Wish You Were Here (ალბომი)

ვიკიპედიიდან

Wish You Were Here
Wish You Were Here
გამოცემის თარიღი	15 სექტემბერი, 1975
ჩაწერის თარიღი	იანვარი-ივლისი, 1975, ები როუდის სტუდია
ჟანრი	პროგრესიული როკი
ხანგრძლივობა	44 წთ 28 წმ
ლეიბლი/ები	Harvest (ბრიტანეთი) EMI (მეორე ბრიტანული გამოცემა) Columbia (აშშ) Capitol (მეორე აშშ გამოცემა)
პროდიუსერ(ებ)ი	პინკ ფლოიდი
ქრონოლოგია: პინკ ფლოიდი
A Nice Pair (1973)	Wish You Were Here (1975)	Animals (1977)
ალტერნატიული ყდა
ალბომის ყდა, კომპაქტ დისკი
გრამფირფიტა
ალბომის კონვერტი ტექსტებით, გრამფირფიტა

Wish You Were Here (ინგ.: ნეტავი აქ იყო) არის ჯგუფ "პინკ ფლოიდის" კონცეფტუალური ალბომი. იგი ჩაწერილი იქნა ები როუდის სტუდიაში, 1975 წლის იანვარში-ივლისში. მოგვიანებით ბევრმა მსმენელმა დაასახელა იგი პინკ ფლოიდის საუკეთესო ალბომების რიცხვში, თავად დისკმა კი #209 ადგილი დაიკავა ჟურნალ როლინგ სტოუნის ყველა დროის 500 საუკეთესო ალბომის სიაში. აღსანიშნავია ალბომის ტექსტები, რომლებიც მუსიკალურ ინდუსტრიას ეხება, კითხვის ნიშნის ქვეშ აყენებს ხმისჩამწერი კომპანიების პასუხისმგებლობას და ხაზს უსვამს მათ გულგრილობას მუსიკოსის პიროვნების მიმართ, ამტკიცებს რა, რომ კომპანიებს მხოლოდ ფული ადარდებთ. ალბომში აგრეთვე არის აშკარა მინიშნებები სიდ ბარეტის, პინკ ფლოიდის ყოფილი გიტარისტისა და სიმღერების ავტორის პიროვნებაზე, განსაკუთრებით ეს შეიმჩნევა სიმღერის "Shine On You Crazy Diamond" ტექსტში.

სექციების სია 1 ალბომი 2 ალბომის გაფორმება 3 სიდ ბარეტის ვიზიტი 4 გამოხმაურება პრესაში 5 სიმღერები 6 სინგლები 7 მუსიკოსები 8 დამატებითი ბმულები

[რედაქტირება] ალბომი

ალბომმა The Dark Side of the Moon პინკ ფლოიდს დიდი წარმატება მოუტანა, მაგრამ ამის შემდეგ მუსიკოსები ღელავდნენ იმაზე თუ როგორ უნდა შექმნან მისი დონის შედევრი. მცირე ხნის განმავლობაში ისინი ატარებდნენ ექსპერიმენტებს პროექტის Household Objects ფარგლებში, მაგრამ საბოლოოდ, სხვა მუსიკალურ მასალას მიმართეს. ჯგუფმა დაწერა სამი სიმღერა, "Shine On You Crazy Diamond," "You Gotta Be Crazy" და "Raving and Drooling". ამასობაში, "Shine On"-მა უფრო ვრცელი სახე მიიღო და ვინილის დისკის ერთ მხარეს აღარ ეტეოდა. უოტერსის მოთხოვნით, იგი ორ ნაწილად გაიყო, შუალედში კი ჩაისვა სამი სიმღერა. "You Gotta Be Crazy" და "Raving and Drooling" მოგვიანებით შეიტანეს ალბომში Animals, სხვა სახელწოდებებით ("Dogs" და "Sheep"), ხოლო ალბომისათვის გამოიყენეს სასათაურო სიმღერა "Wish You Were Here" და ორი, ბიზნესის მაკრიტიკებელი "Welcome to the Machine" და "Have a Cigar".

ალბომი აგრეთვე აღსანიშნავია რამდენიმე ფაქტის გამო. ეს იყო უკანასკნელი ალბომი (სანამ არ გამოიცა The Division Bell), რომელზეც სიმღერების ავტორებში ნახსენებია რიჩარდ რაიტი. ეს აგრეთვე იყო უკანასკნელი დისკი, რომელზეც აქტიურად მუშაობდა ჯგუფის ოთხივე წევრი. როგორც ეტყობა, სწორედ ამიტომ, რადიოგადაცემაში In the Studio with Redbeard დევიდ გილმორმა და რიჩარდ რაიტმა ახსენეს, რომ Wish You Were Here მათი საყვარელი ალბომია.

[რედაქტირება] ალბომის გაფორმება

თავდაპირველი გამოცემა ვინილის დისკზე წარმოდგენილი იყო შავი კონვერტის სახით. ეს იდეა არ მოეწონა ხმისჩამწერ კომპანიებს და მათ კონვერტი ჩასვეს გამჭვირვალე პოლიეთილენის პაკეტში, რომელზეც დაკრული იყო ალბომის ერთგვარი ლოგო - ორი მექანიკური ხელი ბუნების ოთხი სტიქიის (მიწა, ჰაერი, ცეცხლი, წყალი) ფონზე.

შავ კონვერტში იდო ალბომის ნამდვილი კონვერტი - თეთრი მუყაოსგან დამზადებული, რომელსაც ჰქონდა ოდნავ დამწვარი ქაღალდის სახე, ხოლო მთავარ ფოტოსურათზე გამოსახული იყო აალებული ბიზნესმენი, რომელიც ხელს ართმევს მის ანარეკლს. შიდა ყდაზე წარმოდგენილი იყო დამატებითი ელემენტები: უსახური გამყიდველი, რომელიც ყიდის პინკ ფლოიდის პროდუქციას უდაბნოში (მიწა); ქალის შიშველი ფიგურა ჰაერში, რომელიც დამალულია წითელ ალამში (ჰაერი); მოცურავე, რომელიც ხტება მდინარეშე, მაგრამ არ ტოვებს შხეფებს (წყალი).

კომპანიამ Columbia ვინილის დისკი გამოსცა განსხვავებული სახით. მასზე, დამწვარი ბიზნესმენი უფრო მხრებში გამართული იდგა, ვიდრე წინ დახრილი. Columbia-მ უფრო ცნობილი ფოტო გამოიყენა მხოლოდ 1984 წლის კომპაქტ დისკის გამოცემაზე და ამ სტილს იცავდა შემდგომ გამოცემებშიც. საინტერესოა, რომ ალბომის ვინილის გამოცემაში შიშველი ქალი უფრო გამოკვეთილად ჩანს, ვიდრე კომპაქტ დისკის ბუკლეტზე. აგრეთვე კომპაქტ დისკის ბუკლეტზე მოცურავის ფოტო უფრო დიდია და უფრო მეტი გორაკი ჩანს, ხოლო დამატების სახით ბუკლეტს ახლავს ჯგუფის სტუდიური ფოტოები.

[რედაქტირება] სიდ ბარეტის ვიზიტი

ნიკ მეისონის წიგნის Inside Out: A Personal History of Pink Floyd თანახმად, სიდ ბარეტი სტუდიაში 1975 წლის 6 ივნისს გამოჩნდა. ამას აგრეთვე ხაზს უსვამს ნიკოლას შეფნერის წიგნი Saucerful of Secrets: The Pink Floyd Odyssey. იმავე დღეს, დევიდ გილმორსა და მის საცოლეს, ჯინჯერს ნიშნობა ჰქონდათ, თუმცა 2003 წლის ფილმში The Pink Floyd and Syd Barrett Story უარყოფს, თითქოს ეს ცერემონია იმავე დღეს შედგა.

ჯგუფის არც ერთ წევრს ხუთი წლის განმავლობაში ბარეტი არ უნახავს. იგი სრულიად მოულოდნელად გამოცხადდა და ყველა შეაშინა თავისი ახალი იერით - იგი იყო საოცრად მსუქანი, თმაგაპარსული და წარბეგაპარსული. თავდაპირველად იგი არავინ იცნო. მაგრამ უოტერსმა ეს ყველაზე ადრე მოახერხა. ერთ-ერთი სიმღერის (როგორც ეტყობა, "Shine On You Crazy Diamond") მოსმენისას ბარეტი გაუნძრევლად იჯდა, ისმენდა ყველაფერს, ხოლო მას შემდეგ, რაც ვიღაცამ ითხოვა სიმღერის კიდევ ერთხელ ჩართვა, სიდმა იკითხა: "რატომ, თქვენ ხომ უკვე მოისმინეთ?".

გარდა ამისა, ბარეტმა იკითხა, შეუძლია თუ არა რამე სახის დახმარება გაუწიოს ჯგუფს, თუმცა, რა თქმა უნდა, მისი შემოთავაზება არავინ გამოიყენა. მოგვიანებით, ჯგუფის ტექნიკოსს, ფილ ტეილორს იგი დერეფანში შეხვდა და იკითხა, სად არის ლიფტი. უფრო მოგვიანებით მან თავი ამოჰყო გილმორის ნიშნობაზე, ბევრი იცინა, ყველა გააკვირვა და გაქრა მხოლოდ მაშინ, როდესაც ერთ-ერთ დამსწრეს იგი კრიშნაიტი ეგონა. გილმორის თქმით, იმ დღის შემდეგ მას სიდი არ უნახავს, ხოლო უოტერსი იხსენებს, რომ მან შემთხვევით დაინახა სიდი "ჰეროდსის" მაღაზიაში, თუმცა მასთან არ მისულა. ბარეტისადმი კიდევ ერთი მიძღვნის სახით, ალბომის ფინალში რაიტი უკრავს რამდენიმე ნოტს სიმღერიდან "See Emily Play".

[რედაქტირება] გამოხმაურება პრესაში

2007 წელს გერმანიის ერთ-ერთმა ცნობილმა რადიოსადგურმა WDR 2, მსმენელთა გამოკითხვის შემდეგ Wish you were here was შეიტანა ყველა დროის 200 საუკეთესო ალბომის სიაში, #1 ადგილზე 1998 წელს, ჟურნალ Q-ს მკითხველებმა ალბომი თავისი საყვარელი ალბომების სიის #34 ადგილზე შეიტანეს. 2000 წელს იმავე ჟურნალმა დისკი ყველა დროის 100 საუკეთესო ბრიტანული ალბომის სიის #43 ადგილზე მოაქცია.

[რედაქტირება] სიმღერები

ყველა ტექსტის ავტორი - როჯერ უოტერსი. 

[რედაქტირება] სინგლები

• (1975) Have a Cigar / Welcome to the Machine (აშშ გამოცემა)
• (1975) Have a Cigar / Shine On You Crazy Diamond (ნაწილი 1) (იტალია და საფრანგეთი)

[რედაქტირება] მუსიკოსები

• დევიდ გილმორი – ვოკალი, გიტარა, ლეპ სტილ გიტარა, სინთეზატორი EMS Synthi AKS, ბას გიტარა, კლავიშები, ხმის ეფექტები

• როჯერ უოტერსი – ვოკალი, ბას გიტარა, სინთეზატორი VCS3, ხმის ეფექტები
• რიჩარდ რაიტი – ვოკალი, სინთეზატორი VCS3, კლავიშები
• ნიკ მეისონი – დასარტყამები, პერკუსია, ხმის ეფექტები
• როი ჰარპერი – ვოკალი სიმღერაში "Have a Cigar"
• დიკ პერი – საქსოფონი სიმღერაში "Shine On You Crazy Diamond"
• მაიკლ ბუფანდო – დამატებითი საქსოფონი სიმღერაში "Shine On You Crazy Diamond"
• ვენეტა ფილდსი – დამატებითი ვოკალი სიმღერაში "Shine On You Crazy Diamond"
• კარლენა უილიამსი – დამატებითი ვოკალი სიმღერაში "Shine On You Crazy Diamond"
• სტეფანი გრაპელი – ვიოლინო სიმღერაში "Wish You Were Here" (საბოლოო ვერსიაში ვიოლინო არ ისმის)

[რედაქტირება] დამატებითი ბმულები

• ალბომის ტექსტები და ფაქტები

ხ • გ • რ პინკ ფლოიდი როჯერ უოტერსი • დევიდ გილმორი • ნიკ მეისონი • რიჩარდ რაიტი • სიდ ბარეტი • ბობ კლოუზი სტუდიური ალბომები The Piper at the Gates of Dawn • A Saucerful of Secrets • Ummagumma • Atom Heart Mother • Meddle • The Dark Side of the Moon • Wish You Were Here • Animals • The Wall • The Final Cut • A Momentary Lapse of Reason • The Division Bell საკონცერტო ალბომები Ummagumma • Delicate Sound of Thunder • P•U•L•S•E • Is there anybody out there? The Wall Live 1980-1981 კრებულები Relics • A Nice Pair • Masters of Rock • A collection of great dance songs • Works • Shine On • The Early Singles • 1967: The First Three Singles • Echoes - The best of Pink Floyd • Oh, by the Way მუსიკა ფილმებიდან Tonite Let's All Make Love in London • More • Zabriskie Point • Obscured by Clouds სინგლები Arnold Layne • Flaming • See Emily Play • Apples and Oranges • It Would Be So Nice • Let There Be More Light • Point Me at the Sky • The Nile Song • One of These Days • Free Four • Money • Us and Them • Time • Have a Cigar • Another Brick in the Wall (ნაწილი 2) • Comfortably Numb • Run Like Hell • When the Tigers Broke Free • Not Now John • Learning To Fly • On the Turning Away • One Slip • Time (საკონცერტო) • Comfortably Numb (საკონცერტო) • Take It Back • High Hopes • Wish You Were Here (საკონცერტო) საკონცერტო ტურები 1968 წლის ევროპული ტური • 1972-1973 წლების ტური Dark Side Of The Moon • 1974 წლის ტური • 1975 წლის ტური • 1977 წლის ტური In The Flesh • 1980-1981 წლების ტური The Wall • 1987-1989 წლების ტური A Momentary Lapse of Reason • 1994 წლის ტური The Division Bell • სხვა კონცერტები დაკავშირებული სტატიები დისკოგრაფია • ფილმოგრაფია • იშვიათი მასალა • Sigma 6