ზბიგნევ ბონეკი

ზბიგნევ ბონეკი
პირადი მონაცემები
სრული ; სახელი	ზბიგნევ კაზიმეჟ ბონეკი
დაბადების ; თარიღი	3 მარტი, 1956 (68 წლის)
დაბადების ; ადგილი	ბიდგოშჩი, პოლონეთი
სიმაღლე	181 სმ
სათამაშო ; პოზიცია	შემტევი ნახევარმცველი
ახალგაზრდული კარიერა
1966–1973	ზავიშა ბიდგოშჩი
პროფესიონალური კარიერა*
ეროვნული ნაკრები
	* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება;

ზბიგნევ კაზიმეჟ ბონეკი (პოლ. Zbigniew Kazimierz Boniek [ˈzbʲiɡɲɛv ˈbɔɲɛk]; დ. 3 ოქტომბერი, მარტი, 1956) — პოლონელი საფეხბურთო ფუნქციონარი და ყოფილი ფეხბურთელი. თამაშობდა შემტევი ნახევარმცველის პოზიციაზე პოლონეთის ნაკრებში. 1982 წელს France Football-ის ევროპის წლის საუკეთესო ფეხბურთელის გამოკითხვაში გახდა ბრინჯაოს პრიზიორი. 2012 წლიდან უჭირავს პოლონეთის ფეხბურთის ასოციაციის პრეზიდენტის პოსტი.

კარიერის უდიდესი ნაწილი გაატარა სამშობლოში, კარიერა მშობლიურ ქალაქში მოკრძალებულ ზავიშაში დაიწყო, საიდანაც პოლონური ფეხბურთის ერთ-ერთ გამორჩეულ კლუბში, ვიძევში გადაბარგდა, სადაც კარიერის უდიდესი ნაწილი გაატარა. 1982 წელს გადავიდა იტალიურ იუვენტუსში, რომელიც ჯოვანი ტრაპატონის ხელმძღვანელობით ერთ-ერთ გამორჩეულ ფეხბურთს თამაშობდა ევროპაში. სწორედ იუვეში შეძლო ბონეკმა კარიერის უდიდესი ტიტულის, ევროპის ჩემპიონთა თასის მოგება. კარიერის ბოლო წლები ბონეკმა ასევე იტალიურ რომაში გაატარა, სადაც დაასრულა კიდეც კარიერა.

ეროვნულ ნაკრებში ბონეკმა 80 მატჩში მიიღო მონაწილეობა და 24 გოლი გაიტანა, იგი პოლონეთის ყველა დროის ერთ-ერთ საუკეთესო ფეხბურთელად მიიჩნევა, მან ნაკრების მაისურით სამ მსოფლიო ჩემპიონატზე იასპარეზა — 1978, 1982, 1986 წლებში. მის სახელს და ბრწყინვალე ასპარეზობას უკავშირდება პოლონური ფეხბურთის ერთ-ერთი უდიდესი წარმატება — მესამე ადგილი ესპანეთში გამართულ 1982 წლის მსოფლიო ჩემპიონატზე, სადაც ფინალისკენ მიმავალ გზაზე პოლონელებს მომავალი ჩემპიონი, პაოლო როსის იტალია გადაეღობა, ხოლო მესამე ადგილისთვის მატჩში მაშინდელ მსოფლიო ნაკრებად მიჩნეული საფრანგეთის დამარცხება შეძლეს, რომელმაც თავის მხრივ დრამატული მატჩი პენალტების სერიაში დათმო დასავლეთ გერმანიასთან და მიშელ პლატინის თაოსნობით საბოლოოდ მხოლოდ მეოთხე ადგილს დასჯერდნენ.

1999 წელს Placar-ის ვერსიით XX საუკუნის 100 საუკეთესო ფეხბურთელს შორის 99-ე ადგილზე დასახელდა.^[1]

ლიტერატურა

ფანჯიკიძე, გურამ (1982). ფორცა, იტალია!. თბილისი: გამ-ბა საბჭ. საქართველო.
გოდუაძე, ლაშა (2010). მსოფლიო თასის ისტორია (1930–2010). თბილისი: გაზეთი „მსოფლიო სპორტი“. ISSN 1987-9008 ISBN 978-9941-0-2311-8

რესურსები ინტერნეტში

ზბიგნევ ბონეკი — ფიფას ჩანაწერი^{[დაარქივებული]}
ზბიგნევ ბონეკის ინფო Soccerbase-ზე

სქოლიო

↑ Placar's 100 Craques do Século · In November 1999, Placar (Brazil) published a list of the best 100 players of all time, ranked from 1 to 100 · 23 დეკემბერი, 2015. Karel Stokkermans for the Rec.Sport.Soccer Statistics Foundation. წაკითხვის თარიღი: 1 სექტემბერი, 2019.

[1] Placar's 100 Craques do Século · In November 1999, Placar (Brazil) published a list of the best 100 players of all time, ranked from 1 to 100 · 23 დეკემბერი, 2015. Karel Stokkermans for the Rec.Sport.Soccer Statistics Foundation. წაკითხვის თარიღი: 1 სექტემბერი, 2019.

[1]

პირადი მონაცემები

სრული სახელი	ზბიგნევ კაზიმეჟ ბონეკი
დაბადების თარიღი	3 მარტი, 1956 (1956-03-03) (68 წლის)
დაბადების ადგილი	ბიდგოშჩი, პოლონეთი
სიმაღლე	181 სმ
სათამაშო პოზიცია	შემტევი ნახევარმცველი
ახალგაზრდული კარიერა
1966–1973	ზავიშა ბიდგოშჩი
პროფესიონალური კარიერა*
წლები	გუნდი	მატჩი	(გოლი)
1973–1975	ზავიშა ბიდგოშჩი	60	(15)
1975–1982	ვიძევი	158	(48)
1982–1985	იუვენტუსი	79	(24)
1985–1988	რომა	244	(36)
სულ		367	(95)
ეროვნული ნაკრები
1976–1988	პოლონეთი	80	(24)
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება