ლისი (მცხეთის მუნიციპალიტეტი)

ლისი
სოფელი
	ლისი;
ქვეყანა	საქართველო
მხარე	მცხეთა-მთიანეთის მხარე
მუნიციპალიტეტი	მცხეთის მუნიციპალიტეტი
თემი	ლისი
კოორდინატები	41°45′24″ ჩ. გ. 44°40′22″ ა. გ. / 41.75667° ჩ. გ. 44.67278° ა. გ.
ცენტრის სიმაღლე	820 მ
მოსახლეობა	598 კაცი (2014)
ეროვნული შემადგენლობა	ქართველები (98,7 %)
სასაათო სარტყელი	UTC+4
სატელეფონო კოდი	+995
	ლისი ვიკისაწყობში

სხვა მნიშვნელობებისთვის იხილეთ ლისი (მრავალმნიშვნელოვანი).

ლისი — სოფელი საქართველოში, მცხეთის მუნიციპალიტეტში, თემის ცენტრი (ბევრეთი, მუხათწყარო, მსხალდიდი, ქვემო ლისი, ძალანთხევი, წოდორეთი ).^[1] მდებარეობს თრიალეთის ქედის აღმოსავლეთ კალთაზე, ლისის ტბის დასავლეთით, ზღვის დონიდან 800 მ, მცხეთიდან 25 კმ.

ისტორია[რედაქტირება | წყაროს რედაქტირება]

საბჭოთა პერიოდში მოქმედებდა დიღმის მერძევეობა-მებოსტნეობოს მეურნეობა, ბიბლიოთეკა. ლისის სასოფლო საბჭოში შემავალი სოფლები ლელობი და ტაბარუკი დაიცალა მოსახლეობისგან, ხოლო აგარაკი და თხინვალა შეუერთდა თბილისს.

წერილობით წყაროებში ლისი XVI საუკუნიდან იხსენიება. 1523 წელს დათარიღებული სიგელის მიხედვით სოფელი ბარათაშვილების საგვარეულო საკუთრებაა. 1578 წელს ოსმალთა შემოსევის შემდეგ მოსახლეობის ნაწილი აიყარა და ხიზნად წავიდა. 1625 წელს ლისი თბილისის ციხეში მყოფმა ყიზილბაშთა გარნიზონმა დაარბია. გადასწვა სახლები და დიდი ნადავლი ჩაიგდო ხელში. ლისიდან გაბრუნებულ მტრის რაზმს მოულოდნელად თავს დაესხა გიორგი სააკაძე 60 კაცით. ამ ბრძოლაში მტერმა შვიდასამდე კაცი დაკარგა და სასტიკი მარცხი განიცადა. XIX საუკუნის 40-იანი წლებიდან ლისი თარხან-მოურავების საგვარეულო საკუთრებაში გადავიდა.