ბაილეთი

მასალა ვიკიპედიიდან — თავისუფალი ენციკლოპედია
Jump to navigation Jump to search
სოფელი
ბაილეთი
Ozurgeti.png
ქვეყანა საქართველოს დროშა საქართველო
მხარე გურიის მხარე
მუნიციპალიტეტი ოზურგეთის მუნიციპალიტეტი
თემი ბაილეთი
კოორდინატები 41°58′27″ ჩ. გ. 41°57′42″ ა. გ. / 41.97417° ჩ. გ. 41.96167° ა. გ. / 41.97417; 41.96167
დაარსდა 1609
ადრეული სახელები განახლება (1938-1979)
ცენტრის სიმაღლე 60
მოსახლეობა 274 კაცი (2014)
ბაილეთი — საქართველო
ბაილეთი
ბაილეთი — გურიის მხარე
ბაილეთი

ბაილეთი (ყოფ. განახლება) — სოფელი ოზურგეთის მუნიციპალიტეტში, თემის ცენტრი (ახალსოფელი, ჭანიეთური). მდებარეობს ნასაკირალის სერის ჩრდილოეთ კლათაზე, მდინარე სუფსის მარცხნივ, ზღვიის დონიდან 60 მ. ოზურგეთიდან 9 კმ. სოფელში არის საჯარო სკოლა.[1]

ისტორია[რედაქტირება | წყაროს რედაქტირება]

ბაილეთი გურიის სამთავროს მნიშვნელოვან ცენტრს წარმოადგენდა. აქ მდებარეობდა გურიელთა სასახლე და გვიანშუასაუკუნეების ციხე-სიმაგრე, ასევე 1609 წელს აგებული ბაილეთის ეკლესია. ბაილეთი შედიოდა გურიანთის სასოფლო საზოგადოებაში და ეკუთვნოდა გურიელებს, ხოლო გამოღმა ბაილეთი გვიან ფეოდალურ ხანაში წარმოადგენდა ნაკაშიძეების სამფლობელოს.[2]

გურიანთას გამოეყო 1938 წელს და ჩამოყალიბდა ცალკე სასოფლო საბჭოდ, რომელსაც განახლება ეწოდა. 1950-იან წლებში სოფელში ამოქმედდა მცირე ელექტროსადგური და ჩაის ფაბრიკა[3] 1979 წელს დაუბრუნდა ძველი სახელი. 1958-60 წლებში სოფელში გაყვანილ იქნა წყალსადენი, მოხდა სოფლის ელექტროფიკაცია, აშენდა ბიბლიოთეკა.

მოსახლეობა[რედაქტირება | წყაროს რედაქტირება]

აღწერის წელი მოსახლეობა კაცი ქალი
1893[4] 1374
2002 Decrease2.svg 626
2014 Decrease2.svg 274 137 137

ცნობილი ადამიანები[რედაქტირება | წყაროს რედაქტირება]

სოფელში დაიბადა ჟურნალისტი და მწერალი იასე რაჭველი.

ისტორიული ძეგლები[რედაქტირება | წყაროს რედაქტირება]

Searchtool-80%.png მთავარი სტატია : ბაილეთის ეკლესია.

სოფლის ტერიტორიაზე დგას შუა საუკუნეების ციხის გალავანი და 1609 წლის ეკლესია. ბაილეთის ეკლესია მამათისა და ჩეხედანას ეკლესიებთან ერთად იერუსალიმის უფლის საფლავისთვის იყო შეწირული. ეკლესია ნაგებია აგურითა და ნახეთქი ქვით. 1827 წ. ეკლესიას დაადგეს თლილი ქვის გუმბათი და მოხატეს. ეკლესიის აღმოსავლეთ ნაწილი სამწახნაგოვანი ნახევარწრის ფორმისაა. მხატვრობა შეიცავს გურიელების გვარის წარმომადგენელთა პორტრეტებს.

ლიტერატურა[რედაქტირება | წყაროს რედაქტირება]

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. საჯარო სკოლების მონაცემთა ბაზა
  2. ო. სოსელია, „ნარკვევები ფეოდალური ხანის დასავლეთ საქართველოს სოციალურ-პოლიტიკური ისტორიიდან“, გვ. 165 — თბილისი, 1981 წ.
  3. შ. ზაქარიაძე, „ახალმშენებლობანი განახლებაში“, გაზეთი „ლენინის დროშა“, N111 გვ. 4 — 1951 წ.
  4. Кавказский календарь на 1894 год გვ. 340