ბეირუთი

ქალაქი ბეირუთი ბაირუთ بيروت ქვეყანა  ლიბანილიბანი სტატუსი დედაქალაქი კოორდინატები 33°53′13″ ჩ. გ. 35°30′47″ ა. გ. ქალაქის მერი აბდელ მუნიმ არისი ფართობი 19,8 კმ² მოსახლეობა 1,700,000 კაცი (2007) სიმჭიდროვე 12,500 კაცი/კმ² სასაათო სარტყელი UTC+2, ზაფხულში UTC+3 ოფიციალური საიტი www.beirut.gov.lb

ბეირუთი (არაბ. بيروت; ბაირუთ) — ლიბანის დედაქალაქი და უდიდესი ქალაქი. მასში ცხოვრობს მთელი ლიბანის მოსახლეობის ნახევარი. გაშენებულია ნახევარკუნძულ რასზე და მიმდებარე ტერიტორიაზე. პირველი დასახლება ჩნდება სავარაუდოდ ძვ. წ. 1700 წელს, ხოლო უკვე ძვ. წ. 1500–დან იგი მოიხსენიება როგორც ფინიკიელთა ერთ–ერთი მეტროპოლია. ბეირუთი იყოფა ადმინისტრაციულ უბნებად – აშრაფიათი, დარ ალ–მურასი, ბეშურა, მაზრა, მადავარი, ნავსადგურის უბანი, არ–რასი (თავი), ჰუსნა, მუსათბათი, რუმაილი, საიფი და ალ–ბილათი. ბეირუთის მფარველ წმინდანად ლიბანელი ქრისტიანები მიიჩნევენ წმინდა გიორგის. ბეირუთი დაიყოფა სამ ძირითად ნაწილად – დასავლეთ ბეირუთი, სადაც უმრავლესობა მუსლიმია, აღმოსავლეთ ბეირუთი, სადაც უმეტესადქრისტიანები ცხოვრობენ და ე.წ. სამხრეთ გარეუბანი, სადაც ცხოვრობენ ბეირუთელი შიიტები და აქვეა პალესტინელ ლტოლვილთა ცნობილი ბანაკები საბრა და შატილა.