მორონი

დედაქალაქი მორონი Moroni / موروني ქვეყანა  კომორის კუნძულებიკომორის კუნძულები კოორდ. -11.75,43.211°45′00″ ს. გ. 43°12′00″ ა. გ. დედაქალაქი 1962  წლიდან მოსახლეობა 60,200 კაცი (2003) დროის სარტყელი UTC+3

მორონი (ფრანგ. Moroni; არაბ.: موروني) — კომორის კუნძულების კავშირის დედაქალაქი. გაშენებულია მოზამბიკის სრუტეში, კუნძულ გრანდ-კომორის დასავლეთ სანაპიროზე. ქალაქის სიახლოვეს მდებარეობს ვულკანი კართალა (2361 მ). 2003 წლის აღწერის მონაცემებით ქალაქში ცხოვრობდა 60 200 ადამიანი. მორონი დააარსეს არაბებმა X საუკუნეში. X-XIX საუკუნეებში აქ არსებობდა მორონის სასულთნო. XVI საუკუნემდე ქალაქ განვითარებას განიცდიდა როგორც ნავსადგური. 1886 წლის 25 ივლისიდან 1912 წლამდე იყო ბამბაოს სასულთნოს დედაქალაქი. 1962 წლის 6 ივლისიდან 1975 წლამდე საფრანგეთის ზღვისიქითა ავტონომიური ტერიტორიის — კომორის კუნძულების დედაქალაქი საფრანგეთის კავშირის ფარგლებში, ხოლო 1975 წლის 6 ივლისიდან კომორის კუნძულების კავშირის დედაქალაქია.

ქალაქში ბევრია მეჩეთი. მთავარი ღირსშესანიშნავი ობიექტია — დიდი, ღია და კოლორიტული ბაზარი. არის საზღვაო პორტი და საიდ იბრაჰიმის სახელობის საერთაშორისო მნიშვნელობის აეროპორტი. ეკონომიკა ძირითადად ეფუძნება კვების მრეწველობას. მიმდინარეობს სასოფლო-სამეურნეო პროდუქციის გადამუშავება. ექსპორტზე გააქვთ ვანილი, კაკაო და ყავა. გაბატონებულია ტროპიკული ჰავა. განვითარებულია ტურიზმი. ბევრია პლაჟი.

რესურსები ინტერნეტში

• ქალაქი მორონი – ენციკლოპედია ბრიტანიკა (ინგლისური)