კიგალი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
დედაქალაქი
კიგალი
Kigali
CentralKigali.jpg
ქვეყანა რუანდის დროშა რუანდა
კოორდინატები 1°56′38″ ს. გ. 30°03′34″ ა. გ. / 1.94389° ს. გ. 30.05944° ა. გ. / -1.94389; 30.05944
დაარსდა 1907
დედაქალაქი 1962  წლიდან
მოსახლეობა 965,398 კაცი (2009)
სიმჭიდროვე 1,165.8 კაცი/კმ²
ოფიციალური საიტი www.kigalicity.org

კიგალი მდებარეობა რუანდა

Red pog.svg

კიგალი (Kigali) — რუანდის დედაქალაქი (1962 წლის 1 ივლისიდან). მდებარეობს ქვეყნის ცენტრალურ ნაწილში, მდინარე რუგანუას ნაპირზე, 4 ბორცვზე, ზღვის დონიდან 1567 მ სიმაღლეზე. გერმანელი კოლონისტების მფლობელობის დროს 1895 წლიდან კიგალი გახდა სავაჭრო ცენტრი, ხოლო ბელგიელი კოლონისტების ეპოქაში (1919–1962) — რეგიონული ცენტრი. რუანდის დამოუკიდებლობის გამოცხადების პერიოდში გახდა რუანდის დედაქალაქი.

1994 წელს ჰუტუს ხალხისა და რუანდის არმიების მიერ კიგალში მოკლულ იქნა ათასობით ტუტსი ხალხი. მოსახლეობის დიდი ნაწილი მუსლიმანია. 2009 წლის აღწერის მონაცემებით ქალაქ კიგალში ცხოვრობდა დაახლოებით 1 მლნ. ადამიანი. ქალაქიდან ჩრდილოეთ-აღმოსავლეთით განლაგებულია სკვოტინგური დასახლებები, ხოლო სამხრეთ-აღმოსავლეთით ინდუსტრიული ზონებია.

ჰავა ეკვატორული მუსონურია. მშრალი სეზონი გრძელდება ივნისიდან სექტემბრამდე. საშუალო თვიური ტემპერატურები 20-იდან 21°C-მდეა. ატმოსფერული ნალექების რაოდენობა 1000 მმ-ზე მეტი წელიწადში. საავტომობილო გზით უკავშირდება ქალაქ ბუჟუმბურას (ბურუნდი). ქვეყნის მნიშვნელოვანი სავაჭრო ცენტრია (ყავა, ტყავი, მსხვილი რქოსანი საქონელი). ამუშავებენ ტყავს, ამზადებენ ფეხსაცმელს, ტანსაცმელს, თიხის ჭურჭელს, საოჯახო ნივთებს. კიგალის მიდამოებში გაშენებულია ყავის პლანტაციები, იღებენ კალას.

ქალაქის მახლობლად არის საერთაშორო მნიშვნელობის აეროპორტი და ტექნიკური კოლეჯი.

რესურსები ინტერნეტში[რედაქტირება]