იოჰანესბურგი
| ქალაქი
იოჰანესბურგი
Johannesburg
|
იოჰანესბურგი, ასევე ცნობილი როგორც ჯოზი, ჯო'ბურგი ან ეგოლი — მოსახლეობით უდიდესი ქალაქი სამხრეთ აფრიკაში. იოჰანესბურგი გაუტენგის პროვინციის დედაქალაქია, რაც თავის მხრივ უმდიდრესი პროვინციაა სამხრეთ აფრიკაში, უდიდესი ეკონომიკით სუბ-საჰარის აფრიკის აგლომერაციათა შორის.[1] ეს ქალაქი ასევე მსოფლიოს 40 უდიდეს აგლომერაციათა შორისაა,[2] და ასევე მსოფლიოს უდიდესი ქალაქია, რომელიც მდინარეზე, ტბისა თუ ზღვის სანაპიროზე არ მდებარეობს.[3]
იოჰანესბურგი არ არის სამხრეთ აფრიკის სამ დედაქალაქთა შორის, თუმცა აქ მდებარეობს ქვეყნის საკონსტიტუციო სასამართლო, სადაც წყდება სამხრეთ აფრიკის ახალი აპართეიდისშემდგომი კონსტიტუციის ცვლილებები. ქალაქი ოქროთი და ძვირფასი ქვებით ვაჭრობის მსხვილი ცენტრია, მისი ვიტსატერსრანდის მინერალებით მდიდარ ქედებთან სიახლოვის წყალობით. ქალაქს ემსახურება ო. რ. ტამბოს საერთაშორისო აეროპორტი, უმსხვილესი და ყველაზე დატვირთული აფრიკაში. ბოლო დროს ლანსერიას საერთაშორისო აეროპორტმაც დაიწყო საერთაშორისო რეისების მომსახურება და მეტროპოლისის მოპირდაპირე მხარეს მდებარეობს.
2007 წლის აღწერის თანახმად, მუნიციპალური დასახლების მოსახლეობა 3.888.180 ადამიანს შეადგენდა, ხოლო დიდი იოჰანესბურგის მეტროპოლისისა კი — 7.151.447.[4] უფრო ვრცელი გაგებით იოჰანესბურგის აგლომერაცია მოიცავს ეკურჰულენის, უესტ რანდს, სოვეტოსა და ლენასიას, საერთო მოსახლეობით — 10,267,700.[5] მუნიციპალური დასახლების ფართობი 1.645 კვ. კმ საკმაოდ ვრცელია სხვა ქალაქებთან შედარებით და, ამგვარად, მოსახლეობის სიმჭირდოვე დაბალია.
იოჰანესბურგი მოიცავს სოვეტოს, რომელიც გვიანი 1970-იანი წლებიდან 1990-იანებამდე ცალკე ქალაქი იყო. სახელი "სოვეტო" აკრონიმია ""South-Western Townships" (სამხრეთდასავლეთის დაბები) და წარმოიშვა იოჰანესბურგის განაპირას სპონტანურად გაჩენილი დასახლებებიდან, სადაც ძირითადად ოქროს მადნების მაღაროების ადგილობრივი აფრიკელი მუშები ცხოვრობდნენ. იოჰანესბურგში შემოერთების შემდეგ აპართეიდის რეჟიმმა (1948-1994 წწ) სოვეტო დანარჩენი იოჰანესბურგისგან გამოჰყო, რითაც ის სრულიად შავკანიანთა დასახლება გახადა.
დასახლება ლენასიაც ამაჟამად იოჰანესბურგის ნაწილია და ის აპართეიდის პერიოდიდან ძირითადად წარმომავლობით ინდოელებითაა დასახლებული.
გაუტენგის პროვინცია მასიური ურბანიზაციის გამო სწრაფად იზრდება. გაუტენგის ურბანული ნაწილი, რომელიც ძირითადად იოჰანესბურგს, ეკურჰულენისა და ტშვანეს (დიდი პრეტორია) მოიცავს, პოლიცენტრული აგლომერაცია ხდება და მისი მოსახლეობა 2015 წლისთვის 14,6 მილიონს გადააჭარბებს.[6]
[რედაქტირება] რესურსები ინტერნეტში
- Official website of the City of Johannesburg
- Gauteng Provincial Government
- Gauteng Tourism Authority
- Johannesburg on Birmingham's Partner City page
- Johannesburg Tourism official website
[რედაქტირება] სქოლიო
- ↑ http://www.fasken.com/johannesburg/
- ↑ &Copy; Th. Brinkhoff (23 January 2010). Principal Agglomerations of the World. Citypopulation.de. წაკითხვის თარიღი: 2 July 2010.
- ↑ Johannesburg. Southafrica.to. წაკითხვის თარიღი: 2 July 2010.
- ↑ Community Survey 2007
- ↑ იოჰანესბურგი. წაკითხვის თარიღი: 11 აპრილი 2011.
- ↑ South African State of the Cities Report 2006 (PDF). წაკითხვის თარიღი: 2 July 2010.
 |
ეს სტატია სამხრეთ აფრიკის რესპუბლიკის და სამხრეთ აფრიკელების შესახებ ჯერჯერობით ესკიზია. თქვენ შეგიძლიათ დაგვეხმაროთ, და შეავსოთ იგი. |
