ბართლომე I (კონსტანტინოპოლის პატრიარქი)

ბართლომე I
კონსტანტინოპოლის მთავარეპისკოპოსი და მსოფლიო პატრიარქი
ეკლესია	კონსტანტინოპოლის მართლმადიდებელი ეკლესია
საერო სახელი	დიმიტრიოს არხონტონისი
დაიბადა	12 მარტი, 1940 ( თურქეთი)
ეროვნება	ბერძენი
რელიგია	ქრისტიანობა

ბართლომე I (ბერძნ. Βαρθολομαίος Α', თურქ. Barfolomey I; ერისკაცობაში — დიმიტრიოს არხონტონისი, ბერძნ. Δημήτριος Αρχοντώνης) — კონსტანტინოპოლის 232–ე მთავარეპისკოპოსი და მსოფლიო პატრიარქი 1991 წლის 22 ოქტომბრიდან.

ბიოგრაფია

დაიბადა 1940 წლის 29 თებერვალს თურქეთის კუნძულ იმვროსზე;

დაწყებითი სკოლა დაამთავრა იმვროსზე, ხოლო საშუალო - სტამბოლში;

1961 წელს წარჩინებით დაასრულა ხალკის საღვთისმეტყველო სკოლა;

1961–1963 წწ. მსახურობდა თურქეთის არმიაში;

1961 წელს აღიკვეცა ბერად და ეწოდა ბართოლომეოსი;

1961 წლის 13 აგვისტოს ხელდასხმულ იქნა ბერდიაკვნად;

1963-1968 წწ. მსოფლიო საპატრიარქოს სტიპენდიით სწავლობდა რომის პონტიფიკოსის აღმოსავლეთმცოდნეობის ინსტიტუტში;

1968 წელს დაიცვა სადოქტორო დისერტაცია საეკლესიო სამართალში შვეიცარიის მსოფლიო საპატრიარქოს ინსტიტუტში თემაზე „წმიდა კანონებისა და კანონიკურ განწესებათა კოდიფიკაციისათვის მართლმადიდებელ ეკლესიაში“;

ამავე წელს დაინიშნა ხალკის საღვთისმეტყველოს სკოლის დეკანის თანაშემწედ;

1969 წლის 19 ოქტომბერს ხელი დაასხეს მღვდელმონაზვნად;

1972 წლიდან მუშაობდა პატრიარქის კაბინეტის გამგედ;

1973 წლის 25 დეკემბერს, ქრისტეშობის დღესასწაულზე ხელდასხმულ იქნა ფილადელფიის ეპარქიის მიტროპოლიტად;

1974 წელს აირჩიეს წმიდა სინოდის წევრად;

1990 წლის 14 იანვარს გადაყვანილ იქნა ქალკედონის სამიტროპოლიტო კათედრაზე;

ყოვლადუწმიდესი დიმიტრიოსის გარდაცვალების შემდეგ, 1991 წლის 22 ოქტომბერს კონსტანტინოპოლის საეკლესიო კრებამ ქალკედონიელი მიტროპოლიტი ბართოლომეოსი აირჩია მსოფლიო პატრიარქად. ამავე წლის 2 ნოემბერს სტამბულის ფანარის წმ. გიორგის საპატრიარქო ტაძარში მოხდა მისი აღსაყდრება;

ყოვლადუწმიდესი ბართოლომეოს I დაჯილდოებულია მრავალი ჯილდოთი, ორდენითა და პრემიით. არის არაერთი უნივერსიტეტის საპატიო დოქტორი, მათ შორის - თბილისისა და ბათუმის უნივერსიტეტებისა;

ფლობს ბერძნულ, თურქულ, ლათინურ, ფრანგულ, ინგლისურ, იტალიურ და გერმანულ ენებს;

მისი ინტრონიზაცია მოხდა 2 ნოემბერს.

ტიტული

ყოვლადუწმინდესი კონსტანტინოპოლის მთავარეპისკოპოსი და მსოფლიო პატრიარქი (ბერძნ. Η Αυτού Θειοτάτη Παναγιότης, ο Αρχιεπίσκοπος Κωνσταντινουπόλεως, Νέας Ρώμης και Οικουμενικός Πατριάρχης).

რესურსები ინტერნეტში

• ავტოკეფალური მართლმადიდებელი ეკლესიები და მათი მეთაურები
• კონსტანტინოპოლის მართლმადიდებელი ეკლესიის ოფიციალური საიტი

წინამორბედი: დიმიტრი

კონსტანტინოპოლის პატრიარქი 1991 – დღემდე

შემდეგი: -----