დიღმისწყალი

დიღმისწყალი
	; დიღმისწყალი სოფ. ძველ ვეძისთან
ქვეყანა	საქართველო
ტერიტორიული ერთეულები	მცხეთა-მთიანეთის მხარე, თბილისი
ქალაქები	თბილისი
სათავე	სათოვლე-საწკეპელას ქედი; 41°45′13″ ჩ. გ. 44°36′54″ ა. გ. / 41.753694° ჩ. გ. 44.615139° ა. გ.
შესართავი	მტკვარი; 41°45′05″ ჩ. გ. 44°46′34″ ა. გ. / 41.75139° ჩ. გ. 44.77611° ა. გ.
შესართავის მდებარეობა	თბილისი
სიგრძე	22 კმ
აუზის ფართობი	72,7 კმ²
წყლის ხარჯი (საშ.)	0,25 მ³/წმ
	— სათავე, — შესართავი

დიღმისწყალი — მდინარე მცხეთის მუნიციპალიტეტსა და თბილისში.

სათავე აქვს სათოვლე-საწკეპელას ქედის აღმოსავლეთ კალთაზე, ზღვიდ დონიდან 1400 მ-ის სიმაღლეზე, მარჯვენა მხრიდან ერთვის მტკვარს თბილისის ფარგლებში. სიგრძე 22 კმ, აუზის ფართობი 72,7 კმ². დიღმისწყლის მდგენელებია ტაბარუკისხევი და ბევრეთისწყალი, შენაკადები — კვარათხევი, ძალანთხევი, წოდორეთისწყალი და სხვ.

საზრდოობს თოვლისა და წვიმის წყლით. წყალდიდობა იცის გაზაფხულზე, წყალმოვარდნა — ზაფხულში და შემოდგომაზე, წყალმცირეა ზამთარში და ზაფხულში. საშუალო წლიური ხარჯი 0,25 მ³/წმ.

ლიტერატურა

ენციკლოპედია „საქართველო“, ტ. 2, თბ., 2012. — გვ. 453.