გაერთიანებულ სამეფოში კონსოლი გამოდიოდა Systema 2000-ის სახელწოდების ქვეშ, ხოლო საფრანგეთში — Videojet Game Master, Hartung Game Tronic, Hartung Super Game და Delplay Game Plus. Game Master გარეგნულად წააგავდა Sega-ს Game Gear-ს, ფრანგული ვერსია Game Plus — Game Boy-ის. Game Master-ის კარტრიჯები თითქმის Watara Supervision-ის იდენტური იყო, თუმცა ერთმანეთთან არათავსებადი.[2]
Game Master-ს გააჩნდა მონოქრომული LCD ეკრანი 64 x 64 გაფართოებით, ჩაშენებული დინამიკი, ყურსასმენების ბუდე, ხმის მარეგულირებელი და კონტროლერის ღილაკები (მიმართულების 4 ღილაკი, A, B, Select და Start). კონსოლი ფუნქციონირებდა ოთხიცალი AA ბატარეის ან 6 ვოლტიანი კვების წყაროს მეშვეობით. საერთო ჯამში მასზე ხელმისაწვდომი იყო 18 თამაში.[3]