ადის-აბება

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
ქალაქი
ადის-აბება
Addis Ababa / ኣዲስ ኣበባ
Addis Abeba City.jpg
ქვეყანა ეთიოპიის დროშა ეთიოპია
სტატუსი დედაქალაქი
კოორდინატები 9°38′ ჩ. გ. 38°42′ ა. გ. / 9.633° ჩ. გ. 38.700° ა. გ. / 9.633; 38.700
ფართობი 530.14 კმ²
სიმაღლე 2,355
მოსახლეობა 2,738,248 კაცი (2007)
სიმჭიდროვე 5,165.1 კაცი/კმ²
დროის სარტყელი UTC+3
ოფიციალური საიტი www.addisababacity.gov.et

ადის-აბება მდებარეობა ეთიოპია

Red pog.svg

ადის-აბებაეთიოპიის დედაქალაქი და უდიდესი ქალაქი. 2007 წლის მონაცემების მიხედვით ამ ტერიტორიაზე ცხოვრობდა 2,738,248 კაცი. ადის-აბებას ეთიოპიაში განსაკუთრებული სტატუსი აქვს მინიჭებული. სწორედ ამ ქალაქში არის აფრიკის კავშირის ადმინისტრაციის შენობა, აქვე 2002 წლამდე არსებობდა აფრიკის ერთობის შტაბ-ბინაც. სწორედ ამიტომ ხშირად ადის-აბებას „აფრიკის პოლიტიკურ დედაქალაქსაც“ უწოდებენ.

ქალაქი დაარსდა 1886 წელს იმპერატორ მენელიკ II-ის მმართველობის პერიოდში.

1936 წლის 5 მაისს იტალიამ ეთიოპიასთან წარმოებული ომის შედეგად შეძლო ქალაქის დაკავება. 1936 - 1941 წლებში ადის-აბება წარმოადგენდა იტალიის აღმოსავლეთ აფრიკის ადმინისტრაციულ ცენტრს. 1941 წელს მოხდა ქალაქის გათავისუფლება, ამ დროს ქვეყნის მმართველი იყო იმპერატორ ჰაილე სელასიე I.

ადის-აბება წარმოადგენს ეთიოპიის ადმინისტრაციულ, პოლიტიკურ და კულტურულ ცენტრს. ქალაქში განვითარებულია ტრანსპორტი, 2008 წელს გაიხსნა ტროლეიბუსის ხაზი. ქალაქის სიახლოვეს არის ბოლეს საერთაშორისო აეროპორტი, რომელიც ასრულებს მრავალ საერთაშორისო რეისს. ამ აეროპორტის გარდა აღსანიშნავია ლიდეტის აეროპორტიც, რომელიც ამჟამად გამოიყენება სამხედრო მიზნებისთვის. ადის-აბება სარკინიგზო ხაზით ქვეყნის სხვადასხვა მხარეს უკავშირდება. სარკინიგზო ხაზის მეშვეობით ხდება აგრეთვე ჯიბუტთან კავშირი.

ეთიოპიის დედაქალაქის ტერიტორიაზე მდებარეობს ქვეყნის ეროვნული მუზეუმი, აქ ინახება დღემდე მსოფლიოში აღმოჩენილი უძველესი ადამიანის ფრაგმენტები. აგრეთვე აღსანიშნავია ეთიოპიის ეროვნული ბიბლიოთეკა და ადის-აბების უნივერსიტეტი. ქალაქი განსაკუთრებული არქიტექტურული სტილით გამოირჩევა, აღსანიშნავია ქალაქის ტერიტორიაზე არსებული მრავალი ტაძარი.

ადის-აბება არის მსოფლიოში ერთ-ერთი ყველაზე მაღლა მდებარე დედაქალაქი. დასახლების ყველაზე დაბალი წერტილი ქალაქის სამხრეთით არის და მისი სიმაღლე შეადგენს, ზღვის დონიდან - 2.326 მეტრს, აქ მდებარეობს ბოლეს აეროპორტი. უმაღლესი წერტილია, მთა ენტოტო, რომელიც დასახლებული პუნქტის ჩრდილოეთით არის და მისი სიმაღლე 3000 მეტრს შეადგენს.

იხილეთ აგრეთვე[რედაქტირება]

რესურსები ინტერნეტში[რედაქტირება]

Commons-logo.svg
ვიკისაწყობში? არის გვერდი თემაზე: