დევიდ ბექჰემი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
დევიდ ბექჰემი
David Beckham
Beckswimbledon.jpg
პირადი მონაცემები
სრული სახელი დევიდ რობერტ ჯოზეფ ბექჰემი
დაბადების
თარიღი
2 მაისი, 1975 (1975-05-02) (40 წლის)
დაბადების
ადგილი
ლეიტონსტოუნი, ლონდონი,
დიდი ბრიტანეთი
სიმაღლე 183 სმ[1]
სათამაშო
პოზიცია
ნახევარმცველი
1988–1989 ბრიმსდაუნ როვერსი
1991–1993 მანჩესტერ იუნაიტედი
პროფესიონალური კარიერა
წლები გუნდი მატჩი (გოლი)
1993–2003 მანჩესტერ იუნაიტედი 265 (62)
1994–1995   პრესტონი 5 (2)
2003–2007 რეალ მადრიდი 116 (13)
2007–2012 ლოს-ანჯელეს გალაქსი 98 (18)
2009   მილანი 18 (2)
2010   მილანი 11 (0)
2013 პსჟ 10 (0)
სულ 523 (97)
ეროვნული ნაკრები
1992–1993 ინგლისი 18 წლ. 3 (0)
1994–1996 ინგლისი 21 წლ. 9 (0)
1996–2009 ინგლისი 115 (17)
† პროფესიულ კლუბებში ჩატარებული მატჩები და გოლები მოცემულია მხოლოდ ადგილობრივი ჩემპიონატის მონაცემებით.

დევიდ რობერტ ჯოზეფ ბექჰემი (ინგლ. David Robert Joseph Beckham; დ. 2 მაისი 1975)[2] — ინგლისელი ფეხბურთელი. 2000-2006 წლებში ინგლისის ეროვნული გუნდის კაპიტანი. 2005 წლის დეკემბრისთვის ბექჰემი ერთ-ერთი იყო სულ ოთხი ფეხბურთელიდან, რომელიც უეფას ჩემპიონთა ლიგაში 100-ჯერ ითამაშა. ის ასევე ერთადერთი ინგლისელია, რომელსაც გოლი აქვს გატანილი სამ სხვადასხა მსოფლიო ჩემპიონატზე. ბექჰემის პოპულარობა საფეხბურთო მოედანს სცილდება; მისი სახელი ასევე უკავშირდება მულტიეროვნული კომპანიების პეპსისა და IBM-ის სარეკლამო სახეს.

საკლუბო კარიერა[რედაქტირება]

ბექჰემის კარიერა დაიწყო „მანჩესტერ იუნაიტედში“ პროფესიონალური კონტრაქტის მოწერიდან, სადაც პირველად ჩნდება გუნდში 1992 წელს 17 წლის ასაკში. მისი დებიუტი პირველ გუნდში 1995 წელს შედგა. პირველივე სეზონში პოლ სქოულზთან, ფილ და გარი ნევილებთან და ნიკი ბატთან ერთად თავი დაიმკვიდრა ძირითად გუნდში. 1996-97 წლების სეზონში პირველივე მატჩში „უიმბლდონის“ წინააღმდეგ თავი გოლით გამოიჩინა, რომელიც მოედნის შუიდან გაიტანა.

ბექჰემმა სქოულზთან, როი კინთან და რაიან გიგზთან ერთად დიდი წვლილი შეიტანა კლუბის მიერ 1999 წელს მიღწეულ წარმატებაში. „იუნაიტედმა“ პრემიერ-ლიგაში ერთი ქულით გაასწრო „არსენალს“ პირველ ადგილზე, ასოციაციის ტასის ფინალში დაამარცხა „ნიუკასლი“ და რაც ყველაზე მთავარი იყო, მოიგო უეფა-ს ჩემპიონთა ლიგა. ლიგის ფინალში, რომელიც ბარსელონაში გაიმართა, ბექჰემის მიერ ჩაწოდებულმა ორმა კუთხურმა გამოიწვია ქაოსი ბაიერნის“ რიგებში და გუნდს მოუტანა ორი გოლი მატჩის ბოლო ორ წუთში.

2001 წელს ის მსოფლიოს წლის მეორე საუკეთესო ფეხბურთელად დასახელდა. 2002 წელს კი უეფას ტასის წლის საუკეთესო ფეხბურთელად.

2003 წლის ზაფხულში ბექჰემი „რეალ მადრიდში“ გადავიდა. მადრიდში ბექჰემმა მოიგო ესპანეთის სუპერთასი და ლა ლიგა 2007 წელს. 2007 წლის ზაფხულის დასაწყისში მან „ლოს-ასნეჯელს გალაქსისთან“ დადო კონტრაქტი. 2009 და 2010 წლებში „გალაქსიდან“ ოჯარის წესით თამაშობდა „მილანში“. ამერიკაში ფეხბურთის თამაშის შემდეგ ბექჰემი კვლავ ევროპას დაუბრუნდა და კარიერა „პსჟ-ში“ დაასრულა. ის ფრანგულ კლუბს 2013 წლის იანვარში სეზონის ბოლომდე შეუერთდა და დაეხმარა მოეპოვებინა საფრანგეთის ჩემპიონის ტიტული 19 წლიანი შესვენების შემდგომ.

სანაკრებო კარიერა[რედაქტირება]

ეროვნულ ნაკებში ბექჰემის დებიუტი შედგა მოლდოვასთან, როცა მწვრთნელი გლენ ჰოდლი იყო. მუნდიალი 1998-ის პირველი ორი მატჩი სათადარიგო სკამიდან დაიწყო, მაგრამ ძირითადში ითამაშე მესამე, გადამწყვეტი მატჩი კოლუმბიასთან, რომელიც ინგლისმა 2-0 მოიგო და ბექჰემმა საჯარიმო დარტყმით თავისი პირველი სანაკრებო გოლი გაიტანა. მერვედფინალურ მატჩში არგენტინის წინააღმდეგ, 2-2 ანგარიშის დროს, მეორე ტაიმში მან დაარტყა დიეგო სიმეონეს და მიიღო წითელი ბარათი. ინგლისი კი პენალტების სერიაში დამარცხდა. ბექჰემის კაცრად გააკრიტიკეს საქციელისა და ნაკრების მარცხის გამო.

2000 წელს ის ნაკრების კაპიტნად დაინიშნა. 2001 წლის ოქტომბერში ბექჰემმა ნაკრები გაიყვანა მუნდიალი 2002-ზე მას შემდეგ, რაც გაიტანა გოლი საჯარიმო დარტყმით საბერძნეთის კარში და ანგარიში გაათანაბრა 2-2.

2006 წლის მსოფლიო ჩემპიონატში ინგლისის გავარდნის შემდეგ 31 წლის ასაკში ინგლისის გუნდის კაპიტნობას თავს ანებებს. 2009 წლის მარტში სლოვაკეთის წინააღმდეგ ჩატარებული მატჩი იყო 115-ე მის სანაკრებო კარიერაში. ეს ინგლისელი მინდვრის მოთამაშისთვის რეკორდული მაჩვენებელია. ბექჰემზე მეტი მატჩი მხოლოდ მეკარე პიტერ შილტონს (125) აქვს ჩატარებული.

რესურსები ინტერნეტში[რედაქტირება]

Commons-logo.svg
ვიკისაწყობში? არის გვერდი თემაზე:

სქოლიო[რედაქტირება]

  1. David Beckham“, Soccerbase. წაკითხვის თარიღი: 9 September 2008. 
  2. David Beckham – Rise of a footballer“, BBC, 19 August 2003. წაკითხვის თარიღი: 9 September 2008.