თელაგინა

თელაგინა
სოფელი
	თელაგინა;
ქვეყანა	საქართველო
მუნიციპალიტეტი	ერედვის მუნიციპალიტეტი
თემი	არცევი
კოორდინატები	42°10′08″ ჩ. გ. 44°15′07″ ა. გ. / 42.16889° ჩ. გ. 44.25194° ა. გ.
ცენტრის სიმაღლე	1030 მ

თელაგინა — სოფელი საქართველოში, ერედვის მუნიციპალიტეტის არცევის ადმინისტრაციულ ერთეულში (შიდა ქართლის მხარე).^[1]

მდებარეობს შიდა ქართლის ვაკეზე, მდ. მეჯუდის ხეობაში, ზღვის დონიდან 1030 მ სიმაღლეზე, ერედვიდან 15 კმ-ის დაშორებით.

ისტორია

ისტორიულად თელაგინას ტერიტორია ეკუთვნოდა საფალავანდო მამულს, რომელიც ტყით იყო დაფარული. XIX საუკუნის II ნახევარში აქ ოსი ხიზნები დასახლდნენ, ტყე გაჩეხეს და რამდენიმე სოფელი, მათ შორის თელაგინა გააშენეს.^[2]

1922–1990 წლებში თელაგინა შედიოდა სამხრეთ ოსეთის ავტონომიური ოლქის ცხინვალის რაიონში (ღრომის სასოფლო საბჭო). ოლქის გაუქმების (1990) შემდეგ ოფიციალურად მიეკუთვნა გორის რაიონს, 2006 წელს — ერედვის მუნიციპალიტეტს. საქართველოს ხელისუფლების მიერ სოფელი არ კონტროლდებოდა. 1989 წელს თელაგინაში იყო 24 მცხოვრები, ეთნიკურად ოსები.^[3]

ოკუპირებული ტერიტორიების შესახებ საქართველოს კანონით (2008 წლის 23 ოქტომბერი) ტერიტორია განსაზღვრულია, როგორც რუსეთის ფედერაციის სამხედრო აგრესიის შედეგად ოკუპირებული. დადგენილია ამ ტერიტორიების განსაკუთრებული სამართლებრივი რეჟიმი.