რივალდო

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
რივალდო
Rivaldo.jpg
რივალდო
პირადი მონაცემები
სრული სახელი რივალდო ვიტორ ბორბა ფერეირა
დაბადების
თარიღი
19 აპრილი, 1972 (1972-04-19) (43 წლის)
დაბადების
ადგილი
პაულისტა, ბრაზილია
სიმაღლე 1.86 სმ
სათამაშო
პოზიცია
შემტევი ნახევარმცველი
პროფესიონალური კარიერა
წლები გუნდი მატჩი (გოლი)
1991–1992 სანტა-კრუზი 4 (6)
1992–1994 მოჟი-მირინი 0 (0)
1993–1994 კორინთიანსი (იჯარით) 19 (11)
1994–1996 პალმეირასი 45 (21)
1996–1997 დეპორტივო ლა-კორუნია 41 (21)
1997–2002 ბარსელონა 157 (86)
2002–2004 მილანი 22 (5)
2004 კრუზეირო (იჯარით) 11 (0)
2004–2007 ოლიმპიაკოსი 70 (34)
2007–2008 აეკი 35 (12)
2008–2010 ბუნედკორი 53 (33)
2010–2011 მოჟი-მირინი 0 (0)
2011 სან-პაულუ (იჯარით) 30 (5)
2012 კაბუსკორპი 21 (11)
2013 სან-კაეტანო 7 (0)
2014 მოჟი-მირინი 1 (0)
სულ 505 (245)
ეროვნული ნაკრები
1992–1993 ბრაზილია 20 წლ. 9 (1)
1996 ბრაზილია 23 წლ. 5 (0)
1993–2003 ბრაზილია 74 (35)
† პროფესიულ კლუბებში ჩატარებული მატჩები და გოლები მოცემულია მხოლოდ ადგილობრივი ჩემპიონატის მონაცემებით.

რივალდო ვიტორ ბორბა ფერეირა (პორტ.-ბრაზ. Rivaldo Vítor Borba Ferreira; დ. 19 აპრილი 1972, პაულისტა, პერნამბუკუ) — ყოფილი ბრაზილიელი ფეხბურთელი. თამაშობდა შემტევი ნახევარმცველისა და თავდამსხმელის პოზიციაზე. ამჟამად მოჟი-მირინის პრეზიდენტი.

კარიერა[რედაქტირება]

რივალდომ თავისი კარიერა ბრაზიულ კლუბ სანტა-კრუზში დაიწყო. შემდეგ გადაბარგდა კლუბ მოჟი-მირინში, რომელიც ბრაზილიის ჩემპიონატის ქვედა დივიზიონში ასპარეზობდა. 1993 წელს რივალდო კორინთიანსის წარმომადგენლებმა შენიშნეს და კლუბში მიიწვიეს. საბოლოოდ ბრაზილიელი კორინთიანსში მხოლოდ 1 წელიწადს გაჩერდა, საიდანაც პალმეირასში გადაბარგდა. პალმეირასში ჩატარებული 104 მატჩში რივალდომ 53 ბურთის გატანა შეძლო და ბრაზილიის სერია A-ში გაიმარჯვა. 1996 წელს რივალდომ დატოვა სამშობლო და საბურთაოდ ევროპაში გაემგზავრა. რივალდოს კარგი თამაშით დეპორტივოს წარმომადგენლები დაინტერესდნენ. სწორედ აქედან იწყება რივალდოს აპოგეა. დეპორტივოში რივალდო დიდი მონდომებით თამაშობდა და ერთ სეზონში 21 ბურთის გატანა შეძლო. რივალდოს ასეთი კარგი თამაში და შედეგიანობა მხედველობაში არც კატალონიურ ბარსელონას გამორჩენია.

1997 წელს რივალდო კატალონიურმა ბარსელონამ შეიძინა. ბარსელონაში რივალდომ ბევრს მიაღწია, კლუბში მრავალი ჯილდო მოიგო და გულშემატკივართა დიდი სიყვარულიც დაიმსახურა. რივალდომ ბარსელონაში 5 წელი იასპარეზა. ჩაატარა 157 თამაში და გაიტანა 86 გოლი, რომელთაგან გადამწყვეტი არაერთი აღმოჩნდა კლუბისთვის. 1999 წელს რივალდომ ოქროს ბურთი მოიგო და გახდა ფიფა-ს წლის საუკეთესო ფეხბურთელი. ასევე მოიგო ორჯერ ჩემპიონატი და ერთხელ უეფას სუპერთასი.

რივალდოს ბარსელონას მთავარ მწვრთნელთან (ლუი ვან გალთან) არაერთხელ მოუვიდა კონფლიქტი. 2002 წელს რივალდომ დატოვა კატალონიური ბარსელონა და სათამაშოდ იტალიურ მილანში გადავიდა. რივალდომ იტალიაში ფეხი ვერ მოიკიდა. სულ მილანში ბრაზილიელმა 22 თამაში ჩაატარა და მხოლოდ 5-ჯერ მოახერხა მეტოქის კარის აღება. 2003 წელს რივალდო სამშობლოში ბრუნდება. თუმცა აქაც ცოტახნით ჩერდება. 2004 წლიდან 2007 წლებში რივალდო საბერძნეთის ჩემპიონატში თამაშობდა, ჯერ ოლიმპიაკოსის, ხოლო შემდეგ აეკის შემადგენლობაში. შემდეგ სათამაშოდ წავიდა უზბეკეთის ბუნეკდორში. 2011 წლის 22 იანვარს რივალდო იჯარით გადაბარგდა სან-პაულუში. საფეხბურთო კარიერა დაასრულა 2014 წელს მოჟი-მირინში.

ბრაზილიის ეროვნული ნაკრების შემადგენლობაში რივალდო ორჯერ მსოფლიო ჩემპიონატის მონაწილეა. პირველი მატჩი ეროვნული ნაკრების მაისურით ჩაატარა 1993 წლის 16 დეკემბერს მექსიკის წინააღმდეგ. უკანასკნელი კი — 2003 წლის 19 ნოემბერს ურუგვაის წინააღმდეგ.

საერთო ჯამში რივალდომ ბრაზილიის ეროვნულ ნაკრებში ჩაატარა 74 მატჩი და გაიტანა 34 გოლი. 2002 წლის მსოფლიო ჩემპიონატი ბრაზილიის ნაკრებმა გაიმარჯვა, რომლის შემადგენლობაში რივალდო მე-10 ნომრით ასპარეზობდა. ფინალში ბრაზილიამ გერმანიას სძლია ანგარიშით 2-0.

რესურსები ინტერნეტში[რედაქტირება]