ბუქარესტი

ვიკიპედიიდან

ქალაქი

ბუქარესტი
Bucureşti

დროშა	გერბი

ქვეყანა	რუმინეთი
სტატუსი	დედაქალაქი
კოორდ.	44°25′57″N 26°6′16″E / 44.4325, 26.10444
პირველწყარო	1459
ფართობი	228 კმ²
სიმაღლე	60 - 90 მ
მოსახლეობა	1,931,838 კაცი (2007)
სიმჭიდროვე	8,510 კაცი/კმ²
დროის სარტყელი	UTC+2, ზაფხულში UTC+3
ტელ. კოდი	+40 x1
ინდექსი	0xxxxx
ავტ. კოდი	B
საიტი	http://www.pmb.ro

ბუქარესტი ვიკისაწყობში

ბუქარესტი (რუმინ.: Bucureşti /bu.ku'reʃtʲ/) რუმინეთის დედაქალაქი და ქვეყნის ინდუსტრიული და კომერციული ცენტრია. მდებარეობას ქვეყნის სამხრეთ-აღმოსავლეთით, 44°25′N 26°06′E-ზე, მდინარე დამბოვიცას სანაპიროზე.

ქალაქი პირველად ნახსენებია 1459 წელს და რუმინეთის დედაქალაქი 1862 წელს გახდა. მას შემდეგ მან მრავალი ცვლილება განიცადა და რუმინეთის მასმედიის, კულტურისა და ხელოვნების ცენტრი ხდება. მისი ეკლექტური არქიტექტურა - ნაზავი ისტორიული, კომუნისტური და თანამედროვე არქიტექტურის - ნათლად ასახავს ქალაქზე ისტორიული მოვლენების გავლენას. ორ მსოფლიო ომს შორის პერიოდში ქალაქი აღმოსავლეთ ევროპის კულტურული მოვლენების ცენტრი იყო და ამგვარად მისი ელეგანტური არქიტექტურისა და გემოვნებიანი ელიტის გამო მას აღმოსავლეთის პარიზი, ან მცირე პარიზი შეარქვეს. ომმა, მიწისძვრებმა და ნიკოლაუ ჩაუშესკუს სისტემატიზაციის პროგრამამ ქალაქს იერი საკმაოდ შეუცვალა, თუმცა ბევრი რამ მაინც გადარჩა და ბოლო წლებში ქალაქი ისევ განიცდის ეკონომიკურ და კულტურულ ბუმს.

2002 წლის ცენზის მიხედვით ბუქარესტის მოსახლეობა იყო 1.921.751 სული ქალაქის ფარგლებში. აგლომერაციაში დაახ. 2,3 მილიონი ადამიანი სახლობს. ეკონომიკურად ბუქარესტი რუმინეთის ყველაზე მდიდარი ქალაქია და ასევე მნიშვნელოვანი ინდუსტრიული და საკომუნიკაციო ცენტრია.

ქალაქის ადმინისტრაციული სახელია ბუქარესტის მუნიციპალიტეტი (Municipiul Bucureşti), და ოლქის სტატუსი აქვს, რომლიეც თავის მხრივ ექვს სექტორად არის დაყოფილი.