ასმერა
|
ქალაქი
ასმერა
ኣስመራ / أسمرا / Asmara
|
ასმერა (ტიგრ.: ኣስመራ ; არაბ.: أسمرا; ინგლ.: Asmara) — ერიტრეის დედაქალაქი და უდიდესი ქალაქი. 2009 წლის აღწერის მიხედვით ქალაქში ცხოვრობდა 648.530 კაცი, რაც შეეხება ასმერას აგლომერაციას, აქ ცხოვრობდა 1.175.348 კაცი. ასმერა მდებარეობს ზღვის დონიდან 2 325 მეტრ სიმაღლეზე. ეს დასახლება მდებარეობს ტექტონიკურად ერთ-ერთ ყველაზე აქტიურ რეგიონში, რომელიც მიეკუთვნება აღმოსავლეთ აფრიკის რღვევის ხაზს.
ქალაქი ასმერა შეიქმნა აქ არსებული ოთხი დასახლების გაერთიანების შედეგად. XII საუკუნისთვის გაიზარდა ამ დასახლების სავაჭრო ფუნქციები. ეს ტერიტორია მოგვიანებით იტალიის კოლონიას წარმოადგენდა, ასმერა გახდა იტალიური კოლონიის ადმინისტრაციული ცენტრი. იტალიელთა მმართველობის პერიოდში მნიშვნელოვნად შეიცვალა ქალაქის არქიტექტურა, სწორედ ამიტომ ასმერას ხშირად „პატარა რომსაც“ უწოდებდნენ. უკვე მოგვიანებით ერიტრეა და მათ შორის ასმერაც ეთიოპიის შემადგენლობაში შევიდა, ეთიოპიელთა მმართველობის დროს ასმერამ თავისი მნიშვნელობა დაკარგა. ერიტრეის დამოუკიდებლობის ომში, ამ ქალაქზე ეთიოპიელთა არაერთი შეტევა განხორციელდა.
ასმერა გამოირჩევა თავისი არქტიტექტურით. აქ მდებარეობს ერიტრეის ეროვნული მუზეუმი. აგრეთვე ამ დასახლებაში არის ასმერის უნივერსიტეტი. ქალაქიდან რამდენიმე კილომეტრში მდებარეობს საერთაშორის აეროპორტი, ერიტრეის დედაქალაქი სარკინიგზო ხაზის მეშვეობით უკავშირდება სხვადასხვა ქალაქს, მათგან აღსანიშნავია წითელი ზღვის სანაპირო ზოლში არსებული ქალაქი მასაუა.
რესურსები ინტერნეტში[რედაქტირება]
- History of Asmara
- JustinHillAuthor.com
- Eritrea In Pictures
- Ferrovia eritrea
- Eritrea
- Postcards and pictures of Italian Asmara
|
|||||||||||||
