ანტონი (ბულუხია)
| მაღალყოვლადუსამღვდელოესობა, მიტროპოლიტი ანტონი (ბულუხია) 
| |||
| |||
|---|---|---|---|
| ეკლესია: | საქართველოს სამოციქულო ავტოკეფალური მართლმადიდებელი ეკლესია
| ||
| განათლება: | მოსკოვის სოფლის მეურნეობის ინსტიტუტი, მოსკოვის იურიდიული ინსტიტუტი, მცხეთის სასულიერო სემინარია | ||
| დაბადების სახელი: | მარკოზ სომონის ძე ბულუხია | ||
| დაბადება: | 7 მაისი, 1956 სოფელი ოჩხამური | ||
| ბერად აღკვეცა: | 1996 წლის 25 ოქტომბერი | ||
| დიაკვნად კურთხევა: | 1989 წლის 16 მარტი | ||
| მღვდლად კურთხევა: | 1989 წლის 26 აპრილი | ||
| ეპისკოპოსად კურთხევა: | 1996 წლის 10 ნოემბერი | ||
| მთავარეპისკოპოსობა ებოძა: | 2004 წლის 4 იანვარი | ||
| მიტროპოლიტობა ებოძა: | 2010 წლის 2 ივნისი | ||
მიტროპოლიტი ანტონი (ერისკაცობაში — მარკოზ სომონის ძე ბულუხია; დ. 7 მაისი, 1956, სოფელი ოჩხამური, ქობულეთის რაიონი) — საქართველოს მართლმადიდებელი ეკლესიის მღვდელმთავარი, ვანისა და ბაღდათის ეპარქიის მიტროპოლიტი. ანგელოზის დღე — 30 იანვარი [ძვ. სტ. 17 იანვარი] (ღირსი ანტონი დიდის ხსენება); კათედრა ბაღდათში, რეზიდენცია ვანსა და ბაღდათში.
ბიოგრაფია
[რედაქტირება | წყაროს რედაქტირება]მთავარეპისკოპოსი ანტონი, ერისკაცობაში მარკოზ სომონის ძე ბულუხია, დაიბადა 1956 წლის 7 მაისს ქობულეთის რაიონის სოფელ ოჩხამურში. 1973 წელს მარკოზ ბულუხიამ დაამთავრა ქუთაისის მუსიკალური საშუალო სკოლა-ინტერნატი. 1974-1976 წლებში იგი იმყოფებოდა საბჭოთა არმიის რიგებში. 1976-1982 წლებში სწავლობდა მოსკოვის სოფლის მეურნეობის ინსტიტუტში; ამავე დროს, 1980 წელს ჩააბარა მოსკოვის იურიდიულ ინსტიტუტში, რომელიც, მოსკოვის სოფლის მეურნეობის ინსტიტუტთან ერთად, 1982 წელს დაამთავრა და სწავლა 1987 წლიდან 1990 წლამდე მცხეთის სასულიერო სემინარიაში განაგრძო. 1989 წლის 16 მარტს დიაკვნად დაასხეს ხელი და ამავე წლის 26 აპრილს მღვდლად აკურთხეს. 1995 წელს დეკანოზის ხარისხი მიიღო, ხოლო ერთი წლის შემდეგ, 1996 წლის 25 ოქტომბერს ბერად აღიკვეცა და მეორე დღესვე, 26 ოქტომბერს არქიმანდრიტის ხარისხში იქნა აღყვანილი, რის შემდეგაც, იმავე წლის 11 ნოემბერს ეპისკოპოსად კურთხევა მოხდა და სახელად ანტონი ებოძა. 1999 წლიდან 2000 წლამდე მსჯავრდადებულებთან ურთიერთობის განყოფილების თავმჯდომარე იყო. მთავარეპისკოპოსის ხარისხი 2004 წელს მიიღო, ხოლო მიტროპოლიტის — 2010 წლის 2 ივნისს.
იხილეთ აგრეთვე
[რედაქტირება | წყაროს რედაქტირება]რესურსები ინტერნეტში
[რედაქტირება | წყაროს რედაქტირება]
| |||||||