მზიანი

სოფელი
მზიანი
ქვეყანა	საქართველო
მხარე	გურიის მხარეგურიის მხარე
მუნიციპალიტეტი	ოზურგეთის მუნიციპალიტეტი
თემი	ასკანა
კოორდინატები	41°58′45″ ჩ. გ. 42°09′30″ ა. გ.
ადრეული სახელები	ფიჩხისჯვარი
ფართობი	6 კმ²
ცენტრის სიმაღლე	160 მ
მოსახლეობა	263 კაცი (2014)
სიმჭიდროვე	43,8 კაცი/კმ²
ეროვნული შემადგენლობა	ქართველები 100 %
სასაათო სარტყელი	UTC+4
სატელეფონო კოდი	+995
მზიანი ვიკისაწყობში

მზიანი (ყოფ. ფიჩხისჯვარი) — სოფელი საქართველოში, გურიის მხარის ოზურგეთის მუნიციპალიტეტში, ასკანის თემში (სოფლები: ასკანა, დაბალი ეწერი, მზიანი). მდებარეობს მდინარე ყურეფას მარცხნივ, ზღვის დონიდან 160 მ. ასკანიდან 6 კმ., ოზურგეთიდან 20 კმ. მოსახლეობა ძირითადად მისდევს მეთხილეობას, მეცხოველეობასა და მეფრინველეობას, მოქმედებს მზიანის ჩაის ფაბრიკა. სოფელში დაიბადა პათოლოგიური ანატომიის ფუძემდებელი ვლადიმერ ჟღენტი.

ისტორია

სოფლის ძველი სახელია ფიჩხისჯვარი. 1922 წლის 26 მაისს სოფელ ფიჩხისჯვრის ცენტრში, ეკლესიის გალავანში გაიმართა მიტინგი ასკანის, ნაგომრის და ხიდისთავის მოსახლეობის მონაწილეობით საქართველოს დამოუკიდებლობის დღის აღსანიშნავად. მიტინგი საბჭოთა ხელისუფლებამ დაარბია, რასაც მოჰყვა მსხვერპლი. 1929 წელს დაიხურა სოფლის ეკლესია და მსახურება შეწყვიტა მღვდელმა ერმალო ჯაველიძემ.

დემოგრაფია

2014 წლის აღწერის მონაცემებით სოფელში ცხოვრობს 263 ადამიანი.

აღწერის წელი	მოსახლეობა	კაცი	ქალი
1908	233
2002	394	197	195
2014	263	122	141

ლიტერატურა

• ქართული საბჭოთა ენციკლოპედია, ტ. 6, თბ., 1983. — გვ. 659.