კონმებოლი

კონმებოლი
შეიქმნა	9 ივლისი, 1916; 106 წლის წინ
ტიპი	სპორტული ფედერაცია
შტაბ-ბინა	ლუკე, პარაგვაი
მდებარეობა	25°15′38″ ს. გ. 57°30′58″ დ. გ. / 25.26056° ს. გ. 57.51611° დ. გ.
ემსახურება რეგიონს	სამხრეთი ამერიკა
წევრები	10 ეროვნული ასოციაცია
ენა	ესპანური ; პორტუგალიური
მდივანი	ხოსე ასტიგარაგა
პრეზიდენტი	ალეხანდრო დომინგესი
მშობელი ორგანიზაცია	ფიფა
თავმჯდომარე	Alejandro Domínguez
	ოფიციალური საიტი

კონმებოლი (ესპ. CONfederacion sudaMEricana de FutBOL, ასევე გამოიყენება აბრევიატურა CSF) — საფეხბურთო ორგანიზაცია, რომელიც აკონტროლებს სამხრეთ ამერიკულ ფეხბურთს და სამხრეთ ამერიკული ქვეყნების ფეხბურთის ფედერაციებს. მისი მოვალეობაა სხვადასხვა საკლუბო და სანაკრებო ტურნირების გამართვა და მათი ორგანიზება.

კონმებოლი დაარსდა 1916 წლის 9 ივლისს, ურუგვაელი ექტორ გომესის მოწადინებით. ასოციაციის პირველი წევრები არგენტინა, ბრაზილია, ურუგვაი და ჩილე გახდნენ. სწორედ მათი მონაწილეობით გაიმართა პირველი ოფიციალური სანაკრებო საფეხბურთო ტურნირი სამხრეთ ამერიკაში, რომელიც ჩატარდა ბუენოს-აირესში, არგენტინის დამოუკიდებლობის 100 წლისთავის აღსანიშნავად.

დღეს კონმებოლი ფიფა-ს წევრია, რომლის წევრებმა ცხრაჯერ მოიგეს მსოფლიო საფეხბურთო ჩემპიონატი (ხუთჯერ ბრაზილიამ, ორ-ორჯერ არგენტინამ და ურუგვაიმ). იგი მსოფლიოში უძველესი საფეხბურთო კონტინენტალური ასოციაციაა. მისი შტაბ-ბინა მდებარეობს პარაგვაიში, ქალაქ ლუკეში. ამჟამად კონმებოლის პრეზიდენტია პარაგვაელი ალეხანდრო დომინგეს უილსონ-სმითი.^[1]

კონმებოლის პრეზიდენტები[რედაქტირება | წყაროს რედაქტირება]

კონმებოლის შტაბ-ბინა ლუკეში, პარაგვაი

პრეზიდენტი	ქვეყანა	წლები
ექტორ რივადავია გომესი (ესპ. Héctor Rivadavia Gómez)	ურუგვაი	1916–1936
ლუის სალესი (ესპ. Luis O. Salesi)	არგენტინა	1936–1939
ლუის ვალენსუელა ერმოსილია (ესპ. Luis Valenzuela Hermosilla)	ჩილე	1939–1955
კარლოს დიტბორნი (ესპ. Carlos Dittborn Pinto)	ჩილე	1955–1957
ჟოზე რამოს დე ფრეიტასი (პორტ. José Ramos de Freitas)	ბრაზილია	1957–1959
ფერმინ სორეტა (ესპ. Fermín Sorhueta)	ურუგვაი	1959–1961
რაულ კოლომბო (ესპ. Raúl H. Colombo)	არგენტინა	1961–1966
ტეოფილო სალინას ფულერი (ესპ. Teófilo Salinas Fuller)	პერუ	1966–1986
ნიკოლას ლეოსი (ესპ. Nicolás Léoz)	პარაგვაი	1986–2013
ეუხენიო ფიგერედო (ესპ. Eugenio Figueredo)	ურუგვაი	2013–2014
ხუან ანხელ ნაპოუტი (ესპ. Juan Ángel Napout)	პარაგვაი	2014–2015
ვილმარ ვალდესი (ესპ. Wilmar Valdez)	ურუგვაი	2015–2016
ალეხანდრო დომინგესი (ესპ. Alejandro Domínguez)	პარაგვაი	2016–