Intellivision – 16 ბიტიანი მეორე თაობისსახლის ვიდეო თამაშების კონსოლი, შექმნილი და გამოცემული კომპანია Mattel Electronics-ის მიერ 1979 წელს. მასზე მუშაობა დაიწყო მისი მთავარი კონკურენტი კონსოლის, Atari 2600-ის გამოსვლიდან ერთი წლის შემდეგ, 1978 წელს. გამოსვლისთანავე კონსოლზე ხელმისაწვდომი იყო მხოლოდ 4 თამაში, Space Spartans, Bomb Squad, B17Bomber და Tron: Solar Sailer. ერთ წელში გაიყიდა 175.000 ასლი და თამაშების ბიბლიოთეკა 35 ერთეულადმდე გაიზარდა და საერთო ჯამში გაიყიდა კონსოლის 3 მილიონი ეგზემპლარი და თამაშების რაოდენობამ 125-ს მიაღწია, ხოლო ყველაზე გაყიდვადი თამაშია Major League Baseball, ერთი მილიონი გაყიდული ასლის ოდენობით. [1][2][3] 1982 წელს კომპანიამ გამოუშვა სახეშეცვლილი ვერსია Intellivision II, რომელსაც გააჩნდა მოხსნადი სათამაშო კონტროლერი და დახვეწილი დიზაინი. 1983 წელს მატელი გეგმავდა Intellivision III-ის გამოშვებას, რომელიც აპარატულად უფრო ძლიერი იქნებოდა, ვიდრე მისი წინამორბედი, მაგრამ პროექტზე მუშაობა შეწყდა სხვადასხვა მიზეზის გამო, ერთ-ერთ მთავარ მიზეზად იქცა 1983 წლის ვიდეო თამაშების კრიზისი, რამაც უარყოფითად იმოქმედა კონსოლის განვითარებაზე.
Intellivision თავდაპირველი იყო ფასი 299 ამერიკული დოლარი. Intellivision არის პირველი კონსოლი, რომელშიც გამოყენეს 16 ბიტიანი ცენტრალური პროცესორი. მისი ტექნიკური მახასიათებლები ასე გამოიყურება: General Instrument-ის 16 ბიტიანი CP1610-ის პროცესორი 1 მგჰ-დე ტაქტური სიხშირით, 1352 ბაიტი ოპერატიული მეხსიერება და PlayCable-ის ონალინ სერვისის მხარდაჭერა.
2009 წელს საიტ IGN-მა Intelvision ყველა დროის საუკეთესო კონსოლებს შორის 14 ადგილი მიუჩინა.[5] თუმცა ამავე გამოცემამ მისი კონტროლერი მეოთხე ყველაზე ცუდ კონტროლერად დაასახელა.[6] Intelvision რჩებოდა მატელის შემუშავებულ ერთადერთ კონსოლად, მანამდე სანამ 2006 წელს არ გამოუშვა HyperScan.
Intellivision
The Intellivision II
Intellivision III
Intellivision-ის კონტროლერი
Intellivoice, ხმის სინთეზატორი
Super Video Arcade
