რაბატი

რაბატი
	გერბი
ქვეყანა	მაროკო
კოორდ.	34°02′00″ ჩ. გ. 6°50′00″ დ. გ. /
მოსახლეობა	650 000 კაცი (2010)
სიმჭიდროვე	5 300 კაცი/კმ²
ოფიციალური ვებ-გვერდი	www.rabat.ma

რაბატი (არაბ. الرباط‎‎, ფრანგ. Ville de Rabat; ესპ. Ciudad de Rabat) — მაროკოს სამეფოს დედაქალაქი და მესამე უმსხვილესი ქალაქი, რომლის მოსახლეობაც 2010 წლის მონაცემებით 650 000 ადამიანს შეადგენს. ასევე წარმოადგენს რაბატ-სალე-ზამურ-ზაერის რეგიონის დედაქალაქს.

ქალაქი მდებარეობს ატლანტის ოკეანის სანაპიროზე, მდინარე ბუ-რეგრერის შესართავთან. მოპირდაპირე, მდინარის გაღმა მხარეს მდებარეობს რაბატის მთავარი საძილე ქალაქი სალე. ტემარასთან ერთად, რაბატის აგლომერაციის მთლიანი მოსახლეობა 1,8 მილიონს აღწევს. რაბატსა და სალეში მნიშვნელოვანია ტექსტილის, კვებისა და კონსტრუქციების მრეწველობა. ტურიზმი და საზღვარგარეთის ქვეყნების საელჩოების განთავსება რაბატს ქვეყნის ერთ-ერთ უმნიშვნელოვანეს ქალაქად აქცევს.

რაბატამდე მიღწევის მთავარი საშუალებებია რკინიგზა და ახლოს მდებარე რაბატ-სალეს აეროპორტი.