ძირიჯუმათი

სოფელი
ძირიჯუმათი
სოფლის ხედი ჯუმათის მონასტრიდან
ქვეყანა	საქართველო
მხარე	გურიის მხარეგურიის მხარე
მუნიციპალიტეტი	ოზურგეთის მუნიციპალიტეტი
თემი	ჯუმათი
კოორდინატები	42°01′08″ ჩ. გ. 41°58′50″ ა. გ.
ფართობი	10 კმ²
ცენტრის სიმაღლე	100 მ
მოსახლეობა	189 კაცი (2014)
სიმჭიდროვე	18,9 კაცი/კმ²
ეროვნული შემადგენლობა	ქართველები 99,5 %
სასაათო სარტყელი	UTC+4
სატელეფონო კოდი	+995
ძირიჯუმათი ვიკისაწყობში

ძირიჯუმათი — სოფელი ოზურგეთის მუნიციპალიტეტში, ჯუმათის თემში. მდებარეობს მდინარე სუფსის მარჯვნივ, ზღვის დონიდან 100 მ. ჯუმათიდან 3 კმ, ოზურგეთიდან 17 კმ. საბჭოთა პერიოდში განვითარებული იყო მეჩაიეობა.

ისტორია

1846-1848 წლებში ჯუმათის მონასტერთან მოქმედებდა გურიის სასულიერო სასწავლებელი. 1868 წელს მონასტერთან გაიხსნა ერთკლასიანი სკოლა, სკოლაში 80-ზე მეტი მოსწავლე სწავლობდა და სამაგალითოდ ითვლებოდა. სოფელში ასევე გაიხსნა სიმინდის მაღაზია, მაგრამ 1880-იან წლებში სკოლაც და მაღაზიაც დაიხურა. დანაშაულმა კი იმატა.

მონასტერი

ჯუმათის ეკლესია

სოფლის განაპირას დგას განვითარებული შუა საუკუნეების სამონასტრო კომლექსი, ყოფილი ჯუმათის საეპისკოპოსოს ცენტრი, რომელიც მოიცავს მიქაელ და გაბრიელ მთავარანგელოზთა სახელობის საკათედრო ტაძარს, გალავანს და სამეურნეო დანიშნულების ნაგებობებს. ეკლესია შუა საუკუნეებისაა, ფრესკები XVI-XVIII ს.ს. თარიღდება. ეკვდერი და კარიბჭე 1847 წელს მიაშენეს, ხოლო გალავანში ჩაშენებული სამრეკლო 1904 წლისაა.

მოსახლეობა

აღწერის წელი	მოსახლეობა	კაცი	ქალი
2002	170
2014	189	99	90

ლიტერატურა

• ქართული საბჭოთა ენციკლოპედია, ტ. 11, თბ., 1987. — გვ. 277.
• „ძეგლის მეგობარი“, №. 10-11, თბ., 1967 წელი.
• ბაქრაძე, დ . [1878] (1987). არქეოლოგიური მოგზაურობა გურიასა და აჭარაში. ბათუმი: „საბჭოთა აჭარა“.