ლუის ენრიკე
 ლუის ენრიკე 2014 წელს |
|||
| პირადი მონაცემები | |||
|---|---|---|---|
| სრული სახელი | ლუის ენრიკე მარტინეს გარსია | ||
| დაბადების თარიღი |
8 მაისი, 1970 | ||
| დაბადების ადგილი |
ხიხონი, ესპანეთი | ||
| სიმაღლე | 1.80 მ | ||
| სათამაშო პოზიცია |
ნახევარმცველი | ||
| საკლუბო ინფორმაცია | |||
| მიმდინარე კლუბი |
ბარსელონა (მთავარი მწვრთნელი) | ||
| ახალგაზრდული კარიერა | |||
| 1981-1988 | ხიხონის სპორტინგი | ||
| 1984-1988 | → დეპორტივო ლა ბრანია (იჯარით) | ||
| პროფესიონალური კარიერა† | |||
| წლები | გუნდი | მატჩი | (გოლი) |
| 1988-1990 | სპორტინგი B | ||
| 1990-1991 | სპორტინგი | 36 | (14) |
| 1991-1996 | რეალ მადრიდი | 157 | (15) |
| 1996-2004 | ბარსელონა | 207 | (73) |
| სულ | 400 | (102) | |
| ეროვნული ნაკრები | |||
| 1990-1991 | ესპანეთი 21 წლ. | 5 | (0) |
| 1991-1992 | ესპანეთი 23 წლ. | 14 | (3) |
| 1991-2002 | ესპანეთი | 62 | (12) |
| 2000 | ასტურია | 1 | (0) |
| სამწვრთნელო კარიერა | |||
| 2008-2011 | ბარსელონა B | ||
| 2011-2012 | რომა | ||
| 2013-2014 | სელტა | ||
| 2014- | ბარსელონა | ||
| † პროფესიულ კლუბებში ჩატარებული მატჩები და გოლები მოცემულია მხოლოდ ადგილობრივი ჩემპიონატის მონაცემებით. | |||
ლუის ენრიკე მარტინეს გარსია (ესპ. Luis Enrique Martínez García; დ. 8 მაისი, 1970, ხიხონი, ესპანეთი) — ესპანელი საფეხბურთო მწვრთნელი. წარსულში პროფესიონალი ფეხბურთელი. ფეხბურთელის სტატუსით ნათამაშები აქვს ისეთ კლუბებში, როგორიცაა: „ხიხონის სპორტინგი“, „მადრიდის რეალი“ და „ბარსელონა“. ამჟამად „ბარსელონას“ მთავარი მწვრთნელი. 2015 წელს კატალონიურ გუნდთან ერთად მოიგო ჩემპიონთა ლიგა, ესპანეთის ჩემპიონატი, ესპანეთის სამეფო თასი, უეფას სუპერთასი და ფიფას მსოფლიო საკლუბო ჩემპიონატი.
36 წლის ასაკში დაიწყო სამწვრთნელო მოღვაწეობა. პირველი სერიოზული გუნდი იყო „ბარსა ბ“, სადაც 2008 წელს ხოსეპ გუარდიოლა ჩაანაცვლა. პირველივე სეზონში ესპანელმა სპეციალისტმა გუნდი რანგით მესამე ჩემპიონატიდან მეორეში გადაიყვანა. 2011 წელს კი დააფიქსირა გუნდის ისტორიაში საუკეთესო შედეგი. 71 ქულით (20 მოგება, 11 ფრე, 11 წაგება) გათამაშება მე-3 ადგილზე დაასრულა, რაც დღესაც საუკეთესო შედეგია „ბარსა ბ“-სთვის. ამ წარმატების შემდეგ ლუის ენრიკემ ბედი ესპანეთის ფარგლებს გარეთ სცადა და იტალიურ „რომაში“ დაიწყო მუშაობა. იტალიის ჩემპიონატში რომამ მე-7 ადგილი დაიკავა, იტალიის თასის ნახევარფინალში გააღწია და ევროპის ლიგაზე ასპარეზობის უფლება მოიპოვა. 2012 წელს ლუის ენრიკემ დატოვა „რომა“ და 2013 წელს კვლავ ესპანეთში დაბრუნდა, სადაც ვიგოს „სელტა“ ჩაიბარა. იმ სეზონში „სელტამ“ წარმატებით იასპარეზა და სეზონი მე-9 ადგილზე დაასრულა, რაც საკმაოდ კარგი მაჩვენებელი იყო ვიგოური კლუბისთვის.
2014 წლის ივლისში დაიკავა „ბარსელონას“ მთავარი მწვრთნელის პოსტი. არასახარბიელოდ დაწყებული სეზონი ენრიკემ ტრიუმფით დაასრულა და მოიგო სამივე ტურნირი: ჩემპიონთა ლიგა, ესპანეთის ჩემპიონატი და ესპანეთის სამეფო თასი. მომდევნო სეზონის დასაწყისში მონაგარს კიდევ ორი ტიტული შემატა:უეფას სუპერთასი და მსოფლიოს საკლუბო ჩემპიონატი.
რესურსები ინტერნეტში[რედაქტირება | წყაროს რედაქტირება]
- ლუის ენრიკე — ფიფას ჩანაწერი (ინგლისური)
- პროფილი Transfermarkt-ზე მოთამაშის მწვრთნელის (ინგლისური)
- პროფილი Soccerway-ზე (ინგლისური)
|
|||||||
