აძვისთავი

სოფელი
აძვისთავი
ქვეყანა	საქართველო
სპეციალური ერთეული	სამხრეთ ოსეთის დროებითი ადმინისტრაციულ-ტერიტორიული ერთეულისამხრეთ ოსეთის ადმინისტრაცია
მუნიციპალიტეტი	ერედვის მუნიციპალიტეტი
კოორდინატები	42°08′56″ ჩ. გ. 44°10′49″ ა. გ.
ცენტრის სიმაღლე	880 მ
მოსახლეობა	23 (2015)

აძვისთავი — სოფელი საქართველოში, ერედვის მუნიციპალიტეტში, არცევის თემში.

გეოგრაფია

მდებარეობს შიდა ქართლის ვაკეზე. მდინარე აძურის (მდინარე მეჯუდის მარჯვენა შენაკადი) მარჯვენა ნაპირზე. ზღვის დონიდან 880 მეტრი. ცხინვალიდან 20 კილომეტრი, გორიდან — 30 კილომეტრი.

ისტორია

1991 წლამდე შედიოდა ცხინვალის რაიონში, ხოლო 2007 წლამდე შედიოდა გორის მუნიციპალიტეტში. 2008 წლიდან ოკუპირებულია რუსეთის ფედერაციის მიერ, ხოლო სოფელს დე ფაქტო აკონტროლებს სეპარატისტული სამხრეთ ოსეთის რესპუბლიკა, რომლის ტერიტორიაზე სოფელს მიანიჭეს ოსური სახელწოდება (ოს. Адзысæр).

დემოგრაფია

1989 წლის აღწერით სოფელში ფიქსირდებოდა 149 მცხოვრები.

ღირსშესანიშნაობები

ხუროთმოძღვრული ძეგლებიდან აღსანიშნავია: აძვისთავის წმინდა გიორგის ეკლესია, აძვისთავის ზურგიანი კოშკი.

ლიტერატურა

• ქართული საბჭოთა ენციკლოპედია, ტ. 2, თბ., 1977. — გვ. 75.

• ენციკლოპედია „საქართველო“, ტ. 1, თბ., 1997. — გვ. 270.