მოგადიშო

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
ქალაქი
მოგადიშო
Maqadīshū
مقديشو
ქვეყანა სომალის დროშა სომალი
კოორდინატები 2°02′ ჩ. გ. 45°21′ ა. გ. / 2.033° ჩ. გ. 45.350° ა. გ. / 2.033; 45.350
დაარსდა XII საუკუნე
ფართობი 1 657 კმ²
მოსახლეობა 2 855 800 კაცი (2011)
დროის სარტყელი UTC+2, ზაფხულში UTC+3

მოგადიშო მდებარეობა სომალი

Red pog.svg

მოგადიშო (სომალ. Muqdisho; არაბ. مقديشو‎‎‎; იტალ. Mogadiscioშაჰის ქალაქი) — სომალის დედაქალაქი და უმსხვილესი ქალაქი. ქვეყნის ფინანსურ-ინდუსტრიული ცენტრი. მდებარეობს ბენადირის რეგიონში, ინდოეთის ოკეანის სანაპიროზე; საუკუნეთა განმავლობაში დიდ როლს ასრულებდა როგორც პორტი.

ძველი ჩანაწერები მოწმობენ, რომ სამხრეთ სომალიში და მათ შორის მოგადიშოს მიმდებარე ტერიტორიებზე მონადირე-შემგროვებელი ბუშმენთა ხალხები სახლობდნენ. შემდეგში მათ შეუერთდნენ მიწათმოქმედება-მესაქონლეობის მიმდევარი ქუშიტები, რომელთაც ადგილობრივი არისტოკრატია ჩამოაყალიბეს.[1][2] IX საუკუნის ბოლოსა და X საუკუნის დასაწყისში რეგიონში დასახლება იწყეს ასევე არაბმა და სპარსმა ვაჭრებმა.[3]

თავის ოქროს ხანაში, შუა საუკუნეებში მოგადიშოს სომალელი არაბი მუზაფარების დინასტია მართავდა, რომლებიც აჯურანის სახელმწიფოს ვასალები იყვნენ.[4] მოგვიანებით, კოლონიურ პერიოდში ქალაქი იტალიური სომალილენდის დედაქალაქი გახდა.

საიდ ბარეს რეჟიმის შემდეგ დატრიალებულ სამოქალაქო ომს მოგადიშოზე კონტროლის დასამყარებლად მრავალი ბრძოლა მოჰყვა. 2010 წლის ბოლოს ადმინისტრაციის შეცვლას ქალაქზე ფედერალური მთავრობის კონტროლის ზრდა მოჰყვა. 2011 წლის აგვიტოში, სამთავრობო ჯარებმა და AMISOM-ის ძალებმა წარმატებით განდევნეს ალ-შაბააბის რადიკალური ჯგუფი, რომელიც მანამდე ქალაქის გარკვეულ ტერიტორიას აკონტროლებდა. ამას მოგადიშოში სწრაფად მოჰყვა ინტენსიური სარეკონსტრუქციო სამუშაოები.[5]

რესურსები ინტერნეტში[რედაქტირება]

სქოლიო[რედაქტირება]

  1. Oliver, Roland Anthony; J. D. Fage (1960). „The Journal of African history“. The Journal of African history 1. წაკითხვის თარიღი: 11 August 2011. 
  2. (1953) „Man“. Man 53: გვ. 50–51. წაკითხვის თარიღი: 11 August 2011. 
  3. I.M. Lewis, Peoples of the Horn of Africa: Somali, Afar, and Saho, Issue 1, (International African Institute: 1955), p.47
  4. I.M. Lewis, The modern history of Somaliland: from nation to state, (Weidenfeld & Nicolson: 1965), p. 37
  5. Mulupi, Dinfin. Mogadishu: East Africa’s newest business destination?. წაკითხვის თარიღი: 26 June 2012.