გეორგე ჰაჯი

გეორგე ჰაჯი

ჰაჯი 2008 წელს
პირადი მონაცემები
დაბადების თარიღი	5 თებერვალი, 1965 (1965-02-05)
დაბადების ადგილი	შაცელე, რუმინეთი
სიმაღლე	174 სმ
სათამაშო პოზიცია	შემტევი ნახევარმცველი
ახალგაზრდული კარიერა
1978–1980	ფარული კოსტანცა
1980–1981	ლუჩაფერულ ბუქარესტი
1981–1982	ფარული კოსტანცა
პროფესიონალური კარიერა*
წლები	გუნდი	მატჩი	(გოლი)
1982–1983	ფარული	18	(7)
1983–1987	სპორტული	108	(58)
1987–1990	სტიაუა	97	(76)
1990–1992	რეალ მადრიდი	64	(16)
1992–1994	ბრეშია	61	(14)
1994–1996	ბარსელონა	36	(7)
1996–2001	გალათასარაი	132	(59)
სულ		516	(237)
ეროვნული ნაკრები
1983–2000	რუმინეთი	124	(35)
სამწვრთნელო კარიერა
2001	რუმინეთი
2003–2004	ბურსასფორი
2004–2005	გალათასარაი
2006	პოლიტეჰნიკა ტიმიშოარა
2007	სტიაუა
2010–2011	გალათასარაი
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება

გეორგე ჰაჯი (რუმ. Gheorghe Hagi; დ. 5 თებერვალი, 1965) — რუმინელი ფეხბურთელი და ფეხბურთის მწვრთნელი. თამაშობდა თავდამსხმელის პოზიციაზე ევროპის წამყვან საფეხბურთო კლუბებში და რუმინეთის ეროვნულ ნაკრებში. 1999 წელს Placar-ის ვერსიით XX საუკუნის 100 საუკეთესო ფეხბურთელს შორის 80-ე ადგილზე დასახელდა. ითვლება რუმინეთის ყველა დროის საუკეთესო ფეხბურთელად.

საკლუბო კარიერა

ჰაჯი დაიბადა 1965 წლის 5 თებერვალს, რუმინეთის ქალაქ კონსტანცაში. ბავშვობიდანვე გამოირჩეოდა შესანიშნავი ტექნიკითა და საფეხბურთო ინტელექტით. პროფესიონალური კარიერა „ფარულ კონსტანცაში“ დაიწყო, საიდანაც მალევე „სპორტულ სტუდენცესცის“ შეუერთდა.

ჰაჯიმ სწრაფად მიიპყრო ყურადღება თავისი შთამბეჭდავი თამაშით. 1983 წელს გადავიდა „სპორტულ ტუდენცესციში“, სადაც ორი სეზონი გაატარა და 58 მატჩში 14 გოლი გაიტანა. ასეთმა წარმატებულმა გამოსვლამ მას ეროვნული ნაკრებისკენ გაუხსნა კარი, რაც მისი კარიერის მნიშვნელოვან ეტაპად იქცა.

1987 წელს ჰაჯი რუმინეთის ტოპ-კლუბმა, ბუქარესტის „სტიაუამ“ გადაიბირა, რომელთან ერთად ზედიზედ სამჯერ რუმინეთის ჩემპიონის წოდება (1987, 1988, 1989) და რუმინეთის თასი მოიპოვა. ამავე პერიოდში ჰაჯი ევროპული ფეხბურთის ერთ-ერთ ყველაზე ნიჭიერ შემტევ ნახევარმცველად ჩამოყალიბდა.

1989 წელს კლუბი ევროპის ჩემპიონთა თასის ფინალში გავიდა, თუმცა „მილანთან“ დამარცხდა. ჰაჯიმ „სტიაუას“ მაისურით, 76 მატჩში 58 გოლი გაიტანა, რაც ნახევარმცველისთვის შთამბეჭდავი მაჩვენებელია.

1990 წელს მადრიდის „რეალს“ შეუერთდა, რომელიც მისი ტრანსფერით გუნდის გაძლიერებას იმედოვნებდა. მიუხედავად რამდენიმე გამორჩეული მატჩისა, ის ბოლომდე ვერ მოერგო ესპანურ ფეხბურთს და „რეალში“ მხოლოდ ორი სეზონი გაატარა. „რეალში“ ჩატარებულ 64 მატჩში 16 გოლის გატანა მოახერხა და გუნდს ესპანეთის სუპერთასის მოგებაში დაეხმარა (1990).

1992 წელს იტალიურ „ბრეშაში“ გადავიდა, სადაც გუნდს სერია B-ში დაქვეითების შემდეგ, სერია A-ში დაბრუნებაში დაეხმარა. ის გუნდის ლიდერი იყო, თუმცა მისი კალიბრის ფეხბურთელისთვის „ბრეშა“ არ იყო საკმარისად ძლიერი კლუბი.

1994 წელს იოჰან კრუიფის „ბარსელონას“ შეუერთდა, თუმცა თავისი პოტენციალის სრულად გამოვლენა ვერ მოახერხა. მიუხედავად რამდენიმე ბრწყინვალე მატჩისა, მის მიერ „კამპ ნოუზე“ გატარებული პერიოდი მაინცდამაინც წარმატებულად ვერ ჩაითვალა.

1996 წელს თურქეთის „გალათასარაიში“ განაგრძო თამაში, რაც მისი საკლუბო კარიერის საუკეთესო გადაწყვეტილება აღმოჩნდა. აქ ის კლუბის ნამდვილი ლეგენდა გახდა და უამრავი ტიტული მოიგო. ზედიზედ ოთხჯერ გახდა თურქეთის სუპერლიგის გამარჯვებული (1997–2000). ორჯერ მოიპოვა თურქეთის თასი (1999, 2000). 2000 წელს უეფას თასს დაეუფლა, როდესაც „გალათასარაიმ“ ფინალში ლონდონის „არსენალი“ დაამარცხა. იმავე წელს უეფას სუპერთასის გამარჯვებულიც გახდა, როდესაც „გალათასარაიმ“ ფინალში მადრიდის „რეალს“ ანგარიშით 2–1 მოუგო. „გალათასარაიში“ ჰაჯი ნამდვილ კერპად იქცა და მისი საფეხბურთო კარიერის ამ მონაკვეთის გამო დღესაც დიდ პატივისცემას იმსახურებს თურქი გულშემატკივრებისგან.

სანაკრებო კარიერა

ჰაჯიმ რუმინეთის ეროვნულ ნაკრებში 124 მატჩი ჩაატარა და 35 გოლი გაიტანა. საუკეთესო სანაკრებო შედეგი 1994 წლის მსოფლიო ჩემპიონატზე აჩვენა, როდესაც რუმინეთმა მისი კაპიტნობით მეოთხედფინალამდე მიაღწია.

სანაკრებო სტატისტიკა

ეროვნული ნაკრები	წელი	მატჩი	გოლი
რუმინეთი	1983	5	0
	1984	9	1
	1985	10	4
	1986	8	3
	1987	8	2
	1988	4	2
	1989	8	0
	1990	11	2
	1991	6	2
	1992	5	4
	1993	5	1
	1994	11	5
	1995	3	1
	1996	8	1
	1997	6	4
	1998	7	1
	1999	4	2
	2000	6	0
ჯამში		124	35

მიღწევები

საკლუბო

სტიაუა

• რუმინეთის ჩემპიონი: 1986–87, 1987–88, 1988–89
• რუმინეთის თასის მფლობელი: 1986–87, 1987–88, 1988–89
• უეფა-ს სუპერთასის მფლობელი: 1986
• ევროპის ჩემპიონთა თასის ფინალისტი: 1988–89

რეალ მადრიდი

• ესპანეთის სუპერთასის მფლობელი: 1990
• ესპანეთის თასის ფინალისტი: 1991–92

ბარსელონა

• ესპანეთის სუპერთასის მფლობელი: 1994
• ესპანეთის თასის ფინალისტი: 1995–96

გალათასარაი

• თურქეთის ჩემპიონი: 1996–97, 1997–98, 1998–99, 1999–2000
• თურქეთის თასის მფლობელი: 1998–99, 1999–2000
• თურქეთის სუპერთასის მფლობელი: 1996, 1997
• უეფა-ს თასის მფლობელი: 1999–2000
• უეფა-ს სუპერთასის მფლობელი: 2000

სამწვრთნელო

გალათასარაი

• თურქეთის თასის მფლობელი: 2004–05

ინდივიდუალური

• ფიფა-ს ასეული (FIFA 100): 2004

რესურსები ინტერნეტში

ვიკისაწყობში არის გვერდი თემაზე:

გეორგე ჰაჯი

• გეორგე ჰაჯის ოფიციალური საიტი
• გეორგე ჰაჯი — ფიფას ჩანაწერი^{[დაარქივებული]}
• გეორგე ჰაჯი კინოფილმების ინტერნეტ-მონაცემთა ბაზაში