ზემო აჭარა

ზემო აჭარა — ისტორიული მხარე საქართველოში, აჭარაში, მდინარე აჭარისწყლის ხეობის ზემო წელი. ზემო აჭარა „ზეგანის“ სახელითაც არის ცნობილი. მოქმედი ადმინისტრაციული დაყოფით მოიცავს ხულოს და შუახევის მუნიციპალიტეტების ტერიტორიას.

ისტორია

ოსმალეთის ბატონობის პერიოდში არსებობდა ზემო აჭარის ლივა. 1878-1883 წლებში ზემო აჭარის უბანი შედიოდა ბათუმის ოლქის აჭარის ოკრუგში. 1878 წელს ზემო აჭარაში იდგა 1727 სახლი; აღრიცხული იყო 5810 მუსლიმი მამაკაცი. კაზაში შედიოდა 22 სოფელი, 85 კვარტალი, 30 მეჩეთი, 105 წყლის წისქვილი, 15 დუქანი და 2 ყავახანა. 1883 წლიდან ბათუმის ოკრუგში. 1924 წელს ჩამოყალიბდა ხულას მაზრის სახით, რომელსაც 1952 წელს გამოეყო შუახევის რაიონი.

ლიტერატურა

• სიხარულიძე ი., ენციკლოპედია „საქართველო“, ტ. 3, თბ., 2014. — გვ. 343.

• ქართული საბჭოთა ენციკლოპედია, ტ. 4, თბ., 1979. — გვ. 506.
• ფრენკელი ა., „ნარკვევები ჩურუქ-სუსა და ბათუმზე“ = Очерки Чурук-Су и Батума [1879], თბილისი, 2012.