გარი ლინეკერი

გარი ლინეკერი
	გარი ლინეკერი 2011 წელს
პირადი მონაცემები
სრული ; სახელი	გარი უინსტონ ლინეკერი
დაბადების ; თარიღი	30 ნოემბერი, 1960 (64 წლის)
დაბადების ; ადგილი	ლესტერი; ინგლისი
სიმაღლე	177 სმ
სათამაშო ; პოზიცია	თავდამსხმელი
ახალგაზრდული კარიერა
1976–1978	ლესტერ სიტი
პროფესიონალური კარიერა*
ეროვნული ნაკრები
	* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება;

გარი უინსტონ ლინეკერი (ინგლ. Gary Winston Lineker; დ. 30 ნოემბერი, 1960, ლესტერი, ინგლისი) — ინგლისელი ფეხბურთელი, თავდამსხმელი. სხვადასხვა დროს იცავდა „ლესტერ სიტის“, „ევერტონის“, „ბარსელონას“, „ტოტენჰემ ჰოტსპურის“, „ნაგოია გრამპუსისა“ და ინგლისის ეროვნული ნაკრების ღირსებას. ერთადერთი ფეხბურთელი, რომელმაც სამი სხვადასხვა კლუბის — „ლესტერ სიტის“ (1985), „ევერტონისა“ (1986) და „ტოტენჰემ ჰოტსპურის“ (1990) რიგებში მოიპოვა ინგლისის ჩემპიონატის საუკეთესო ბომბარდირის ტიტული.

1986 წლის მექსიკის მსოფლიო ჩემპიონატის საუკეთესო ბომბარდირი, 1990 წლის იტალიის მსოფლიო ჩემპიონატის, ასევე, 1988 წლის გერმანიისა და 1992 წლის შვედეთის ევროპის ჩემპიონატების მონაწილე ინგლისის ეროვნული ნაკრების შემადგენლობაში. ერთ-ერთი საუკეთესო თავდამსხმელი და ყველა დროის მესამე საუკეთესო ბომბარდირი ინგლისის ნაკრების ისტორიაში უეინ რუნისა და ბობი ჩარლტონის შემდეგ.

საფეხბურთო კარიერის დასრულების შემდეგ საქმიანობას აგრძელებს სპორტულ ჟურნალისტიკაში, როგორც სატელევიზიო სპორტული პროგრამების წამყვანი და საფეხბურთო მიმომხილველი. ბრიტანეთის სამაუწყებლო კორპორაციის, BBC-ის სპორტული განყოფილების (ინგლ. BBC Sport) რედაქციის მიერ მომზადებული მთავარი საფეხბურთო გადაცემის, ფეხბურთის გულშემატკივრებსა და სპეციალისტებს შორის მსოფლიოში ერთ-ერთი ყველაზე უფრო პოპულარული და რეიტინგული — „დღის მატჩის“ (ინგლ. Match of the Day) წამყვანი 1999 წლიდან.^[1]

2016 წლის 7 ნოემბერს ერთ-ერთი ყველაზე უფრო პოპულარული და მრავალტირაჟიანი ყოველკვირეული ბრიტანული გაზეთის The Daily Telegraph-ის სპორტული რედაქციის ფეხბურთის განყოფილების უფროსისა და მთავარი კორესპონდენტის, ჯეისონ ბარტის (ინგლ. Jason Burt) ავტორობით გამოქვეყნდა სია, სადაც წარმოდგენილი იყო დიდი ბრიტანეთის ფეხბურთის ისტორიაში ყველა დროის 20 საუკეთესო ფეხბურთელი. ამ სიაში ლინეკერი მე-14 ადგილს იკავებს — ჯორჯ ბესტის, ბობი ჩარლტონის, ბობი მურის, ჯონ ჩარლზის, სტენლი მეთიუზის, კენი დალგლიშის, ტომ ფინის, რაიან გიგზის, დენის ლოუს, ჯიმი გრივზის, გარეთ ბეილის, გორდონ ბენქსისა და გრემ სუნესის შემდეგ.^[2]

მთელი თავისი თექვსმეტწლიანი (1978–1994) საფეხბურთო კარიერის განმავლობაში მას არც საკლუბო და არც სანაკრებო დონეზე არასოდეს მიუღია ყვითელი ბარათი.^[3]

ინგლისური ფეხბურთის წინაშე თვალსაჩინო დამსახურებისათვის, მის განვითარებასა და პოპულარიზაციის საქმეში შეტანილი განსაკუთრებული წვლილის, ასევე, სპორტული მიღწევების აღიარების ნიშნად 2003 წელს შეიყვანეს ინგლისური ფეხბურთის მუზეუმის დიდების დარბაზში (ინგლ. National Football Museum Hall Of Fame).^[4]^[5]

ბიოგრაფია

დაიბადა 1960 წელს ლესტერში. მან კარიერა „ლესტერ სიტიში“ დაიწყო და 1985 წლამდე სწორედ ამ კლუბში თამაშობდა. შემდეგ 1985–86 წლების სეზონი „ევერტონში“ გაატარა, ხოლო 1986–89 წლებში „ბარსელონას“ რიგებში გამოდიოდა. 1989 წლიდან იგი ისევ ინგლისში დაბრუნდა და „ტოტენჰემ ჰოტსპურში“ განაგრძო თამაში და პროფესიონალური კარიერა სწორედ ამ კლუბში დაასრულა.

სანაკრებო კარიერა

1984–1992 წლებში იყო ინგლისის ეროვნული საფეხბურთო ნაკრების წევრი, რომლის შემადგენლობაში 80 მატჩი ითამაშა და 48 ბურთი გაიტანა.

მსოფლიო ჩემპიონატებზე

ლინეკერმა მსოფლიო ჩემპიონატების 12 შეხვედრაში მიიღო მონაწილეობა და 10 გოლი გაიტანა.^[6]^[7]^[8]

^{ჩემპ.}	^{მასპინძელი}	^№	^{პოზიცია}	^შ	^ბ	^მ	^ფ	^წ	^{შედეგი}
1986	მექსიკა	10	თავდამსხმელი	5	6	2	1	2	მეოთხედფინალი
1990	იტალია	10	თავდამსხმელი	7	4	3	3	1	მეოთხე ადგილი

მიღწევები

საკლუბო

ევერტონი

ინგლისის ვიცე-ჩემპიონი: 1986

ბარსელონა

ტოტენჰემ ჰოტსპური

ინგლისის ასოციაციის თასის მფლობელი: 1991

ინდივიდუალური

ინგლისის ჩემპიონატის საუკეთესო ბომბარდირი: 1985, 1986, 1990
მსოფლიო ჩემპიონატის საუკეთესო ბომბარდირი: 1986
ფიფა-ს ასეული (FIFA 100): 2004^[9]^[10]^[11]^[12]^[13]
ინგლისური ფეხბურთის მუზეუმის დიდების დარბაზის წევრი: 2003

ლიტერატურა

ფანჯიკიძე, გურამ (1987). მარადონა რეი : მსოფლიოს XIII ჩემპიონატის შთაბეჭდილებები. თბილისი: ნაკადული.
გოდუაძე, ლაშა (2010). მსოფლიო თასის ისტორია (1930–2010). თბილისი: გაზეთი „მსოფლიო სპორტი“.
Glanville, Brian (2018). The Story of the World Cup. London: Faber. ISBN 9780571325566
Squires, David (2016). The Illustrated History of Football. Sydney: Random House. ISBN 1780895585
Holt, Nick (2014). The Mammoth Book of the World Cup. London: Running Press Adult. ISBN 0762452242
Witzig, Richard (2006). The Global Art of Soccer. New Orleans, LA: Cusiboy Publishing. ISBN 0977668800

რესურსები ინტერნეტში

გარი ლინეკერი — ფიფა-ს ჩანაწერი
მოკლე ბიოგრაფია — IMDb-ს ჩანაწერი

Planet World Cup

National Football Teams

Soccerbase

საკლუბო სტატისტიკა

სქოლიო

[1] Lineker, still at the top // FIFA.com

[2] The United Kingdom's top 20 greatest ever footballers

[3] Gary Lineker's Factfile

[4] The National Football Museum Hall Of Fame

[5] Gary Lineker's Factfile // bbc.co.uk

[6] მსოფლიო ჩემპიონატი 1986 (სტატისტიკა)

[7] მსოფლიო ჩემპიონატი 1990 (სტატისტიკა)

[8] Gary Lineker in the World Cups

[9] The FIFA 100. theguardian.com.

[10] Pele's list of the greatest. news.bbc.co.uk.

[11] Pelé's Choice of 125 Living Players. RSSSF.

[12] Fifa names greatest list. news.bbc.co.uk.

[13] FIFA 100 – list of the 125 greatest living footballers in 2004 created by Pelé

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

პირადი მონაცემები
გარი ლინეკერი 2011 წელს
სრული სახელი	გარი უინსტონ ლინეკერი
დაბადების თარიღი	30 ნოემბერი, 1960 (1960-11-30) (64 წლის)
დაბადების ადგილი	ლესტერი ინგლისი
სიმაღლე	177 სმ
სათამაშო პოზიცია	თავდამსხმელი
ახალგაზრდული კარიერა
1976–1978	ლესტერ სიტი
პროფესიონალური კარიერა*
წლები	გუნდი	მატჩი	(გოლი)
1978–1985	ლესტერ სიტი	194	(95)
1985–1986	ევერტონი	41	(30)
1986–1989	ბარსელონა	103	(42)
1989–1992	ტოტენჰემი	105	(67)
1992–1994	ნაგოია გრამპუსი	18	(4)
სულ		461	(238)
ეროვნული ნაკრები
1984–1992	ინგლისი	80	(48)
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება