ლედი გაგა

ლედი გაგა
ლედი გაგა ტურნეს The Born This Way Ball Tour დროს, 2012 წელი
ბიოგრაფია
ნამდვილი სახელი	სტეფანი ჯოან ენჯელინა ჯერმანოტა
დაიბადა	28 მარტი, 1986 (1986-03-28)
წარმოშობის ადგილი	ნიუ იორკი, აშშ
ჟანრ(ებ)ი	პოპი, საცეკვაო მუსიკა, ელექტრონიკა
საქმიანობა	მომღერალი, სიმღერების ავტორი, მუსიკოსი
ინსტრუმენტ(ებ)ი	ვოკალი, ფორტეპიანო, სინთეზატორი
აქტიური	2006-დღემდე
ლეიბლ(ებ)ი	Interscope, Streamline, Kon Live, Cherrytree, Def Jam
საიტი	www.ladygaga.com ლედი გაგას ხელმოწერა

ლედი გაგა (ინგლ. Lady Gaga) (ნამდვილი სახელი - სტეფანი ჯოან ენჯელინა ჯერმანოტა, დ. 1986 წლის 28 მარტს) — ამერიკელი შემსრულებელი. მისი კარიერა დაიწყო ნიუ იორკის როკ-ანდერგრაუნდში. ლეიბლთან Streamline Records კონტრაქტით (2007 წელს) დაიწყო მისი მუსიკალური კარიერა დიდ სცენაზე. თავდაპირველად იგი წერდა სიმღერებს სხვა შემსრულებლებისათვის, მაგრამ რეპერ ეიკონის ძალისხმევით და ინიციატივით, ლედი გაგა გადავიდა მის ლეიბლზე Kon Live Distribution.

ბიოგრაფია

1986-2005: ცხოვრების ადრეული წლები

ამერიკელი მომღერალი, მოცეკვავე, სიმღერების ავტორი და დიჯეი ლედი გაგა, ანუ სტეფანი ჯოანა ანჯელინა ჯერმანოტა 1986 წლის 28 მარტს მანჰეტენზე დაიბადა. მუსიკით ბაშვობიდან დაინტერესდა. 4 წლისა დამოუკიდებლად ფორტეპიანოზე უკრავდა. მალე კი, საბავშვო მაგნიტოფონზე მაიკლ ჯექსონის და სინდი ლაუპერის სიმღერებს იწერდა...

სტეფანი მანჰეტენის სკოლაში „Convent Of The Sacred Heart“, დებთან - ჰილტონ და ქეროლაინ კენედებთან ერთად სწავლობდა. საშუალო განათლების მიღების შემდეგ, სწავლა სამხატვრო სკოლაში „Tisch School of the Arts“ განაგრძო. 14 წლის ასაკში ის ნიუ-იორკის კლუბში „Bitter End“ და სკოლის თეატრის სცენაზე „Regis High School Repertory“, ანსამბლში - „Regis Jazz Band“ მღეროდა.

2005–07: გზა წარმატებისკენ

2006 წელს, სტეფანი მუსიკალურ პროდიუსერთან, რობ ფუზარისთან იწყებს მუშაობას, რომელთანაც რამდენიმე პოპულარული სიმღერა - „Beautiful, Dirty, Rich“, „Dirty Ice Cream“, „Disco Heaven“ ჩაწერა. სწორედ ამ პერიოდში, იგი პირველად იყენებს ფსოვდონიმს „ლედი გაგა“ (ჯგუფის „Queen“ სიმღერიდან „Radio Ga Ga“).

პირველი კონტრაქტი ლედიმ „Def Jam“-თან გააფორმა. 2008 წელს კი, კონტრაქტს ლეიბლთან „Interscope Records“, სიმღერების ავტორის სტატუსით აფორმებს. ლედი გაგა-ს მასალას ისეთი შემსრულებლები იყენებდნენ, როგორებიც არიან: „Fergie“, „Pussycat Dolls“, ბრიტნი სპირსი და „New Kids on the Block“.

სტეფანის ვოკალურ და თეატრალურ შესაძლებლობებზე დიდი გავლენა რეპერმა ეიკონმა მოახდინა. 2008 წელს სტეფანი ლოს-ანჯელესში , სადებიუტო ალბომზე „The Fame“ იწყებს მუშაობას, რომელიც კანადაში, ავსტრალიაში და რამდენიმე ევროპულ ქვეყანაში აგვისტოში გამოვიდა. 2009 წლის 18 თებერვალს, გაგა ბრენდონ ფლაუერსთან („Killers“ და „Pet Shop Boys“) ერთად, „Brit Awards“-ის დაჯილდოების ცერემონიალზე გამოვიდა.

2008–10: The Fame და The Fame Monster

მთავარი სტატია : The Fame და The Fame Monster.

2008 წელს გაგამ დაიწყო მუშაობა პირველ სადებიუტო ალბომ The Fame-ზე, გაგა მუშაობდა რამდენიმე პროდუსერთან - RedOne, მარტინ კირსცენბაუმი, და რობ ფუსარი. გაგას პირველი ალბომი გამოვიდა 2008 წლის 19 აგვისტოს, ლეიბლ Interscope Records-ზე. ალბომის გამოსვლიდან რამდენიმე დღეში ალბომი მოექცა დიდი ბრიტანეთის, კანადის, ავსტრიის, გერმანიის, შვეიცარის და ირლანდიის ჩარტებში. ამერიკის შეერთებულ შტატებში ალბომი მოექცა ნომერი მეორე ადგილზე Billboard-ის 200-ში და სათავეებში მოექცა ბილბორდის საცეკვაო/ელექტრონულ ალბომების ჩარტში. მსოფლიოში ალბომი სულ გაიყიდა 12 მილიონი ასლის ოდენობით. პირველი ორი სინგლი ალბომიდან, Just Dance და Poker Face საერთაშორისო ჰიტებად იქცა. Just Dance მოხვდა ექვსი ქვეყნის პირველ ადგილზე და მათ შორის ბილბორდის ცხელ ასეულში, ამერიკის შეერთებულ შტატებში. Poker Face მოხვდა პირველ ადგილზე თითქმის ყველა წამყვან ჩარტში, და ეს გახდა მისი მეორე ზედიზედ ნომერ პირველ ჰიტი ბილბორდის ცხელ ასეულში. შემდეგი გამოვიდა სინგლები Eh, Eh (Nothing Else I Can Say), LoveGame და Paparazzi. ალბომი და რამდენიმე სიმღერა იყო წარდგენილი გრემის ექვს ნომინაციაში, მათ შორის წლის ალბომის კატეგორიაში. ალბომმა გაიმარჯვა გრემის საუკეთესო ელექტრონული/საცეკვავო ალბომის კატეგორიაში და სინგლმა Poker Face მოიპოვა საუკეთესო საცეკვაო ჩანაწერის ჯილდო. 2010 წლის თებერვალში ასევე ალბომმა აიღო ჯილდო საუკეთესო საერთაშორისო ალბომის კატეგორიაში BRIT Awards-ზე.

2009 წლის 18 ნოემბერს გაყიდვაში ჩაეშვა გაგას EP ალბომი The Fame Monster, ალბოში შესულია რვა სიმღერა. თანამედროვე კრიტიკოსებმა ალბომს მისცეს დადებითი შეფასება. ალბომმა მიაღწია ჩარტების პირველ ადგილზე ავსტრალიაში, გერმანია, ირლანდიაში, ახალ ზელანდიაში, პოლონეთისა და გაერთიანებული სამეფოებში. Bad Romance ალბომის პირველი სინგლი, მოხვდა კანადის, დიდი ბრიტანეთისა და ირლანდიის ჩარტების პირველ ადგილებზე, ხოლო ნომერ მეორე ადგილზე ავსტრალიში, შეერთებული შტატებიში და შვედეთში. ალბომის დანარჩენი სინგლებმა Telephone და Alejandro ორივე მათგანმა მიაღწია ათეულის პირველ ადილზე შეერთებული შტატებში და დიდი ბრიტანეთში. გაგამ ალბომის ხელშესაწყობათ წამოიწყო ტურნე The Monster Ball Tour. ტური დაიწყო 27 ნოემბერს, 2009 წელს და გრძელდება 2011 წლის მაისამდე. 13 თებერვალს 2011 წელს, ალბომი და ალბომში შესული რამდენიმე სიმღერა გრემიზე წარადგინეს 6 ნომინაციაში, ალბომი ნომინირებული იყო წლის ალბომის ნომინაციაში და გაიმარჯვა საუკეთესო პოპ ვოკალური ალბომის ნომინაციაში.

2011–დღემდე: Born This Way და Artpop

მთავარი სტატია : Born This Way და Artpop.

2011 წლის 23 მაისს გაგამ გამოუშვა თავისი მეორე სტუდიური ალბომი Born This Way. გაგა ამ ალბომში თანამშრომლობს ისეთ პროდუსერებთან როგორებიც არიან RedOne და ფერნანდო გერიბეი, რომლებთანაც გაგა ადრეც თანამშრომლობდა, გაგა ასევე თანამშრომლობდა სხვა პროდუსერებთანაც: DJ Snake, DJ White Shadow, ჯეპე ლოურსენი, რობერტ ჯომ მეტ ლენჯი და Clinton Sparks. გაგა ასევე ალბომში თანამშრომლობს სხვა შემსრულებლებთან: ჯგუფ E Street Band-თან, საქსოფონისტ კლერენს კლემონსთან და ჯგუფ Queen-ის გიტარისტ ბრაიან მეისთან. ალბომში შესული სიმღერები გადაწვეტილია სითნოპოპში და საცეკვაო პოპში, რომლებიც გაგას წინა ალბომებში გვხვდება. თუმცა ასევე გვხვდება ისეთი სტილის მუსიკები რომლებიც გაგას წონა ალბომებში არ გამოუყენებია მაგალითად: ოპერა, მძიმე მეტალი, დისკო და როკ-ენ-როლი. სიმღერის ტექსტებში გვხვდება ისეთი თემები როგორებიცაა სექსი, რელიგია, თავისუფლება, ფემინიზმი და ინდივიდუალიზმი. მიუხედავად რელიგიური თემებისა ალბომმა კრიტიკოსების მხრიდან დადებითი შეფასება დაიმსახურა. ალბომმი წარადგინეს გრემის დაჯილდოებაზე სამ ნომინაციაში, მათ შორის წლის ალბომის ნომინაციაში რომელიც გაგამ უკვე ზედისედ სამჯერ მიიღო. Born This Way მოხვდა ყველა ქვეყნის ხუთეულში, მათ შორის ბილბორდ 200ში. ამერიკის შეერთებულ შტატებში ალბომი პირველ კვირას გაიყიდა 1.108 მილიონ ასლზე მეტი და გახდა ყველაზე გაყიდვადი ალბომი მოკლე ხანში ბოლო ხუთი წლის განმავლობაში, დაახლოებით 440.000 ასლზე მეტი გაიყიდა Amazon.com-ზე ორი დღის განმავლობაში. ალბომის ოთხი სინგლი - Born This Way, Judas, The Edge of Glory, და Yoü and I ყველა მოხვდა ბილბორდის ცხელი ასეულის ათეულში. სიმღერა Born This Way გახდა ყველაზე სწრაფად გაყიდვადი სინგლი iTunes-ის ისტორიაში და ალბომის პრომო სინგლი Hair მოხვდა თექვსმეტი ქვეყნის ჩარტში. გაგამ შეასრულა ალბომში შესული სიმღერები ცნობილ დაჯილდოებეზე, მათ შორისაა 53-ე გრემის დაჯილდოება და 2011 წელის MTV-ის მუსიკალური ვიდეოების დაჯილდოება. 2011 წლის ოქტომბერში, მსოფლიოში გაყიდვების რაოდენობამ გადააჭარბმა რვა მილიონ ასლს. 2012 წელს გაგამ ალბომის მხარდასაჭერად წამოიწყო მესამე მსოფლიო ტური Born This Way Ball რომელიც დაიწყო 27 აპრილს სამხრეთ კოერის დედაქალაქ სეულიდან და დამთავრდა 2013 წლის თებერვალს კანადის ქალაქ მონრელაში გაგას ჯარმთელობის გაუარესების გამო. გაგამ ტურნეს ფარგლებში მსოფლიოს შვიდი კონტინენტიდან ეწვია ექვს კონტინენტს და გამართა 98 კონცერტი.

2011 წელს როდესაც გაგა იმყოფებოდა ალბომ Born This Way-ს პრომო ტურში დაიწყო ახალ მესამე სტუდიურ ალბომ Artpop-ზე მუშაობა რომლის გამოშვებაზ იგეგმება 2013 წლის ზაფხულზე. ალბომის გამოცემა იგეგმება როგორც CD დისკის სახით ისე ციფრული აპლიკაციის სახით.

დისკოგრაფია

მთავარი სტატია : ლედი გაგას დისკოგრაფია.

• The Fame (2008)
• The Fame Monster (2009)
• Born This Way (2011)
• ARTPOP (2013)

ჯილდოები და ნომინაციები

მთავარი სტატია : ლედი გაგას ჯილდოები და ნომინაციები.

საკონცერტო ტურები

ჰედლაინერი

• The Fame Ball Tour (2009)
• The Monster Ball Tour (2009–11)
• Born This Way Ball (2012–13)

სხვა მომღერლებთან ერთად

• Fame Kills: Starring Kanye West and Lady Gaga (2009–10) (გაუქმდა)

Opening act

• New Kids on the Block: Live (2008)
• Doll Domination Tour (2009)
• Take That Presents: The Circus Live (2009)
• This Is It (2009–10) (გაუქმდა)

ფილმოგრაფია

ტელევიზია

წელი	დასახელება	როლი	ჩანაწერი
2001	სოპრანოს კლანი	თანაკლასელი	"The Telltale Moozadell" (3 სეზონი, 9 ეპიზოდი) სანამ ცნობილი გახდებოდა
2005	დუღილის პუნქტი	საკუთარი თავი	სანამ ცნობილი გახდებოდა
2009	ჭორიკანა		"The Last Days of Disco Stick" (3 სეზონი, 10 ეპიზოდი) კამეა გამოჩენა
2009-2011	შაბათ ღამეს პირდაპირ ეთერში	მუსიკალური სტუმარი	"რაიან რეინოლდსი/ლედი გაგა" (35 სეზონი, 2 ეპიზოდი) "ჯასტინ ტიმბერლეიკი/ლედი გაგა" (36 სეზონი, 22 ეპიზოდი)
2010	ორმაგი დაუცველობა	საკუთარი თავი	"No One Can Work Like This"
2011	American Idol	მენტორი	10 სეზონი
	თუ ფიქრობ რომ შეგიძლია ცეკვა	სტუმარი ჟიური	(8 სეზონი, 3 ეპიზოდი)
	Born To Dance	საკუთარი თავი	პირველი სეზონი
	A Very Gaga Thanksgiving		ABC-ს სპეციალური გადაცემა.
	Perez Hilton Superfan		შოუს პრემიერა
2011-2012	Dick Clark's New Year's Rockin' Eve with Ryan Seacrest		გაგამ შეასრულა ორი სიმღერა და შეუერთდა ნიუ-იორკის მერს მაიკლ ბლუმბერგის ტაიმზ-სქვერის ბურთის ჩამოგდებაში.
2012	Oprah's Next Chapter		"ლედი გაგა და დედამისი, სინტია" (პირველი სეზონი, 14-15 ეპიზოდი)
	სიმპსონები		"Lisa Goes Gaga" (22 სეზონი, 22 ეპიზოდი)
	Opening Act		"ვონ სმიტი & ლედი გაგა"

ფილმები

წელი	დასახელება	როლი	ჩანაწერი
2011	Lady Gaga Presents the Monster Ball Tour: At Madison Square Garden	საკუთარი თავი	HBO-ს სპეციალური შოუ პრემია ემის ნომინანტი
	მაპეტები		კამეა გამოჩენა ამოღებულია სცენა
2012	Katy Perry: Part of Me		კამეა გამოჩენა
	მაჩეტე კლავს	La Chameleón	თეატრალური დებიუტი ფილმში

რესურსები ინტერნეტში

ვიკისაწყობში^? არის გვერდი თემაზე:

ლედი გაგა

• ოფიციალური ვებ-გვერდი
• ქართული ფან-კლუბი
• (ინგლისური) ლედი გაგა — კინოფილმების ინტერნეტ მონაცემთა ბაზაში (IMDb).

მუსიკის პორტალი – დაათვალიერეთ ვიკიპედიის სხვა სტატიები მუსიკაზე.