გარი ნევილი

გარი ნევილი
პირადი მონაცემები
სრული ; სახელი	გარი ალექსანდერ ნევილი
დაბადების ; თარიღი	18 თებერვალი, 1975
დაბადების ; ადგილი	ბერი, ინგლისი
სიმაღლე	180 სმ
სათამაშო ; პოზიცია	მარჯვენა მცველი
პროფესიონალური კარიერა*
ეროვნული ნაკრები
სამწვრთნელო კარიერა
2012–2016	ინგლისი
2015–2016	ვალენსია
	* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება;

გარი ნევილი (ინგლ. Gary Neville; დ. 18 თებერვალი, 1975) — ინგლისელი ფეხბურთელი, ფეხბურთის მწვრთნელი და სპორტული კომენტატორი. თამაშობდა მარჯვენა მცველის პოზიციაზე „მანჩესტერ იუნაიტედსა“ და ინგლისის ეროვნულ ნაკრებში. როი კინის წასვლის შემდეგ, 2005 წლიდან 2011 წლამდე იყო „მანჩესტერ იუნაიტედის“ კაპიტანი. ითვლება ერთ-ერთ ყველაზე ტიტულოვან ინგლისელ და ევროპელ ფეხბურთელად, რომელმაც სულ 20 ტიტული მოიგო, მათ შორის პრემიერლიგის რვა ტიტული და უეფა-ს ჩემპიონთა ლიგის ორი ტიტული.

მანჩესტერ იუნაიტედი

გარი ნევილი მანჩესტერ იუნაიტედის შემადგენლობაში 1991 წელს ჩაირიცხა. 1992 წელს, კი სადებიუტო თამაში ჩაატარა მოსკოვის ტორპედოსთან. 1994 წლიდან იგი გახდა მანჩესტერ იუნაიტედის რეგულარული მოთამაშე მარჯვენა მცველის პოზიციაზე. 2004 წელს მან ხელი მოაწერა ოთხწლიან კონტრაქტს და გააგრძელა მანჩესტერთან ერთად თამაში.

2005 წლის დეკემბერში, როი კინის გუნდიდან წასვლის შემდეგ იგი გახდა „მანჩესტერ იუნაიტედის“ კაპიტანი.

გარი ნევილს „მანჩესტერ იუნაიტედთად“ ერთად აქვს მოგებული: შვიდჯერ ინგლისის პრემიერლიგა, სამჯერ ინგლისის ასოციაციის თასი, ორჯერ უეფა-ს ჩემპიონთა ლიგა და სამჯერ ინგლისის ლიგის თასი.

სანაკრებო კარიერა

გარის პირველი თამაში ინგლისის ნაკრებში შედგა 1995 წელს, იაპონიის ნაკრების წინააღმდეგ.

სამწვრთნელო კარიერა

2012 წელს როი ჰოჯსონმა ის ინგლისის ეროვნული ნაკრების სამწვრთნელო შტაბში მიიწვია, სადაც 2016 წლამდე მის თანაშემწედ მუშაობდა. 2015–2016 წლებში წვრთნიდა ესპანურ „ვალენსიას“.

პირადი ცხოვრება

გარი არის მანჩესტერ იუნაიტედის და ევერტონის ყოფილი ფეხბურთელის ფილ ნევილის უფროსი ძმა, ხოლო მისი და ტრეისი ნევილი ინგლისის ნეტბოლის ნაკრების წევრი იყო.

გარის ჰყავს ცოლი ემა ჰალდფილდი. გარი და ემა დაქორწინდნენ 2007 წლის 16 ივნისს. მათ ჰყავთ შვილი მოლი რომელიც დაიბადა 2009 წლის 11 იანვარს.

სანაკრებო სტატისტიკა

ეროვნული ნაკრები	წელი	მატჩი
ინგლისი	1995	6
	1996	10
	1997	7
	1998	8
	1999	3
	2000	7
	2001	8
	2002	5
	2003	7
	2004	12
	2005	4
	2006	7
	2007	1
ჯამში		85

მიღწევები

საკლუბო

მანჩესტერ იუნაიტედი

ინგლისის პრემიერლიგა: 1995–96, 1996–97, 1998–99, 1999–2000, 2000–01, 2002–03, 2006–07, 2008–09
ინგლისის ასოციაციის თასი: 1995–96, 1998–99, 2003–04
ინგლისის ლიგის თასი: 2005–06, 2008–09, 2009–10
ინგლისის სუპერთასი: 1996, 1997, 2008
უეფა-ს ჩემპიონთა ლიგა: 1998–99, 2007–08
საკონტინენტთაშორისო თასი: 1999
ფიფა-ს მსოფლიო საკლუბო ჩემპიონატი: 2008

ფაქტები

ნევილს რამდენიმე რეკორდი აქვს დამყარებული: 2002 წელს იგი შემოვიდა შეცვლაზე და ჩაატარა 51 მატჩი მარჯვენა მცველის პოზიციაზე, რის შედეგად რეკორდი მოუხსნა ფილ ნილსს. ნევილმა მის ძმასთან ერთად მოხსნა რეკორდი, ძმებმა ერთად ყველაზე მეტი მატჩი ითამაშეს. 142 ჩატარებული შეხვედრის შედეგად მათ რეკორდი მოუხსნეს ჯეკ და სერ ბობი ჩარლტონს.

ნევილმა 568 თამაშში შვიდი გოლი გაიტანა. იგი არის მეხუთე „მანჩესტერის იუნაიტედის“ მოთამაშეებს შორის, ჩატარებული მატჩების რაოდენობით.

ლიტერატურა

Oldfield, Tom (2007). Gary Neville: The Story of a Legend. John Blake. ISBN 978-1-84454-388-5.

რესურსები ინტერნეტში