერისკაცობაში ლერი ვალერის (სპირიდონის) ძე ჯამდელიანი, დაიბადა 1981 წლის 1 ოქტომბერს მესტიაში. მამა — ვალერი (სპირიდონ) ჯამდელიანი, პროფესიით იურისტი, ისტორიკოსი, დედა — დალი დადვანი, პროფესიით ექიმი-პედიატრი. სწავლობდა თბილისის I კლასიკურ გიმნაზიაში, 1998 წელს დაამთავრა თბილისის 47-ე საჯარო სკოლა. იმავე წელს ჩაირიცხა უმაღლეს სასწავლებელში — ილიას სახელმწიფო უნივერსიტეტში საერთაშორისო ურთიერთობები-დიპლომატიის ფაკულტეტზე, რომელიც დაამთავრა 2003 წელს.
2005 წლიდან იწყებს მონასტრულ ცხოვრებას რუის-ურბნისის ეპარქიაში, ძამის ხეობაში. 2006 წლის 27 აგვისტოს მროველ-ურბნელი მიტროპოლიტი იობის ლოცვა-კურთხევით, იღუმენმა ეფრემმა (შემდგომში ბოლნელი მთავარეპისკოპოსი ეფრემი) ქოზიფის მამათა მონასტერში ბერად აღკვეცა. 2006 წლის 4 დეკემბერს რუის-ურბნისის მიტროპოლიტ იობის (აქიაშვილი) მიერ იკურთხა ბერ-დიაკვნად, ხოლო 2007 წლის 19 იანვარს მის მიერვე — მღვდელ-მონაზვნად. წინამძღვრობდა ტბეთის, ქოზიფის, პირღებულის და სახუნდარის მამათა მონასტრებს.
2013 წლის 11 ოქტომბერს, მიტროპოლიტი იობის წარდგენით, საქართველოს მართლმადიდებელი ეკლესიის წმინდა სინოდის მიერ მოხდა გამორჩევა მარნეულისა და ჰუჯაბის ეპისკოპოსად.[1] ხოლო 2013 წლის 23 ნოემბერს, გიორგობის დღესასწაულზე, მცხეთაში, სვეტიცხოვლის საკათედრო ტაძარში ეპისკოპოსად აკურთხა უწმიდესმა და უნეტარესმა, სრულიად საქართველოს კათოლიკოს-პატრიარქმა, მთავარეპისკოპოსმა მცხეთა-თბილისისა და მიტროპოლიტმა ბიჭვინთისა და ცხუმ-აფხაზეთისა ილია II-მ.[2]
იხილეთ აგრეთვე
[რედაქტირება | წყაროს რედაქტირება]რესურსები ინტერნეტში
[რედაქტირება | წყაროს რედაქტირება]- facebook.com // ალილო მარნეულში
- patriarchate.ge // გიორგი – მარნეულისა და ჰუჯაბის ეპისკოპოსი
- drevo-info.ru
სქოლიო
[რედაქტირება | წყაროს რედაქტირება]- ↑ წმიდა სინოდის სხდომის ოქმი 15/10/2013. დაარქივებულია ორიგინალიდან — 2015-12-27. ციტირების თარიღი: 2015-01-31.
- ↑ პატრიარქის სადღესასწაულო ქადაგება 23/11/2013. დაარქივებულია ორიგინალიდან — 2018-05-07. ციტირების თარიღი: 2015-01-31.
| |||||||